ستامبۋلدىڭ ورتالىعىندا بۇگىن جارىلىس بولىپ، كەم دەگەندە 10 ادام قازا تاپتى دەپ حابارلايدى حالىقارالىق اگەنتتىكتەر.

جارىلىس قالانىڭ تۋريستەر كوپ جۇرەتىن سۇلتاناحمەت الاڭىندا بولعان. ستامبۋل بيلىگىنىڭ حابارلاۋىنشا، جارىلىستان 15 ادام جارالانعان. تۇركيانىڭ Dogan اگەنتتىگىنىڭ حابارلاۋىنشا، وقيعا ورنىنا جەدەل جاردەم كولىكتەرى جەتىپ، پوليتسيا جارىلىس بولعان اۋماقتى قورشاۋعا العان. كەيبىر مالىمەتتەرگە قاراعاندا، جارىلىستى موتوتسيكلگە مىنگەن جانكەشتى جاساعان. جارىلىس بولعان اۋماققا تاريحي، تۋريستەر كوپ باراتىن سۇلتاناحمەت مەشىتى، ايا سوفيا مەشىتى مەن توپكاپي سارايى جاقىن ورنالاسقان. قازان ايىندا انكارادا ەكى جارىلىس بولىپ، 100-دەن استام ادام قازا تاپقان. پروكۋراتۋرا جارىلىستاردى "يسلام مەملەكەتى" ەكسترەميستىك ۇيىمىنىڭ سودىرلارى جاساعان دەيدى.

اباي-اقپارات