بۇگىندە قازاق ەلىندە مۇرتازا بۇلىتايدى بىلمەيتىن جان جوق. ءدىنىمىز بەن ۇلتىمىزدىڭ كەلەشەگى ءۇشىن ەرەن ەڭبەك ءسىڭىرىپ جۇرگەن ازاماتتىڭ بۇعان دەيىن جاساعان يگى ىستەرىن جوققا شىعارماق ەمەسپىز. تەك جاندى اۋىرتاتىنى - سوڭعى كەزدەرى مۇرتازا مىرزا ءپۋتينشىل بولا باستاپتى. قازاق زيالىسىنىڭ قازاقتى قىرعان جەندەت ەلدىڭ زاڭدى مۇراگەرى - رەسەيدىڭ ءسوزىن سويلەي باستاۋى نەنىڭ بەلگىسى؟

مۇرتازا ءجۇنىسۇلى مىرزانىڭ Facebook الەۋمەتتىك جەلىسىندەگى (قاراڭىز: https://www.facebook.com/murtazajunusulu?fref=ts) جازبالارىنان ۇققانىمىز: ءبىز بۇگىنگىدەي الماعايىپ زاماندا رەسەيمەن قول بىرىكتىرىپ، اقش-قا قارسى تۇرۋىمىز قاجەت ەكەن-ءمىس. قازاق اشتىقتان، ءتۇرلى ناۋبەتتەن كوز جۇمعان ميلليونداعان قۇرباندارىنىڭ حاقىسىن رەسەيدەن سۇراۋعا قۇقىسىز كورىنەدى-ءمىس. ارينە، دەموكراتيالى قوعامدا كىم نە ايتسا دا – ەرىكتى. دەسە دە، وتىز تىستەن شىققان ءسوز وتىز رۋلى ەلگە تارايتىنىن ەسكەرىپ،  ءوزىمىز قۇرمەت تۇتاتىن مۇرتازا مىرزانىڭ «بولەكشە» ويلارىن نازارلارىڭىزعا ۇسىنعاندى ءجون ساناپ وتىرمىز. سونداي-اق، سويلەمدەردەگى ازىن-اۋلاق ەملەلىك قاتەلەرگە تۇزەتۋ ەنگىزبەدىك.

1. «كەشەگى 2-دۇنيەجۇزىلىك سوعىستا نەمىستەر ەۋروپانىڭ جەرىن تۇگەلدەي جاۋلاپ الدى، سان ميلليونداعان ادامىن قىردى، ال بۇگىن ەۋروپادا نەمىستەر سولاي ىستەدى دەپ ءبارى دە نەمىستەردەن بولەكتەنىپ جاتىر ما جوق الدە وتكەن ءوتتى، كەتكەن كەتتى، قازىرگى زاماندا كۇش بىرىكتىرمەسەك بولمايدى دەپ، قايتا سول گەرمانيانىڭ ەتەگىنەن ۇستاپ، بىرىگىپ جاتىر ما؟! وسىدان 70 جىل بۇرىن 6 ميلليون ەۆرەيدى قىردى دەپ قازىر يزرايل مەن گەرمانيا ارازداسىپ، وشەسىپ، جاۋلاسىپ ءجۇر مە؟؟؟ امەريكا ءبىر ەمەس ەكى اتوم بومباسىن لاقتىرىپ، جۇزمىڭداعان بەيكۇنا ادامىمىزدى قىردى دەپ جاپوندار كەك قايتارۋعا دايىندالىپ جاتىر ما ەكەن، سونى ايتىڭدارشى؟؟؟ فرانتسيا 1961 جىلى گەنوتسيد جاسادى دەپ الجير ولارعا سوعىس اشۋعا دايىندالىپ جاتىر ما ەكەن؟؟؟ وسىنداي مىسالداردى كوپتەپ كەلتىرۋگە بولادى، بايقاساڭدار بارلىق ەلدەر، بارلىق حالىقتار تاريحتا انالار ءبىزدى قىردى، ءسويتتى، ءبۇيتتى دەپ كەك قايتارۋعا قارۋىن كەزەپ وتىرعان جوق، ءار نارسە ءوز ۋاقتىسىندا بولادى، ەگەر قازىر جەر بەتىندەگى حالىقتار بۇرىنعى بولعان قىرعىنداردىڭ، شابۋىلداردىڭ ەسەسىن قايتارماق بولسا وسى پلانەتامىزدا تىرشىلىك اتاۋلى قالمايدى!!! سوندىقتان داڭعازا كەكشىلدىكتى قويايىق باۋىرلارىم، ول جاقسى قاسيەت ەمەس. ارينە، تاريحىمىزدا بولعان قايعىلى ۋاقيعالاردى ەسكە الىپ، جاس ۇرپاقتىڭ ساناسىنا قۇيىپ تۇرۋىمىز كەرەك، ونى كەك قايتارۋ ءۇشىن ەمەس، ەكىنشى سونداي جاعداي بولماسا ەكەن دەگەن نيەتپەن جاساۋ كەرەكپىز! ونسىز دا ازعانتاي قازاقپىز، شامامىزعا قاراماي، الەمدى ۋىسىندا ۇستاپ وتىرعان الپاۋىتتارمەن تايتالاسقا تۇسەمىز دەپ تاعى دا وپىق جەپ قالمايىق! ال ءبىز شىن مانىندە بۇرىنعى كەتكەن كەگىمىزدى، ەسەمىزدى قايتارايىق دەسەك - وندا، كەرەمەت دامىعان ەل ورناتايىق، الەم ەمىرەنەتىن مەملەكەت بولايىق، ازاماتتارى ەڭ جوعارى دارەجەدە قامتاماسىز ەتىلگەن باقۋاتتى مەملەكەت ورناتايىق، ساۋاتتى دا سانالى ۇرپاق وسىرەيىك، الەمدى تامسانتاتىن ونىمدەر شىعارايىق، كەرەمەت جارقىن مادەنيەتىمىز بولسىن، ونەرىمىزگە ءبارى باس ءيسىن، اسكەرىمىز ايباتتى بولسىن! مىنە، سونداي باي دا حالقى مول ەل ورناتقاندا اتا-بابامىزدىڭ ارمانى ورىندالىپ، بۇرىنعى جاۋلاسقان ەلدەرىمىز ءوزىمىزدى مويىنداپ، سەسكەنىپ تۇرادى، قالعان ءسوزبىڭ ءبارى بوس ءسوز....».

