ء "بىزدىڭ قىمباتتى پرەزيدەنتىمىز، ءسىزدى وسىناۋ ەرەكشە كۇنمەن قۇتتىقتايمىن! ءبىرىنشى كەزەكتە سىزگە ۇزاق ءومىر تىلەگىم كەلەدى. مەن تاۋەلسىزدىگىمىز قالىپتاسقان قيىن-قىستاۋ كەزەڭدە ءسىزدىڭ ورىنىڭىزدا كوپ ادام بولا الماس ەدى عوي دەپ ءجيى ويلايمىن. ءسىزدىڭ ارقاڭىزدا ءبىز سول جولدى توپالاڭسىز، بيلىك ءۇشىن تالاسسىز وتە الدىق. ءبىز ەلىمىزدە بەيبىتشىلىك پەن تىنىشتىقتى ساقتاي الدىق. مەن بار جۇرەگىممەن ءسىزدى قوستايمىن جانە سوڭىنا دەيىن ءسىزدى قولدايمىن. ءسىز تەك جاقسى ەلباسى ەمەس، جاقسى ادامسىز، مەن ونى سەزەمىن. ءسىزدىڭ ءاردايىم باقىتتى بولعانىڭىزدى قالايمىن! دەنساۋلىق تىلەيمىن، سەبەبى تابيعي بايلىعى مول، اۋماعى جاعىنان الەمدە توعىزىنشى ورىندا تۇرعان قازاقستان سياقتى ەلدىڭ پرەزيدەنتى بولۋ وڭاي ەمەس. ءسىزدى تەك ادال ءارى جاقسى ادامدار قورشاسىن".

«كومسومولسكايا پراۆدا» گازەتىندە جاريالانعان سارا نازارباەۆانىڭ (سۋرەتتە) بۇل حاتىن قازاق سايتتارى دا كوشىرىپ جاريا ەتۋدە. قازاقستان پرەزيدەنتىن قۇتتىقتاعان حاتىندا سارا نازارباەۆا تاعى دا بىلاي دەيدى: 

"اجەم مەنىڭ تاربيەمدە ۇلكەن ءرول اتقاردى... مەنىڭ اتا-انام ءبىر سىنىپتا وقىپ، 18 جاستارىندا ۇيلەنگەن، كوپ ۇزاماي مەن ومىرگە كەلدىم! اجەم جاستارعا بار جاعىنان كومەك كورسەتتى. اتام مەن تۋىلعاندا ومىردەن ءوتتى، سوندىقتان مەنىڭ ەسىمدە جوق", - دەيدى سارا نازارباەۆا.

ول نە سەبەپتى قازاقستان پرەزيدەنتىن گازەت ارقىلى قۇتتىقتاعىسى كەلگەنىن دە جاسىرمادى.

"مەن مەكتەپ جاسىنان باستاپ ادامداردىڭ نازارىندا بولۋعا ۇيرەندىم. مەن قازىر سۇلەيمان دەميرەل ۋنيۆەرسيتەتىنىڭ فيلولوگيا فاكۋلتەتىنىڭ ءتورتىنشى كۋرسىندا وقيمىن. مەن ءوز بولاشاعىمدى جوسپارلاۋعا تىرىسامىن جانە مەندە ءاردايىم جاڭا ماقسات بار. بىراق ونىڭ ءبارىن ەلگە جاريا ەتە بەرۋدى ۇناتپايمىن. ەڭ اۋەلگى جوسپارلارىمنىڭ ءبىرى - وقۋدى ءبىتىرىپ، ءوز ۋنيۆەرسيتەتىمدە نەمەسە قازاق-تۇرىك ليتسەيىندە ساباق بەرۋ", - دەيدى ستۋدەنت قىز.

 ساراعا «سارا» دەپ  اجەسى ات قويىپتى. قىزىلوردا قالاسىنىڭ تۇرعىنى سارا نازارباەۆا ەسىمدى 21 جاستاعى ستۋدەنت قىزدىڭ ەل پرەزيدەنتىن قۇتتىقتاعىسى كەلگەن ءوتىنىشىن "كومسومولسكايا پراۆدا" گازەتى جاريالادى: http://www.kp.kz/society/9877-sara-nazarbaeva-pozdravila-prezidenta-s-dnem-rozhdeniya-cherez-komsomolku

 ەستەرىڭىزگە سالا كەتەيىك، پرەزيدەنتتىڭ زايىبى سارا نازارباەۆا ءوزى ىرگەتاسىن قالاعان «بوبەك» قورىنىڭ ءتورايىمى. بىلايعى جاريا ءومىرى جۇرتقا بەلگىسىز. 1990 جىلدارى ەل كوزىنە جيىرەك ءتۇسىپ جۇرگەن كەزىندە ءبىرىنشى حانىم: «سىزگە اتا-اناڭىزدىڭ «سارا» دەپ ات قويعانىنا قاراعاندا ولاردىڭ ونەرگە قاندايدا ءبىر جاقىندىعى بولعان عوي؟» دەگەن ءتىلشى سۇراعىنا: «جوق، ولار دۇرىس ادامدار بولعان» («نەت، وني بىلي نورمالنىمىي ليۋدمي») دەپ جاۋاپ بەرگەنى ەسىمىزدە.

Abai.kz