كورشىمىز قوناقاسى بەردى. قاسىمدا اۋىلدىڭ يمامى وتىرعان. وسى كىسىنىڭ ۇلى ەسىكتەن كىرىپ كەلىپ: «پاپا، سەنى ۇيگە ءبىر كىسىلەر كەلىپ شاقىرىپ جاتىر» دەپ زىرك ەتكەنى. بالانىڭ يمام اكەسىنە “پاپا” دەپ ءتىل قاتۋى وتە ەرسى كورىندى. بۇل كىسى «يمام» با، الدە، «پاپا» ما، دەگەن وي سول جەردە قىلاڭ بەرگەنى. ونى ايتاسىز اۋىلدىڭ ءبىر اۋىز ورىسشا بىلمەيتىن قازاقتارى بالالارىنا “پاپا” مەن “ماما” سوزدەرىن ۇيرەتىپ قويعان.

 وسى «پاپا» دەيتىن قايدان شىققان؟ ءبىزدىڭ زامانىمىزدىڭ ءتورتىنشى عاسىرىندا حريستيان ءدىنى، بيلىك تالاسىنان كاتوليك جانە پراۆوسلاۆ بولىپ ەكىگە ءبولىندى. سول كەزدە كاتوليك ءدىنىن قابىلداپ، وزىمەن بىرگە وتباسىن، اعايىن-تۋىسىن شوقىندىرىپ، دىنگە قىزمەت ەتكەن كىسىنى «پاپا» دەپ اتاعان.
وكىنىشكە وراي قازىر قازاقتار اراسىندا «پاپا» ءسوزىنىڭ اسىعى الشىسىنان ءتۇسىپ، ايى وڭىنان تۋىپ تۇر. ەسىمىزدى جيىپ، تاۋەلسىزدىك الدىق دەسەك تە «پاپا» دەپ ايتۋدان جيرەنەر ەمەس.

قازاق «پاپالارعا» ايتارىم: – سىزدەر بالالارىڭىزعا «پاپا» دەپ ايىتقىزۋ ارقىلى، كاتوليك ءدىنىن ناسيحاتتاپ، شوقىندىرۋعا دايىنداپ وتىرعانىڭىزدى تۇسىنە الاسىز با؟

ەرتەدە ورىستاردىڭ ءوزى «پاپا» دەگەن ءسوزدى “نان، اس-اۋقات” دەگەن ماعىنادا قولدانىپ، اكەلەرىن «باتۋشكا» دەپ اتاعان. ەرتەدە قازاقتار دا، ورىستاردا اكەسىنە «پاپا» دەپ سويلەمەگەن. كاتوليكتەر «پاپا» ءسوزىن يسۋس حريستوستىڭ جەردەگى ءدىنىن تاراتۋشى وكىلى، قىزمەتشىسى دەپ ۇعادى.
كەيىنگى 50-60 جىل كولەمىندە ورىس مادەنيەتىنە قۇلدانعان قازاقتار بالالارىنا «پاپا» دەپ ۇيرەتىپ، انالارىن «ماما» دەگىزدى. ونىمەن قويماي ورىستاردىڭ، «تەتيا» ءسوزىن قازاق بولدىرعانسىپ، تۋىستارىن – ايگۇل تاتە، فاريدا تاتە، ايعانىم تاتە ت.ب. دەپ «تاتە» دەگەن ءسوزدى زورلىقپەن ءسىڭىرىپ كەلەدى.

ءسوزىمىزدى قورتىندىلاپ ايتار بولساق: «پاپا» اتاۋى وتارلاۋشىلار تاڭعان وڭباعان ءسوز. ونى اسقار تاۋداي اكەمىزگە تەلىپ ايتۋ ارسىزدىقتىڭ، كورگەنسىزدىكتىڭ، توپاستىقتىڭ، كەششەلىكتىڭ، قۇلدىقتىڭ، ارسىزدىقتىڭ بەلگىسى.

التىنبەك راحىمبەردى

Facebook-تەگى "مەن مۇسىلمانمىن" پاراقشاسىنان