رەسەي، اقش، تۇركيا جانە وزگە دە مەملەكەتتەر 18 اقپاننان باستاپ شابۋىلدى توقتاتۋ جونىندە كەلىسىمگە كەلگەن بولاتىن.

اقش-تىڭ باعدادتاعى قارۋلى كۇشتەرىنىڭ وكىلى، پولكوۆنيك ستيۆ ۋوررەن "رەسەيدىڭ اۋە شابۋىلىنىڭ باسەڭدەگەنى بايقالمايدى جانە سيريالىق رەجيمنىڭ دە شابۋىلدارىنىڭ ازايعانى كورىنبەيدى، كەرىسىنشە شابۋىلدار جيىلەپ كەتتى", دەپ مالىمدەدى.

ماسكەۋ بولسا، سيرياداعى وپەراتسيا تەرروريستىك توپتارعا قارسى باعىتتالعان دەگەن ۇستانىمىنان قايتپايدى. ال اقش جانە ونىڭ وداقتاستارى رەسەيدىڭ شابۋىلىنان سيريا وپپوزيتسياسىنىڭ زارداپ شەگىپ جاتقانىن ايتادى. الەپپوعا جاسالعان شابۋىلدىڭ ناتيجەسىنەن ون مىڭداعان ادام تۇركيا شەكاراسىنا قاراي بوسىپ كەتتى.