كەلىمبەتوۆ قاي ەلدە ءومىر سۇرەدى؟
Bloomberg بىزگە كۇلگەن شىعار. اعىلشىندار اقىماق ەمەس قوي. ءدال وسى باسىلىمعا قازاقستاننىڭ ۇلتتىق بانك توراعاسى قايرات كەلىمبەتوۆ سۇحبات بەرگەن. «قازاقستاندى ورتا ازيانىڭ سينگاپۋرىنا» تەڭەپ…
ءبىزدىڭ بيلىك حالىقتىڭ اتىنان سويلەۋدى قاشان قويادى؟ قويمايدى. ايتپەسە قازاقستاندى الەمدەگى ەڭ دامىعان 50 ەلدىڭ قاتارىنا قوسۋ استانانىڭ ادەمىلىگىمەن عانا ولشەنبەسىن بىلسە كەرەك ەدى. ءيا…
ءبىزدىڭ بيلىك حالىقتىڭ اتىنان سويلەۋدى قاشان قويادى؟ قويمايدى. بىلتىر ما، ايتەۋىر ءبىر ۋاقىتتا پارلامەنت سەناتىنىڭ دەپۋتاتى بىرعانىم ءايتىموۆا بىلاي دەگەنى بار. «قازاق جاستارى نەسيەگە ءومىر ءسۇرىپ ۇيرەنۋى كەرەك». ياعني، ءۇي السا دا، نە السا دا نەسيەگە كىرۋى ءتيىس. مىنە، وسى ءايتىموۆا ءبىر كەزدەرى جاستار ءمينيسترى بولدى دەپ كىم ايتادى؟
كەلىمبەتوۆ نەگە بۇلاي دەدى؟
ول، ونىڭ ءوزى ادەمى الەمدە ءومىر سۇرەدى، ويتكەنى. تۇتاس قازاقستاندى دا ءوزىنىڭ ورتاسىنا، كيگەن كيىمىنە، ىشكەن تاماعىنا قاراپ باعالايدى، ەندەشە.
ەلوردانىڭ ەڭسەلى عيماراتىندا وتىرعان وعان ەل جۇماقتا شومىلىپ جۇرگەندەي ەلەستەيتىن شىعار. كىم بىلگەن…
كەلىمبەتوۆ نەگە بۇلاي دەدى؟
بۇلاي دەي وتىرا قازاقستاندا قوي ۇستىنە بوزتورعاي جۇمىرتقالاعان ءداۋىر ورنادى دەگەنى عوي.
رەداكتسياعا حات كەلدى. وسى حات بۇل ماقالاعا تۇرتكى بولدى، ءبىر جاعىنان. گازەتتىڭ كۋرچاتوۆ قالاسىنداعى وقىرمانى ەكەن. جاس انا. مەملەكەتتىك قىزمەتكەر ەكەن. ءبۇي دەپتى:
32 مىڭ تەڭگە جالاقى الامىن. مەيرامداردا الىپ تۇراتىن ازىن-اۋلاق سىياقىمىز بار ەدى. سونى جاقىندا قيىپ تاستاپتى. ەكسپو دەگەن كورمە وتەدى ەكەن. سوعان بايلانىستى ۇنەم جاساسا كەرەك.
قارىشتاپ دامىپ كەلە جاتقان قازاقستاندا 30 مىڭ تەڭگەمەن ءومىر ءسۇرىپ وتىرعاندار بار. ولمەستىڭ كۇنىن كەشىپ…
كەلىمبەتوۆ وسىلاردىڭ ءومىرىن كورسە، كەشسە قازاقستاندى سينگاپۋرگە تەڭەگەن ولشەمى وزگەرەر مە ەكەن؟
شىن قازاقستان قانداي؟ كەلىمبەتوۆ بىلمەيدى ونى. بىلسە دە، بىلگىسى كەلمەيدى. وعان بىلگىسى كەلمەيتىن قازاقستان قاجەت. بىلەتىن الگى 30 مىڭ الاتىندار. قىرىق، ەلۋ، الپىس، جەتپىس… ءجۇز.
