تاۋەلسىزدىك سارايىندا قازاقستان حالقى اسسامبلەياسى جۋرناليستەرى مەن ساراپشىلارى كلۋبىنىڭ وتىرىسى ءوتتى. بۇل وتىرىس بايلانىس جانە اقپارات قىزمەتكەرلەرى كۇنى قۇرمەتىنە ورايلاستىرىلعان. «قازاقپاراتتىڭ» جازۋىنشا، وتىرىستا ءسوز العان قحا توراعاسىنىڭ ورىنباسارى، حاتشىلىعىنىڭ مەڭگەرۋشىسى ەرالى توعجانوۆ اسسامبلەيانىڭ قوعامداعى ءرولىن اتاي كەلە:
«سوڭعى الەۋمەتتىك دەرەكتەر بويىنشا اسسامبلەيانىڭ بەدەلى 85 پايىزعا ارتتى. بۇل كەرەمەت ناتيجە. قازاقستان مەن حالىقارالىق كەڭىستىكتە بولىپ جاتقان ساياسي ۇردىستەر گەوساياسي ولشەمدە كۇللى الەمگە ن.نازارباەۆتىڭ ۇلگىسى - كەلىسىم، بىرلىك ۇلگىسى ءساتتى ەنگىزىلگەنىن تاعى ءبىر مارتە راستادى. «100 قادام» جوسپارىنىڭ اياسىندا قحا الدىنا قويىلعان مىندەتتەر كوپ. بۇل ەلىمىزدىڭ بىرتەكتىلىك پەن بىرلىك رەفورمالارى. بۇل جۇمىستاردىڭ بارلىعى قحا-ىنا جۇكتەلدى»، - دەپ اتادى.

شارانىڭ سوڭى كلۋب مۇشەلەرىن، رەسپۋبليكالىق، ايماقتىق باق جۋرناليستەرىن «قازاقستان حالقى اسسامبلەياسىنا 20 جىل» مەرەيتويلىق مەدالدارىمەن ماراپاتتاۋ سالتاناتىمەن قورىتىندىلانعان.

اباي-اقپارات