Telegram  الەۋمەتتىك جەلىسىندە انشىگە قاتىستى ەكى بەينەجازبا تارالعان سوڭ، «ۋزبەكناۆو» ەسترادالىق بىرلەستىگى تاميلانىڭ انشىلىك ليتسەنزياسىن توقتاتقان. داۋلى ۆيدەودان كەيىن پروديۋسەر ناجوت اگزاموۆ تا انشىمەن ارىپتەستىگىن ءۇزىپ وتىر.

قاڭتاردىڭ 28-دە الەۋمەتتىك جەلىلەردە تاراعان بەينەجازبانىڭ بىرىندە بەلگىسىز ەر ادام ءانشى تاميلاعا ۇقسايتىن ايەلدەن تانىمالدىققا دەيىن قانداي بولعانىن سۇرايدى.  بۇعان جاۋاپ رەتىندە جاس ايەل شالبارىن شەشىپ، ەڭكەيگەن قالپى كامەراعا بۇرىلادى. ەكىنشى ۆيدەودا ءانشى تاميلا رەتىندە تانىستىرىلعان جاس ايەل كوشەدە جالاڭاش قىدىرىپ ءجۇر.

Sayyod.com ۆەب-سايتىنىڭ جۋرناليسىمەن تەلەفون ارقىلى تىلدەسكەن ءانشى تاميلا العاشقى ۆيدەوداعى ايەلدىڭ ءوزى ەكەنىن مويىنداعان. الايدا ءانشى ەكىنشى بەينەجازباعا ءوزىنىڭ ەش قاتىسى جوقتىعىن ايتىپ وتىر.

الەۋمەتتىك جەلىلەردە وزبەك شەنەۋنىكتەرىنىڭ تاميلاعا قاتىستى شىعارعان شەشىمىنىڭ زاڭدىلىعىنا قاتىستى داۋ تۋىندادى.

پىكىرتالاسقا قاتىسۋشىلار تاميلانىڭ بۇل ارەكەتىن قوعام الدىندا جاساماعانىن، ءانشىنىڭ ورنىنا ەكەۋدىڭ اڭگىمەسىن ۆيدەوعا ءتۇسىرىپ، الەۋمەتتىك جەلىلەرگە تاراتىپ جىبەرگەن ادامدى جاۋاپقا تارتۋ قاجەتتىگىن ايتۋدا.

ءبۇل وقيعاعا دەيىن تاميلا مۇرنىنداعى سىرعاسىمەن تۇسكەن سۋرەتى ءۇشىن اياۋسىز سىنعا ۇشىراعان ەدى. ول كەزدە دە «ۋزبەكناۆو»انشىنى ليتسەنزياسىنان ايىرعان ەدى.

2015  جىلدىڭ قاراشاسىندا ءانشى وزبەكستان مەن ەلدەن تىسقارى اۋماقتاردا كونتسەرت قويۋعا قايتادان رۇقسات العان بولاتىن.