ارينە، قايرات كەلىمبەتوۆتىڭ كەرىسىنشە سويلەمەسى تاعى بەلگىلى.
سينگاپۋر كوررۋپتسيانى تامىرىمەن قوپارىپ، ءبىرجولاتا جۇلىپ تاستاعان ەل.
«كوررۋپتسيانى جەڭگىڭ كەلە مە، ەندەشە دوس-جارانىڭ مەن تۋعان-تۋىسىڭدى تۇرمەگە توعىتۋعا دايىن بول!» دەيدى وسى ەلدىڭ شىن مانىندەگى كۇن كوسەمى – لي كۋان يۋ.
بيلىك «ەلدەگى ورتاشا جالاقى 100 مىڭ» دەپ بوسكەندە سونى كوپ سانايتىن سياقتى. ورتا ازيانىڭ سينگاپۋرى سانالاتىن ەلگە بۇل، ارينە، از.
الگى وتىز مىڭ الاتىندار ءجۇز مىڭ الاتىن جاعدايعا جەتكەندە، ال ءجۇز مىڭنىڭ ءوزى ەلدەگى ەڭ تومەنگى ايلىقتىڭ ساناتىنان سانالعاندا عانا كەلىمبەتوۆتىڭ سوزىنە كەشىرىممەن قاراۋعا بولاتىن شىعار.
ارينە، قايرات كەلىمبەتوۆتىڭ كەرىسىنشە سويلەمەسى تاعى بەلگىلى.
سينگاپۋر كوررۋپتسيانى تامىرىمەن قوپارىپ، ءبىرجولاتا جۇلىپ تاستاعان ەل.
«كوررۋپتسيانى جەڭگىڭ كەلە مە، ەندەشە دوس-جارانىڭ مەن تۋعان-تۋىسىڭدى تۇرمەگە توعىتۋعا دايىن بول!» دەيدى وسى ەلدىڭ شىن مانىندەگى كۇن كوسەمى – لي كۋان يۋ.
يۋ «بيلىك – اقشا – كوررۋپتسيا» اتتى جۇيەنى بەسىگىندە تۇنشىقتىرعان تۇلعانىڭ ءبىرى.
قازىرگى قازاقستان وسى جۇيەمەن ءومىر سۇرەتىن ەلدەردىڭ ءبىرى.
قازىر شە؟ داعدارىس ورىستىڭ جالعىز وداقتاسى – قازاقستاندى دا القىمنان الا باستادى دەيدى. مۇندايدا اقىلى بار ەل ايىلىن تارتار ەدى.
داراقىلىقتىڭ ءبىر كورىنىسى – ۇنەمدەيتىن جەردە ۇنەمدەمەي، ۇنەمدەمەيتىن جەردە ۇنەمدەيدى. مۋزتۆ-گە شاشقان شىعىن بالالاردىڭ اسىنان ارتىق ەمەس، ايتپەسە. ەكسپو وتكىزۋ ءۇشىن وتىز مىڭ الاتىنداردىڭ سىياقىسىن قيۋ ءوزىن سينگاپۋرمەن تەڭ سانايتىن ەلگە ابىروي اپەرمەيدى.
شاشىلۋ – داراقىلىق. تاعى دا سول لي كۋان يۋدىڭ تۇجىرىمى.
سونىمەن، شىن قازاقستان قانداي؟ شىنىمەن دە سينگاپۋرگە ۇقساي ما؟ كەلىمبەتوۆ قانداي قازاقستاندا ءومىر سۇرەدى؟…
ءبىز تەك ءوز كوزقاراسىمىزدى بىلدىردىك. ءسىز قالاي ويلايسىز؟
دۋمان بىقاي
دالا مەن قالا گازەتى
