بۇگىن 9.30-دا ۇلتتىق ءباسپاسوز كلۋبىنىڭ پرەزيدەنتى سەيىتقازى ماتاەۆ پەن قازتاگ اقپارات اگەنتتىگىنىڭ باس ديرەكتورى اسەت ماتاەۆ قاماۋعا الىنعانى جونىندە حابار تارادى.

وسى جاعدايدان كەيىن ء«ادىل ءسوز» قورى دەرەۋ ءباسپاسوز ءماسليحاتىن وتكىزىپ، ماتاەۆتىڭ اق ەكەنىن ايتىپ: «ونىڭ قىزمەتىنىڭ زاڭدى ەكەنى قۇجاتتارمەن دالەلدەنگەن. ۇلتتىق ءباسپاسوز كلۋبى قىزمەتى بارىسىندا مەملەكەتتەن ەشقاشان قاراجات الماعان. وعان تيەسەلى كەڭسەلەردە رەسپۋبليكالىق جانە شەتەلدىك باق-نىڭ كورپۋنتكتەرى ورنالاسقان، ءباسپاسوز ءماسليحاتتارى وتكىزىلەدى. 2008 جىلى قۇرىلعان جەكەمەنشىك قازتاگ اقپارات اگەنتتىگى مەملەكەتتىك تاپسىرىس بويىنشا تولىقتاي ەسەپ وتكىزگەن، اقپاراتتىق ساياساتقا كەدەرگى جاساۋىن تولىقتاي جوققا شىعارادى. سەيىتقازى ماتاەۆ پەن اسەت ماتاەۆ وزدەرىنە تاعىلعان ايىپتى جوققا شىعارادى جانە كىناسىنىڭ جوقتىعىن قۇجات جۇزىندە دالەلدەۋگە دايىن» دەگەن ەدى.

الماتى قالاسى بويىنشا سىيبايلاس جەمقورلىققا قارسى كۇرەس قىزمەتى بۇل ماسەلەگە قاتىستى تۇسىنىك بەردى. ءبىز سول تۇسىنىكتى تولىعىمەن جاريالاپ وتىرمىز.

«الماتى قالاسى بويىنشا سىيبايلاس جەمقورلىققا قارسى كۇرەس قىزمەتىمەن اقپارات كوميتەتىنە جانە «قازاقتەلەكوم» اكتسيونەرلىك قوعامىنا مەملەكەتتىك ساياساتتى قولداۋ جانە باسىلىمداردا ماتەريالداردى جاريالاۋ ءۇشىن 2011-2015 جىلدارى 300 ملن.تەڭگەدەن استام بولىنگەن قاراجاتتى ۇرلاۋ فاكتىلەرى انىقتالدى.

وسى ماقساتتا اتالعان ۆەدومستۆولار ءبىر كوزدەن ساتىپ الۋ تاسىلىمەن «ميا كازتاگ» سەرىكتەستىگى جانە «ۇلتتىق باسپا كلۋبى» قوعامدىق بىرلەستىگىمەن كەلىسىمدەر بەكىتكەن.

تاپسىرىس بەرۋشىلەردىڭ باستى شارتتارىنىڭ ءبىرى - مەملەكەتتىك ساياسات تۋرالى اقپاراتتى اشىق جانە قول جەتىمىدى تۇردە حالىققا جاريالاۋ بولىپ تابىلادى.
الايدا، بۇل شارتتار ورىندالماعان.

مەملەكەتپەن تولەنگەن اقپاراتتاندىرۋ قوعامعا زاڭسىز جابىق تۇردە جاريالانعان، ال ازاماتتارعا وعان رۇقسات تەك قوسىمشا تولەم ارقىلى بەرىلگەن.

اقپارات كوميتەتىنىڭ 80 ملن.تەڭگەسى جانە «كازاقتەلەكومنىڭ» 260 ملن.تەڭگەسى ۇلتتىق باسپا-كلۋبىنىڭ باسشىسى سەيتقازى ماتاەۆپەن قولما-قول اقشاعا اينالدىرىلىنىپ، جىمقىرىلعان. 

تاعى دا، تەرگەۋمەن ماتاەۆتىڭ زاڭسىز كاسىپكەرلىكپەن اينالىسىپ 1,4 ملرد.تەڭگە كولەمىندە اقشا تاۋىپ، مەملەكەتكە 327 ملن.تەڭگە سالىق تولەنبەگەنى انىقتالدى.

بۇدان باسقا جەرگىلىكتى اتقارۋ ورگاندارىنا وسى ماقساتتا بولىنگەن 169 ملن.تەڭگەنى ۇرلاۋ فاكتىلەرى تەكسەرىلۋدە.

ماتاەۆپەن جاسالعان سىبايلاس جەمقورلىق جانە ەكونوميكالىق قىلمىستار اۋىر بولىپ سانالادى.

وعان  ۇرلاۋ جانە سالىق تولەۋدەن جالتارۋ فاكتىلەرى بويىنشا كىنا تاعىلدى.
وسى قىلمىستار ءۇشىن 6-دان 12 جىلعا دەيىن باس بوستاندىعىنان ايىرىلىپ، مۇلكىن تاركىلەۋ جازاسى كوزدەلگەن.

بۇگىنگى تاڭدا زالالدىڭ ورنىن تولتىرۋدى قامتاماسىز ەتۋ ءۇشىن سوتتىڭ سانكتسياسىمەن ماتاەۆتىڭ بار مۇلكىنە شەكتەۋ قويىلعان. 

ماتاەۆ جانە قىلمىستىق ءىستىڭ باسقا دا قاتىسۋشىلارىنا ءتيىستى تەرگەۋ امالدارى جۇرگىزىلۋدە. وعان قاتىستى پروتسەسستىك ماجبىرلەۋ شارالارىن قولدانۋ ماسەلەسى قاراستىرىلۋدا.

بۇگىن بەرىلگەن پرەسس-كونفەرەنتسيا ماتاەۆتى قىلمىستىق جاۋاپكەرشىلىكتەن باس تارتۋ جانە تەرگەۋدىڭ وبەكتيۆتى جۇرگىزىلۋنە كەدەرگى كەلتىرۋ ماقساتىندا ۇيىمداستىرىلعان».

Abai.kz