مۇلىكتەردى جاريا ەتۋ جونىندەگى جەرگىلىكتى اتقارۋشى ورگانداردىڭ جانىنداعى كوميسسياعا جالپى سوماسى 777,6 ملرد. تەڭگەنى قۇرايتىن جىلجىمايتىن مۇلىكتى جاريا ەتۋگە 77 482 ءوتىنىش (دەكلاراتسيالار) ءتۇستى. بۇل تۋرالى قر قارجى مينيسترلىگىنىڭ ءباسپاسوز قىزمەتىنەن حابارلاندى.

ونىڭ ىشىندە جالپى سوماسى 585,6 ملرد. تەڭگەگە 65 015 تۇرعىن ءۇي نىسانى، 182,9 ملرد. تەڭگەگە 33 342 تۇرعىن ءۇي ەمەس نىساندار، 7 898 ملرد. تەڭگەگە 129,1 كوممەرتسيالىق نىساندار بار. 62 624 نىسان، باعالى قاعازدار جانە اقشا سوماسى 494,2 ملرد. تەڭگەگە جاريا ەتىلدى. سونىمەن قاتار، مۇلىكتەردى جاريا ەتۋ بويىنشا سالىق ورگاندارىنا قازاقستان اۋماعىنان تىسقارى، شەت ەلدەردە جالپى سوماسى 1 ملرد 177,9 ملن تەنگە قۇرايتىن 42 تۇرعىن ءۇي نىسانىن جاريا ەتۋ بويىنشا ءوتىنىش (دەكلاراتسيا) كەلىپ تۇسكەن. ونىڭ 1 ملرد 125,4 ملن. تەڭگەگە 41 نىسان مەن باعالى قاعازدار جاريا ەتىلدى.

«قر ۇلتتىق بانكىنىڭ دەرەكتەرى بويىنشا 16 اقپانداعى جاعدايعا سايكەس، ەكىنشى دەڭگەيلى بانكتەردە جالپى سوماسى 229,6 ملرد.تەڭگە اقشانى جاريا ەتۋگە 329 جيناق شوت اشىلدى. سونىڭ ىشىندە ىشىندە شوتتان شەشىلگەنى 137,3 ملرد.تەڭگە. سونىمەن قاتار، مەملەكەتتىك كىرىستەر ورگانىنا شوت اشپاۋ ارقىلى اقشانى جاريا ەتۋ بويىنشا دەكلاراتسيا تۇسكەن جوق. 17 اقپانداعى دەرەكتەر بويىنشا مۇلىكتى جاريا ەتۋ ءۇشىن ۇستالاتىن الىم بويىنشا بيۋدجەتكە ءىس جۇزىندە 3,2 ملرد.تەڭگە ءتۇستى»، - دەلىنگەن ءباسپاسوز بايانىندا. 

اباي-اقپارات