ونىڭ سوزىنشە، سيريا مەن يراكقا تاجىكستاننان 146 وتباسى كوشىپ كەتكەن جانە ەلدەگى جوعارعى وقۋ ورىندارىنىڭ 21 ستۋدەنتى سولاي قاراي بەت العان. تاجىكستان پرەزيدەنتى ەلدىڭ ىشىندەگى جانە سىرتتاعى مەشىتتەردە، ءدىني مەكەمەلەردە، سونىمەن قاتار ينتەرنەتتە  جاستاردى سوعىسقا ەلىتۋدىڭ ءجۇرىپ جاتقانىنا نازار اۋداردى.

راحموننىڭ ايتۋىنشا، تاجىك جاستارىن تەررورشىلار قاتارىنا تارتۋ دۋشانبە، حۋدجاند، يسفارا، يستاراۆشان، كۋلياب، شاحريتۋس، بوحتاردا ءوسىپ بارا جاتىر. ول بۇعان اتا-انالاردىڭ جاۋاپسىزدىعىن، جاستاردى سپورت پەن مادەنيەتكە باۋليتىن جاعدايدىڭ جوقتىعىن جانە ءبىلىم بەرۋ، دەنساۋلىق ساقتاۋ سالالارىنداعى كەمشىلىكتەردى كىنالادى.

بۇعان دەيىن تاجىكستان بيلىگى «يسلام مەملەكەتى» قاتارىندا ەلدىڭ 500-گە جۋىق ازاماتى سوعىسىپ جاتقانىن حابارلاعان ەدى. الايدا كەيىنىرەك ينتەرنەتتە پايدا بولعان بەينەجازبانىڭ اۆتورلارى قاتارلارىن تولتىرعان ازاماتتاردىڭ سانى بيلىك ايتقاننان الدەقايدا كوپ ەكەنىن جانە ولاردىڭ ارەكەتى  يراك پەن سيرياداعى ۇرىستارمەن شەكتەلمەيتىنىن مالىمدەگەن بولاتىن.

تاجىك بيلىگى 2014 جىلدىڭ مامىرىندا ەلدىڭ قىلمىستىق كودەكسىنە ەلدىڭ اۋماعىنان تىس جەرلەردەگى اسكەري قاقتىعىستارعا قاتىسقانى ءۇشىن 15 تەن 20 جىلعا دەيىن باس بوستاندىعىنان ايىرۋ تۋرالى قىلمىستىق جازا بابىن ەنگىزدى.