2. باۋىرىم، ميسالى تۇركيا رەسپۋبليكاسى وزىنەن بۇرىنعى وسمان يمپەرياسىنىڭ ىستەگەن ىستەرىنە، بار بولسا قىلمىستارىنا جاۋاپتى ەمەس، ەكەۋى ەكى بولەك مەملەكەت، شاتاستىرماڭدار، تاعى دا ايتامىن! ەگەر تۇركيا جاۋاپتى بولعاندا بالكان ەلدەرى, گرەكيا, ارمياندار, ارابتار تب ءبارى دا جابىلىپ, كەك قۋاتىن ەدى عوي! سول سياقتى رەسەي فەدەراتسياسى دا سوۆەت وداعى كەزىندەگى نارسەنىڭ بارىنە جاۋاپتى ەمەس, ول تەك رف پايدا بولعاننان كەيىنگى ءىس-ارەكەتتەرىنە جاۋاپتى... 

3. سوۆەت وداعى مەن قازىرگى رەسەي فەدەراتسياسى ەكى بولەك مەملەكەت، شاتاستىرماعىن ءىنىم! مەن قازىرگى تاۋەلسىزدىك ءداۋىرىن ايتىپ وتىرمىن, وسى كۇنگى رەسەي فەدەراتسياسى قاي ەلدىڭ جەرىن باسىپ الدى, قانشا ادامدى قىردى, سەن سونى ايت! سوۆەت وداعى اۋعان ەلىن جاۋلاپ, ۇلكەن قاتەلىك ىستەدى, ورىستار ول ەلدەن كەتكەلى 25 جىل بولدى, ال نەگە بەيبىتشىلىك ورەامادى?!؟ اقىش اۋعانىستاندى ءالى بومبالاپ جاتىر, ىرىتكىنىڭ ءبارىن سالىپ جاتىر, جاۋىزدىقتىڭ ءبارىن جاساپ جاتىر, ىشكى ىسىنە ارالاسپاعان ەلى قالعان جوق, ونميلليونداعان جازىقسىز ادامدى قىردى, بۇدان اسقان زۇلىمدىق, بۇدان اسقان جاۋىزدىق بولۋى مۇمكىن ەمەس! قۇداي بەتىن اۋلاق قىلسىن, ەگەر رەسەي السىرەسە, اقىش يراك, سيريا, ليۆيا ەلدەرىندەگى ستسەناريدى ورتالىق ازيادا دا ۇيىمداستىرادى, ەش كۇماندارىڭ بولماسىن! حاليفات ورناتامىز دەپ قارا قۇبىجىقتار اۋىل اۋىل ارالاپ, بالا-شاعا دەمەي شەتىنەن قازاقتىڭ باسىن كەسەدى, مىنا سيريالىق بوسقىندار سياقتى جان ساۋعالاپ رەسەي, تۇركيا, ەۋروپا, قىتاي دەپ جۇرت بوسادى, قالالاردىڭ ءبارى قيراتىلىپ, تاس ۇستىندە تاس, باس ۇستىندە باس قالمايتىن زامان بولادى, سول كەزدە سارى ورىستى شاممەن ىزدەپ تاپپايسىڭ دا, كوزدەرىڭدى اشىڭدار, اقىش قازاقتى قالاي ارانداتاتىنىن ءبىلىپ وتىر, ءبىزدى قالاي ءوز ىشىمىزدە قىراتىنىن ءبىلىپ وتىر, ونىڭ سايقال ساياساتىن بىلگىلەرىڭ كەلسە ميلليونداپ قىرىلىپ, ءوز جەرىندە جويىلىپ قالعان يندەيتس حالقىنان سۇراڭدار, امەريكادا قۇلدىققا ساتىلىپ ميلليونداپ قىرىلعان نەگرلاردىڭ ۇرپاقتارىنان سۇراڭدار, ناگاساكيدە قىرىلعان جاپونداردان سۇراڭدار, يراق پەن سيريانىڭ سەرگەلدەڭگە سالىنعان بيشارا حالقىنان سۇراڭدار...

