استانا قالالىق № 2 سارىارقا اۋداندىق سوتىنىڭ سۋدياسى ۇمسىن مۇقانعاليەۆا 32 جاستاعى حالىمباحي حالىمدى كىنالى دەپ تانىپ، ەكى جارىم جىلعا باس بوستاندىعىنان ايىردى.

ودان بولەك بولاتبەك قوجاگەلدينوۆ (39 جاستا), قۇبايدوللا تولەباەۆ (54 جاستا), ەربولات وماربەكوۆ (45 جاستا) جانە نۇرجان ءنۇرادىلوۆ (36 جاستا) — ارقايسىسى ەكى جىلعا سوتتالدى.

سوتتالعاندار جازاسىن جالپى رەجيمدەگى تۇزەۋ مەكمەلەرىندە وتەيدى.

«تابليعي جاماعات» ۇيىمى استانا قالالى سوتىنىڭ شەشىمىمەن 2013 جىلدىڭ اقپانىندا ەكسترەميستىك تانىلىپ، قىزمەتىنە تىيىم سالىنعان. قازىر ۇيىمنىڭ ونداعان مۇشەسى تۇرمەدە وتىر. قازاقستان بيلىگى 1926 جىلى ءۇندىستاندا پايدا بولعان ۇيىمنىڭ باستى ماقساتى قازاقستان سەكىلدى ەلدەردىڭ بىرىندە حاليففات قۇرۋ دەپ سانايدى.