جۇما, 29 ناۋرىز 2024
نە دەيدى؟! 10030 0 پىكىر 6 تامىز, 2015 ساعات 08:37

ەكى ء"وتىنىش", ءبىر كۇيىك. مەملەكەتتىك تىلدەن كىم بيىك؟

ۇيعىر اۋداندىق «ۇرپاق پارىزى» قوعامدىق بىرلەستىگىنىڭ توراعاسى - جانەت كەرىمقۇلوۆ

الماتى وبلىسى،

ۇيعىر اۋدانىنىڭ پروكۋرورى،

اعا ادىلەت كەڭەسشىسى

ش.س.قۇتەلوۆ مىرزاعا

سۇمبە اۋىلىنىڭ تۇرعىنى

ج.س.كەرىمقۇلوۆتان

 

ءوتىنىش

مەنىڭ سىزگە ءوتىنىش بەرۋ سەبەبىم - ءوزىڭىز دە بىرگە بولعان اۋدان اكىمدىگىنىڭ ءماجىلىس زالىندا 2015 جىلدىڭ 24 شىلدەسىندە ورىن العان كيكىلجىڭنەن تۋىپ وتىر. 

وقيعانىڭ قالاي ءورىس العانى كوز الدىڭىزدا بولعاندىقتان، ونى بايانداپ ۋاقىت الماعاندى ءجون كوردىم. وسىعان  دەيىن اۋدان اكىمى توحتاسۋنوۆ اليمجان يمتاحۋنۇلىمەن ەشقانداي رەنىش، ءبىر-بىرىمىزگە، وكپە-ناز بولماعاندىعىن ەسكەرتەمىن.

مەنى قىنجىلتىپ وتىرعان  مىنا ماسەلەلەر:

اكىم ماعان مىنانداي ايىپتار تاڭعانىن وزىڭىزدەن باستاپ سول جيىنعا قاتىسقان اۋدان زيالىلارىنىڭ ءبارى كۋا:

1.      «اياق استىنان بۇيرەكتەن سيراق شىعارىپ، ۇساق-تۇيەكتەن شۋ شىعاراسىڭ، ىلعي؟»

- سوندا، قازاقستاندا «ماڭگىلىك ەلدى» مۇرات ەتكەن – قازاق ەلىندە قازاقستاننىڭ مەملەكەتتىك-قازاق تىلىندە سويلەۋدى تالاپ ەتۋىم - ۇساق-تۇيەك ماسەلە مە؟ مۇنى سول قازاق ەلىنىڭ ء بىر اۋدانىنىڭ تىزگىنىن ۇستاعان اكىمنىڭ ايتۋىن قالاي تۇسىنەمىز؟ وندا ونىڭ ساياسي ۇستانىمى قانداي بولعانى؟

- «ىلعي» دەگەنىن قالاي دالەلدەيدى؟

2.      اكىمدىك كوللەگياسىنىڭ توراعاسى رەتىندە نەگە مەنى عانا سوزدەن توقتاتىپ، قوسامجارلانىپ، باستىرمالاتىپ، مەنىمەن بىرگە جارىسا سويلەپ، وزدەرىنىڭ قيعاش پىكىرلەرىن بىلدىرگەن ز.ماميروۆ جانە س.يسلاموۆتاردى تەجەمەگەنىن قالاي تۇسىنەمىز؟

3.      ء«سوزدى توقتاتپاساڭىز – زالدان شىعارىپ جىبەرەمىن» – دەگەن قوقان-لوققىسى ساياسي قىزمەتكەردىڭ ارەكەتىنە ساي ما؟

4.      «دەمەنباەۆ بىرنەشە رەت  جيىندارعا كەرىمقۇلوۆتى شاقىرۋعا بولمايدى دەسە دە مەن شاقىرتىپ ەدىم، ەندى شاقىرتپايمىن» – دەيتىندەي، بۇل جيىن  ونىڭ ءوزىنىڭ جەكە باسىنىڭ تويى ما، نەمەسە، اسى ما؟

5.      «جازاتىن جەرگە جازا بەرىڭىز!» دەگەنى قالاي؟ سوندا مەن ايگىلى ارىزقويمىن با؟ ولاي بولسا، دالەلدەپ بەرسىن!

6.      «سەنىڭ اۋدان كولەمىندە قىزمەت ەتەتىن جەتى (7) قازاعىڭ قازاق ءتىلىن بىلمەيدى.قۇزىرلى مەكەمەگە تەكسەرتىپ، ولاردى قىزمەتتەن بوساتامىن، سوندا كورەسىڭ» - دەگەنى قاي ساسقانى؟

وسى مەملەكەتتىك قىزمەتكەر – اۋدان اكىمىنىڭ اۋزىنان شىعاتىن ءسوز  بە؟

بۇل-ۇلت ارالىق قاتىناستى قاساقانا ۋشىقتىرۋ دەپ تۇسىنەمىن. بۇل-ەكسترەميستىك پيعىلدارعا جول بەرۋ، سولاردىڭ سويىلىن سوعۋ.

اۋدان اكىمىنىڭ-مەملەكەتتىك جانە ساياسي  قىزمەتكەردىڭ  وسى اۋداننىڭ وقۋ-اعارتۋ، ءبىلىم سالاسىندا 39 جىل جۇمىس ىستەگەن، «قازاق سسر-ءى اعارتۋ ءىسىنىڭ ۇزدىگى» توسبەلگىسىمەن، «قر تاۋەلسىزدىگىنىڭ 20 جىلدىعى»  مەرەكەلىك مەدالىمەن ماراپاتتالعان، اۋداندىق «ۇرپاق پارىزى» قوعامدىق بىرلەستىگىنىڭ توراعاسى - ماعان ءدۇيىم جۇرتتىڭ الدىندا وسىنداي قىلىق كورسەتكەنى مەنىڭ نامىسىما ءتيىپ وسىنى جازۋعا ءماجبۇر ەتتى.

