قارجى ءمينيسترى انتون سيلۋانوۆتىڭ سوزىنشە، شاعىم "ۋكراينانى قارىزدى رەتتەۋگە بايلانىستى بىرنەشە رەت كونسترۋكتيۆتى ديالوگقا شاقىرىپ، ودان ناتيجە شىقپاعاننان كەيىن" لوندوننىڭ جوعارعى سوتىنا جىبەرىلگەن. قارىزدى وتەۋ مەرزىمى وتكەن جىلدىڭ 20 جەلتوقسانىندا اياقتالعان.

باعالى قاعازدار 2013 جىلدىڭ اياعىندا پرەزيدەنت ۆيكتور يانۋكوۆيچتىڭ رەجيىمىندە شىعارىلعان. ماسكەۋ تولىعىمەن ساتىپ العان. ەكى ايدان كەيىن يانۋكوۆيچ حالىقتىق كوتەرىلىستەن كەيىن ەلىنەن قاشىپ كەتتى. كيەۆ قازىرگى ۋاقىتتا ءوزىنىڭ نەگىزگى بەرەشەگىنىڭ قۇرىلىمىن قايتا قاراۋ جونىندە كەلىسىمگە كەلگەن. ۋكراينا بيلىگى رەسەيگە ودان وزگە جاقسى جاعدايدى ۇسىنا المايتىنىن ايتادى.