جۇما, 19 شىلدە 2024
جاڭالىقتار 4580 0 پىكىر 1 شىلدە, 2015 ساعات 19:50

گيتلەر اۋرۋعا شالدىققاندىقتان سسسر-گە شابۋىلداپتى

عالىمدار گەرمانيا كوشباسشىسى ادولف گيتلەر پاركينسون اۋرۋىنا شالدىققاندىقتان كسرو-عا شابۋىلدادى دەگەن مالىمدەمە جاساعان. بۇل تۋرالى tengrinews.kz حابارلادى. مامانداردىڭ ايتۋىنشا، گيتلەردىڭ دەرتى ەكىنشى دۇنيەجۇزىلىك سوعىس كەزىندە ەلدىڭ جەڭىلىس تابۋىندا اسا ماڭىزدى رول اتقارعان. 

راگحاۆ گۋپتا (Raghav Gupta) مەن ونىڭ پيتتسبۋرگ ۋنيۆەرسيتەتىندەگى ارىپتەستەرى فوتوحرونيكا كادرلارىنا تالداۋ جاسادى: ودان فيۋرەردىڭ 1933-1945 جىلدارى قوزعالۋ فۋنكتسياسىنىڭ بۇزىلعانىن كورۋگە بولادى. عالىمداردىڭ سوزىنە قاراعاندا، ونىڭ سول جاق قولى دىرىلدەيتىن بولعان. پاركينسونيزم كوبىنەسە گيپوكينەزياعا شالدىقتىرادى، سونىمەن قاتار، ومىرتقانى قيسايتىپ، اياقتى سۇيرەتە باسقىزىپ، قيالداۋعا مۇرشا بەرمەي، جالپى ەنجارلىققا اكەپ سوعادى. ايتا كەتەيىك، بۇل بەلگىلەردىڭ بارلىعى گيتلەردىڭ ءومىرىنىڭ سوڭعى جىلدارىندا بايقالعان.

عالىمداردىڭ ايتۋىنشا، تاپ وسى پاركينسون اۋرۋى ونىڭ ۇلىبريتانيامەن سوعىس اياقتالماي تۇرىپ كسرو-عا شابۋىلداۋىنا شەشىم قابىلداتقان، سونىمەن قاتار، فەلدمارشال پاۋليۋستىڭ اسكەرىنە ستالينگرادتان شەگىنۋىنە تىيىم سالىپ، نورمانديا قورعانىسىن ۇيىمداستىرۋعا جول بەرمەدى.

الايدا نەلىكتەن ادولف گيتلەردىڭ 1933 جىلعا دەيىن البىرت جانە اقيقاتقا جاتپايتىن شەشىم قابىلداعانىنا تۇسىنىك بەرىلمەيدى. عالىمداردىڭ ايتۋىنشا، ول بۇل دەرتتىڭ ەڭ العاشقى بەلگىلەرىنەن ءبىرىنشى دۇنيەجۇزىلىك سوعىستان كەيىن-اق زارداپ شەككەن. فيۋرەردىڭ ارەكەتتەرىن پاركينسون اۋرۋىمەن بايلانىستىرىپ وزگە دە اقپارات قۇرالدارى جازدى. ولاردىڭ ويىنشا، بۇل دەرتتىڭ باستاۋى ەكونومو ەنتسەفاليتىندە جاتىر، گيتلەر وعان 1918 جىلى يسپان تۇماۋىنىڭ ەپيدەمياسى كەزىندە شالدىققان. بۇل ەنتسەفاليت پاركينسونيزم بەلگىلەرىنىڭ دامۋىنا اكەپ سوعادى. وزگە اۆتورلاردىڭ سوزىنە قاراعاندا، گيتلەر امفەتاميندى ءجيى قولدانعان، ول 1920-1930 جىلدارى دەپرەسسيانى، دەمىكپە مەن پاركينسون اۋرۋىن ەمدەۋ ءۇشىن بەلسەندى تۇردە قولدانىلعان: تاياۋدا جاسالعان مەديتسينالىق زەرتتەۋ امفەتاميندى كوپ قولدانۋدىڭ پاركينسونيزم قاۋپىن 76 پايىزعا ارتتىراتىنىن كورسەتتى.

اباي-اقپارات

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1300
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2036
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2082