بۇل جازبالاردا ەركەكتەر قىزداردى شەشىندىرىپ، ۇرىپ-سوعىپ، تەرگەپ-تەكسەرەدى، ءتىپتى زورلاعان وقيعالار دا كەزدەسكەن. وسىنداي مازاققا ۇشىراعان ءبىر قىز قورلىققا شىداماي، ءبىر اپتادان سوڭ وزىنە قول جۇمساپ ولگەن.

وسىنداي بەينەجازبالاردى تۇسىرەتىن جاس جىگىتتەر وزدەرىن "پاتريوتتارمىز" دەپ اتايدى. ولاردىڭ ەشقايسىسى ارەكەتتەرى ءۇشىن جاۋاپقا تارتىلمادى. مەملەكەتتىك ورگاندار بۇعان كوز جۇمىپ وتىرعاندىقتان، "پاتريوتتار" وزدەرىن ەركىن سەزىنۋدە.

پوليتسيا ارالاسقان جالعىز وقيعا بىلتىر كۇزدە ماسكەۋدە بولعان: 28 جاستاعى قىرعىزستان ازاماتى ۇستالىپ، وعان قاتىستى قىلمىستىق ءىس قوزعالدى.

مۇنداي "پاتريوتتاردىڭ" قىلىعىن ەلدىڭ كوپ تۇرعىنى قولدايتىن بوپ شىقتى. ۇلتشىلداردىڭ بىرلەستىكتەرىنىڭ مۇشەلەرى سەكىلدى، ولار دا وسىنداي ەسكەرتۋ بەينەجازبالارىن كورسەتپەسە تۇرعىندار "مۇلدەم ازعىندىق جولعا ءتۇسىپ كەتۋى مۇمكىن" دەپ سانايدى. ماماندار بۇل ورايدا قىرعىزستان ايەلدى جەكە تۇلعا رەتىندە سىيلاۋ قالىپتاسپاعان پاتريارحالدى مەملەكەت كۇيىندە قالىپ وتىر دەپ تۇجىرادى.

اباي-اقپارات