4. اقىش تەرروريزممەن كۇرەسىپ جاتقان جوق, قايتا سودىرلاردى باپتاپ, قولداپ جاتپاسا ! رەسەي اينالدىرعان ەكى - ءۇش كۇننىڭ ىشىندە تەررورشىلاردى شىلداي بىتىراتىپ جىبەردى عوي!

ال اقىشقا سەنسەك ولار سوڭعى 25 جىل بويى تەررورشىلارمەن سوعىسىپ كەلەدى - ءمىس.

5. قۇرتىڭدار وڭباعانداردى, اقىشتىڭ جەندەتتەرىن...

6. ەۋروازيا وداعىنا مىنا ەلدەردى دە الۋ كەرەك، سوندا كورەر ەم اقىشتىڭ توقيناق جەگەنىن:

تۇركيا، كيپر، گرەكيا، بۇلعاريا، رۋمىنيا، مولدوۆا، ۋكراينا، مۇڭعۇليا، اۋعانىستان، يران، سيريا...

بۇلۇتاي مۇرتازا ءجۇنىسۇلى جايلى قىسقاشا اڭداتپا

مۇرتازا ءجۇنىسۇلى 1969 جىلى تۇركيانىڭ ۇلىقىشلا (ۇلىقىستاۋ) اۋدانى، قازاق اۋىلىندا دۇنيەگە كەلگەن. بەلگىلى ءدىنتانۋشى، مادەنيەتتانۋشى، فيلوسوفيا عىلىمدارىنىڭ كانديداتى، قازاق مەملەكەتتىك الەم تىلدەرى ۋنيۆەرسيتەتىن (1994), حالىقارالىق قۇقىق جانە نارىق اكادەمياسىن (2000) بىتىرگەن. اباي اتىنداعى الماتى مەملەكەتتىك ۋنيۆەرسيتەتىنىڭ وقىتۋشىسى، قمدب ۇگىت-ناسيحات ءبولىمىنىڭ مەڭگەرۋشىسى، قر پارلامەنت ءماجىلىسى توراعاسىنىڭ كەڭەسشىسى قىزمەتتەرىن اتقارعان. «قۇران كارىم الىپپەسى» (1992) اتتى كىتابى مەن 4 ءۇن تاسپالان تۇراتىن «ءدىنىمىزدى ۇيرەنەيىك» جيناعى يسلام ءدىننىڭ نەگىزدەرىمەن تانىستىرادى. «اتا-بابا ءدىنى. تۇركىلەر نەگە مۇسىلمان بولدى?» (2000) عىلىمي مونوگرافياسىنىڭ, «ءدىن جانە ۇلت» (2006), ت.ب. 10-عا جۋىق كىتاپتىڭ, 200-دەن اسا عىلىمي-پۋبليتسيستيكالىق ماقالالاردىڭ اۆتورى. يسلام قورىنىڭ (شۆەيتساريا), دۇنيەجۇزىلىك مۇسىلمان جاستارى اسسامبلەياسىنىڭ, «يمان»، «زەردە» رەسپۋبليكالىق قورلارىنىڭ العىس حاتتارىمەن ماراپاتتالعان.

ءشارىپحان قايسار

Abai.kz