شىڭعىسحان - قازاق
ەكاتەرينا قازاق ءوزىنىڭ كىم ەكەنىن بىلسە الەمدى جاۋلاپ الادى دەگەن وسى ەمەسپە ەكەن-ءا ؟
ۋكرايندىق تاريحشى ۆلاديمير بەلينسكي شىڭعىسحاننىڭ موڭعول ەمەس، قازاق ەكەنىن مالىمدەدى.
ۇلى ءامىرشىنىڭ عۇمىرىن زەرتتەۋگە بار ءومىرىن ارناعان اتاقتى عالىم دالەل رەتىندە شىڭعىس يمپەرياسىنىڭ نەگىزىن قالاعان 4 تايپانىڭ تەكتەرى تۇرىك ەكەنىن العا تارتتى – قياتتار، كەرەيلەر، نايماندار مەن مەركىتتەر، دەپ جازادى «ەكسپرەسس ك». شىڭعىسحاننىڭ اكەسى ەسۋگەي ءباھادۇر قيات تايپاسىنىڭ كوسەمى بولاتىن. شىڭعىسحاننىڭ ايەلى بورتەنىڭ رۋى قوڭىرات.
موڭعولداردىڭ حاندىق تيتۋلى جوق، تۇرىككە ءتان ەسىمدەرى دە جوق. سونىمەن قاتار ۆلاديمير بەلينسكيدىڭ ايتۋىنشا حان كەزىندە ءبارى جاپپاي تۇرىك تىلىندە سويلەگەن. شىڭعىسحاننىڭ شىن ەسىمى قازاقشا تەمىرشىن دەپ وقىلادى دەپ سانايدى تاريحشى. ۇلى ءامىرشىنىڭ تۇرىك ەكەنىنە عالىمنىڭ باسقا دا بولجامدارى بار. شىعىسقا جاساعان ۇلى جورىعى الدىندا شىڭعىسحان بيلىگى بارلىق تۇرىك تايپالارىن مويىنداعان. سوندىقتان قازاقستان اۋماعىندا شىڭعىسحان اسكەرى مەن كوشپەندىلەر اراسىندا ەش شايقاس بولماعان. شىڭعىسحان يمپەرياسى قۇرىلا باستاعان كەزدە-اق نايماندار جانە باسقا دا تايپالار ونىڭ قۇرامىنا ەنگەن.
بۇل كوزقاراستى اتاقتى رەسەي تاريحشىسى مۇرات ادجي دا ۇستانادى. ونىڭ ويىنشا، شىڭعىسحان التايدان شىققان تۇركى تايپالارىنىڭ وكىلى. تاريحشىنىڭ بولجامى بويىنشا، ۇلى ءامىرشىنىڭ قىتايعا جاساعان اتاقتى جورىعى الدىندا ونىڭ يمپەرياسىنا موڭعول تايپالارى با بىرىككەن. ەكى تاريحشىنىڭ تاعى ءبىر دالەلى: شىڭعىسحان يمپەرياسىندا اينالىمدا جۇرگەن تيىننىڭ بەتىندەگى جازۋلار تۇرىكشە بولعان. ولاردىڭ كوبىندە “قازاق” دەگەن جازۋ بار.
جاسۇلان بازارباەۆ
Facebook-تەگى پاراقشاسىنان