ءوتىنىشىمنىڭ  اعىمداعى زاڭناماعا سايكەستىگىن زەردەلەپ، ءاربىر پۋنكتىنە ناقتى، زاڭدىلىق تۇرعىدا جاۋاپ بەرۋىڭىزدى وتىنەمىن.

ءوتىنىش يەسى: ج.س.كەرىمقۇلوۆ

25.07.2015 جىل


 

الماتى وبلىسى، ۇيعىر اۋدانىنىڭ اكىمى -  اليمجان يمتاحۋنۇلى توحتاسۋنوۆ 

 


 

الماتى وبلىسىنىڭ اكىمى

ا.ع.باتالوۆ مىرزاعا

ۇيعىر اۋدانى

شونجى اۋىلى

اپپازوۆ كوشەسىنىڭ №38 ءۇي تۇرعىنى

ج.س.كەرىمقۇلوۆتان

ب/تەل:8 701 581 77 75

8 771 450 79 77

جەكە كۋالىك №014 644 203

جسن №550 106 301 157

ءوتىنىش

مەنىڭ سىزگە، ءوتىنىش جازۋ سەبەبىم: 2015 جىلدىڭ 24 شىلدەسىندە بولعان اۋدان اكىمدىگىنىڭ كوللەگيالىق جيىنىندا ورىن العان مىنا وقيعانى تەكسەرىپ، زاڭدىق نەگىزدە باعاسىن بەرۋىڭىزدى وتىنەمىن.

اۋدان اكىمدىگىنىڭ كوللەگيا مۇشەلەرى، اۋدان پروكۋرورى، سەلولىق وكرۋگ اكىمدەرى، مەكتەپ ديرەكتورلارىنىڭ ورىنباسارلارى، اۋداندىق مەكەمە باسشىلارى، مەملەكەتتىك ەمەس ۇيىمدار جەتەكشىلەرى، ت.ب قاتىسقان جيىندا اۋدان اكىمى اليمجان يمتاحۋنۇلى قارالىپ جاتقان ماسەلە بويىنشا ورىس تىلىندە انىقتاما بەرگەن اۋداندىق ىشكى ىستەر ءبولىمى باسشىسىنىڭ ورىنباسارى ي.ۆ.كالمىكوۆتان كەيىن تاسقاراسۋ سەلولىق وكرۋگىنىڭ اكىمى – رەنات مەرەكەەۆتى مىنبەگە شىعاردى.

ول ءسوزىن ورىسشا باستاپ ەدى،ونىسى اۋديتورياعا تۇسىنىكسىزدەۋ بولعاندىقتان كوللەگيا مۇشەسى-اۋدان اكىمىنىڭ ورىنباسارى د.م.دەمەنباەۆ «قازاقشا-اق ايتساڭشى»- دەدى. وسى كەزدە اۋدان اكىمى توحتاسۋنوۆ اليمجان: «اۋزىنان نەگە قاعاسىڭ؟ ورىسشا ايتا بەرسىن، مەن دە اراسىندا ورىسشا سويلەيمىن عوي»، - دەدى.

مەن «قازاقشا سويلەسىن، قازاقشا بىلمەسە ءبىر ءجون. ءوزى قازاق قوي»، -دەدىم.

اكىم: «وسى ءسىز ىلعي ۇساق-تۇيەك، بولماشىدان شۋ شىعارىپ جۇرەسىز! «كەرىمقۇلوۆتى جيىنعا شاقىرماۋ كەرەك»- دەگەن دەمەنباەۆقا بوي بەرمەي مەن شاقىرتىپ ەدىم. بۇدان بىلاي شاقىرتپايمىن. كەرەك بولسا، قازىر زالدان كۋىپ شىعامىن. جازاتىن جەرىڭىزگە جازا بەرىڭىز. اۋداندا قىزمەت اتقاراتىن ءسىزدىڭ 7 (جەتى) قازاعىڭىز قازاقشا بىلمەيدى، قۇزىرلى ورگانداردان تەكسەرتۋ شاقىرتىپ، ولاردى جۇمىستان بوساتامىن، سوندا كورەسىڭ»، -دەدى.

اۋدانداعى 60 مىڭنان اسا حالىقتىڭ نوقتا اعاسى، مەملەكەتتىك بيىك لاۋازىم يەسى، ساياسي قىزمەتكەر – اۋدان اكىمىنىڭ سانالى تۇردە ءتىل تۋرالى زاڭىن، قر-نىڭ مەملەكەتتىك قىزمەتشىلەردىڭ ار-نامىس كودەكسىن بەلدەن باسىپ، ءدۇيىم جۇرتتىڭ الدىندا، 1992 جىلدان «قازاق سسر حالىق اعارتۋ ءىسىنىڭ وزىق قىزمەتكەرى» قر تاۋەلسىزدىگىنە 20 جىل مەرەكەلىك مەدالىمەن ماراپاتتالعان، 2015 جىلى قر-نىڭ پرەزيدەنتىنىڭ العىسىن العان، «ۇرپاق پارىزى» قوعامدىق بىرلەستىگىنىڭ توراعاسى – مەنىڭ نامىسىما ءتيىپ، مورالدىك، رۋحاني قىسىم كورسەتكەندىكتەن ءسىزدىڭ قۇزىرىڭىزعا جۇگىنۋگە ءماجبۇر بولىپ وتىرمىن.

ءوتىنىش يەسى: ج.س.كەرىمقۇلوۆ

28.07.2015جىل

 




 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564