وسى قازاقتار وزدەرى ءوز الدىنا جەكە ەگەمەن ەل بولعىسى كەلمەيتىن سياقتى.

سەبەبى: 1. انا ءتىلىن ۇيرەنگىسى كەلمەيدى. 2. قازاقشا بىلگەنى دە ورىسشا سويلەيدى. 3. ۇيىندە ورىسشا سويلەيدى. 4. بالالارىن ورىس بالاباقشاعا بەرەدى. 5. بالالارىن ورىس مەكتەپتە وقىتادى. 6. تەلەكانالداردىڭ ءبارى ورىسشا. 7. كينوتەاتردا قازاق تىلىندەگى كينو كورسەتىلمەيدى. 8.مەملەكەتتىك قىزمەت ورىس تىلىندە جۇرەدى. 9. مەملەكەت قىزمەتكەرلەرىنىڭ بارلىعى ورىسشا سويلەيدى. 10. ەلدى مەكەن اتتارىنىڭ دەنى ءالى ورىسشا نەمەسە ولگەن ورىستاردىڭ اتىندا. 11. كوشە اتتارى ورىسشا. 12. رەكلامالار ورىسشا. 13. بۇقارالىق ترانسپورتتىڭ اتاۋى مەن ايالدامالار ورىسشا جاريالانادى. 14. دۇكەندەردە ورىسشا عانا سويلەسەدى. كوشەدە ادامدار ءبىر-بىرمەن ورىسشا ءجون سۇراسادى. 15. جانە ەڭ باستىسى وسى كۇنگە دەيىن ادامداردىڭ اتى-ءجونى، اتاتەگى ورىس سارىندا (وۆ، ەۆ) جازىلادى. 16. ەلباسى ورىسشا سويلەيدى. 17. پارلامەنت تالقىلاۋلارى ورىس تىلىندە جۇرەدى. 18. ۇكىمەتتىڭ ءىسى ورىسشا. 19. حالىقارالىق قاتىناستا ورىس ءتىلى عانا قولدانىلادى. 20. ەلدىڭ اتىن شەت تىلدەرگە ورىسشاسىنان اۋدارادى.

قازاقستان-ورىسشا-كازاحستان، اعىلشىنشا-Kazakhstan. ءبىر "ق" نەگە ورىسشا "ك", اعىلشىنشا "ك", كەلەسىسى ورىسشا "ح", اعىلشىنشا "kh"? قازاق ءتىلىنىڭ جالعىز دىبىسىنىڭ ءوزىن وسىنشا بۇرمالايتىنداي قازاق تىلىندە نە ءوش-قاستارى بار؟ ورىس ءتىلىنىڭ تۋىن كوتەرىپ، قازاق ءتىلىن اتتاپ باسىپ، اياققا تاپتاپ جۇرگەندەردىڭ ءبارى-سول قازاقتاردىڭ وزدەرى. قازاق ءتىلىنىڭ مەملەكەتتىك مارتەبەسىن مويىندامايتىندار دا - قازاقتار. قازاقتىڭ نامىسىن جەر قىلىپ ورىسقا جىعىپ بەرىپ جۇرگەندەر دە - قازاقتار. قازاعى دا، ءورىستىلدىسى دە قازاقشا سويلەسە ەشكىم شەك قويماس ەدى. زاڭى دا سولاي. ورىستار قازاقتى بوپسالاپ قانا اڭىسىن اڭدىپ وتىر. وتارشىل ورىس پەن كەلىمسەك ورىستىلدىلەر زامان اعىمىن قازاقتان جاقسى ءبىلىپ وتىر. قازاق ءوزى قازاق بولۋعا قۇلىقسىز. ايتپەسە بيلىكتەگىلەرگە تالاپ قويسا قازاق بوپ كەتۋ قالام ۇشىندا ( ناقتاپ كەلسە ءتىلدىڭ عانا ۇشىندا، نيەتتە) تۇرعان ماسەلە. الدە قازاقتار وزدەرىن ادام قۇقىنا يە سۋبەكت دەپ ەسەپتەمەي مە؟ الدە قازاق ەلى ءالى رەسەيدىڭ وتارى ما؟ دەموگرافيا مەن ۋاقىت كوبىن ورنىنا كەلتىرەرى ءسوزسىز. بىراق سوعان دەيىن مىنا بيلىكتەگىلەرىڭىز وتارشىلارمەن قوسىلىپ اپ قازاقتى قايتادان قۇلدىققا قۋىپ تىعۋعا اينالدى.

سامات ناسىر

Facebook-تەگى پاراقشاسىنان