ەلىمىزدە 1-ءشى ناۋرىزدان باستاپ حالىققا قىزمەت كورسەتۋ ورتالىقتارى تاراتىلادى. ونىڭ ورنىنا «ۇكىمەت ازاماتتار ءۇشىن» دەپ اتالاتىن مەملەكەتتىك كورپوراتسيا قۇرىلماق.

كوپ جارنامالانعان كورپوراتسيانىڭ قۇرامىنا – حالىققا قىزمەت كورسەتۋ ورتالىعى، جىلجىمايتىن مۇلىك ورتالىعى، جەر كاداسترى جانە  زەينەتاقى تولەۋ ورتالىعى سىندى 4 مەكەمە كىرىپ وتىر. ءسويتىپ، جاڭادان قۇرىلعان كورپوراتسيا قىزمەتكەرلەرىنىڭ سانى 21 مىڭ ادامعا جەتپەك. شەنەۋنىكتەر ءبىر-بىرىمەن قوسىلىپ جاتقان ورتالىقتاردا جاپپاي قىسقارتۋ بولمايدى دەپ سەندىردى. 1-ءشى ناۋرىزدان باستاپ جۇمىس ىستەيتىن «ۇكىمەت ازاماتتار ءۇشىن» جوباسى حالىقتى بارىنشا جارىلقاماق. اتقامىنەرلەردىڭ سەندىرۋىنشە، قاعازباستىلىق پەن ۇزىن-سونار كەزەك جويىلىپ، ءارلى-بەرلى قاتىناۋ تىيىلادى. 

اباي-اقپارات