ءتورت اداممەن قاتار جىنىستىق قاتىناسقا ءتۇسۋ – جۇبايلىق وزگەرىسكە كەرەمەت باستاما. قۇرامىندا 422 قازاقستاندىق جۇپ بار SW حالىقارالىق سۆينگەر-كلۋبى وسىلاي سانايدى.

بۇل تۋرالى ەكسپرەسس ك باسىلىمى حابارلايدى.

SW كلۋبى سۆينگتى قولدايتىن تمد ەلدەرى وكىلدەرىن بىرىكتىرەدى. بۇل جابىق ۇيىمعا كىرۋ وڭايعا تۇسپەيدى. ۇيىمداستىرۋشىلار جىبەرىلگەن انكەتالار مەن ۇمىتكەرلەردى مۇقيات سۇزگىدەن وتكىزەدى. ياعني، كەز-كەلگەن ادام ەمەس، شىنايى سۆينگەرلەر عانا تىركەلە الادى. ال ۇيىم مۇشەسى اتانعان وتباسىلىق جۇپتار ءتۇرلى كەشتەرگە قاتىسىپ، قىزۋ تانىستىققا كىرىسىپ كەتەدى.

استانادان 124, الماتىدان 298 جۇپ كورشى مەملەكەتتەرگە كەزدەسۋلەرگە جىبەرىلەدى. كەرري جانە نيك ەسىمدى ەرلى-زايىپتى شەتەلدىك سۆينگەرلەرمەن ارالاسۋ دا ۇلكەن تاجىريبەگە يە. ولار وزدەرىنىڭ وقيعاسى تۋرالى تۋىستارىنا، ارىپتەستەرىنە، دوستارىنا دا ءتىس جارمايدى ەكەن. بىراق، كەرري جۋرناليستپەن تىلدەسۋگە كەلىسكەن. 30 جاستاعى ادەمى، كەلبەتى كەلىسكەن ايەل بارلىق ساۋالدارعا ەش قىسىلماستان جاۋاپ بەرگەن.

“كوپتەگەن ادامدار ءبىزدى بۇزىلعان دەپ ويلايدى. سۆينگەرلەردىڭ ءوزارا قارىم-قاتىناسى ىزگىلىككە، قۇرمەتتەۋگە قۇرىلعان. ءبىز بارلىق شەشىمدى بىرگە وتىرىپ قابىلدايمىز. مەنىڭ كۇيەۋىم مەنىڭ ءتۇندى كىممەن وتكىزگەنىمدى بىلەدى. سايكەسىنشە، ول دا كورشى بولمەدە وزگەمەن قاتىناسقا تۇسەدى. بارلىعى ادىلەتتى. ال وسىنداي قاتىناس بارىسىندا تۋىندايتىن ءتۇرلى ساۋالداردى شەشۋ ءۇشىن ءبىز وسى كلۋبتى قۇردىق. ارينە، ينتەرنەتتە جەرگىلىكتى سۆينگەرلەردىڭ پاراقشاسى بولاتىن. الايدا، ءبىر جاعىمسىز وقيعادان سوڭ ءبىز وندا جازبايتىن بولدىق. ەكى جىل بۇرىن ينتەرنەتتە ءبىر جۇپپەن تانىسىپ، كەزدەسە باستادىق. قىدىرىپ ساياباققا كەلگەنبىز. كەنەت كۇيەۋىم وزگە بالالاردىڭ ءبىزدى ۇيالى تەلەفون كامەراسىنا ءتۇسىرىپ جۇرگەنىن بايقاپ قالدى. ولار ءبىزدى مازاق قىلىپ، كەلەكە ەتىپ شىعامىن دەگەنشە سوڭىمىزدان قالمادى. ال كلۋبتا ونداي نارسە بولمايدى. بىزدە ءوزىمىزدىڭ قاتاڭ ەرەجەلەرىمىز بار. كەز-كەلگەن ءتارتىپ بۇزۋشىلىق ءۇشىن، ايىپپۇل تولەيدى. ءبىز نيكپەن بىرگە بەلگورود، زاپوروجە، تاشكەنت، قازان، بىشكەك، كيشينەۆتەگى سۆينگ-كەزدەسۋلەرگە باردىق”، – دەيدى كەرري.

ولاردىڭ ىشكى ەرەجەلەرى بويىنشا جۇپپەن جالعىز بارىپ تانىسۋعا بولمايدى. ەكىنشىدەن، شەكتەن تىس مازاسىن الماۋ كەرەك. ەگەر، ولار قارسىلىق بىلدىرسە، وندا قايتادان مازالاۋدىڭ قاجەتى شامالى. ۇشىنشىدەن شەكتەن تىس سپيرتتىك ىشىمدىكتەر ىشۋگە تىيىم سالىنعان. ال وسىنداي كلۋبتى قازاقستاندا اشۋدىڭ كەرەگى جوق دەيدى. سەبەبى، بۇل ەل ىشىندە جاعىمسىز كوزقاراس تۋدىرادى. بىراق، ولار بۇل ماسەلەگە باسقا قىرىنان كەلۋگە نيەتتى. بولاشاقتا “ۇلتتىق سۆينگتىڭ ەرەكشەلىكتەرى” دەگەن اتاۋمەن قامشى، شاپان سەكىلدى اتريبۋتتاردى قاتىستىرا وتىرىپ فوتوكورمە جاساماقشى ەكەن.

“كۇيەۋىڭنىڭ وزگە ايەلمەن كوزىڭشە اينالىسۋى مىندەتتى ەمەس. اشىق سۆينگتى قالاماساڭىز، ونى باسقاشا ورىنداۋعا مۇمكىندىك بار”، – دەيدى ول.

كەرريدىڭ كىشكەنتاي قىزى دا بار ەكەن. بولاشاقتا قىزىنىڭ دا سۆينگەرلىك جولعا تۇسۋىنە ول قارسى ەمەس. تەك جاسى ءالى كىشكەنتاي دەيدى.

“SW كلۋبى كامىلەت جاسىنا تولماعانداردى قابىلدامايدى. بىزدە بالالارمەن بىرگە ەروتيكالىق فوتوعا تۇسكەندەر شەتتەتىلەدى. ولار وسكەننەن كەيىن جىنىستىق ءومىرىن قاي جولعا بۇرۋىن وزدەرى شەشەدى”، – دەيدى كەرري.

تاتيانا الادينا.