قازاق قىزىن جالاڭاشتاۋعا تەلەارنالار ات سالىسۋدا
.... كەشە تەلەارنادا قاراقات ء(ابدىلدينا) قىزىم كەۋدەسى جارتىلاي اشىق (ەۋروپانىڭ سوڭعى موداسى بولسا كەرەك) كويلەكپەن باعدارلاما جۇرگىزىپ وتىر.
ەل الدىندا جۇرگەن قازاق قىزىنىڭ مۇنىسى شەكتەن شىققاندىق ەمەي نەمەنە؟ (مىسالى ايگۇل يمانباەۆا، ءمادينا سادۋاقاسوۆا سەكىلدى ءبىر توپ قازاق انشىلەرىن ساحنادان جالاڭاش كورۋگە كوز ۇيرەندى. يىقتىڭ جالاڭاشتانعانى جاي، قازىر ول ەمشەككە قاراي جول تارتىپ بارادى. ول بارا-بارا كىندىككە تۇسەدى، سوسىن ءبارى ءبىتتى، قازاق). ءدىندى ءسوز ەتپەي-اق قويالىق، اتا – بابا سالت-داستۇرىندە جوق قىلىققا بۇلار نەگە ءۇيىر بولدى؟! ويدى شاشىراتپاي، قاراقاتقا قايتا ورالايىق. تىم بولماسا جاناشىر بىرەۋ: (بالكىم اعاسى، ارىپتەسى، اپكەسى): «قاراقات-اۋ، انداعى كەيپىڭمەن ملن-دارعا قالاي كورىنەسىڭ؟ ۇيات قوي» دەپ ايتۋعا جاراماعانى ما؟ «قىزعا قىرىق ۇيدەن - تىيىم» كەتكەنى مە شىنىمەن قازاقتان.... "بۇل نە سوراقىلىق، بۇل نە ماسقارا" – دەپ جۇرگەنىمدە كەشكىسىن ""دۋ-دۋمان" باعدارلاماسىندا جاناتبەكتىڭ قاسىنا ەرىپ شىققان قىز ءتوسىن «جارقىراتىپ» ەسىمنەن تاندىردى.
ءوزى ءماز. ايىلىن جياتىن ەمەس. ول ءۇشىن ءبىر مەن ەمەس، ۇياتى بار قازاقتىڭ ءبارى شوشىعانى انىق. اپىر-اي، قاراقاتتا مارلا سەكىلدى بىرنارسە بار ەدى ءتوسىن جاپقان، مىنادا، ول دا جوق. ەكەۋىنىڭ دە كويلەكتەرىنىڭ ۇستىڭگى جيەگىنەن اشىق-شاشىق... ومىراۋلارى دال-دال... ايتۋعا ۇيات. تاپ وسىلاي كيىنىپ، «جالاڭاشتانۋ» قىزمەتىنە كىرىسكەن تەلەجۇرگىزۋشى حانىمدارعا توقتاۋ بولا ما؟ الدە وسىلاي جالعاسىن تابا بەرە مە؟ قازاق قىزىنا ءتان يبا، ۇيات پەن ايات قايدا قالدى؟ وسىنى تەلەارنالارداعى باسشىلار جونگە كەلتىرەر كۇن قاشان تۋار ەكەن؟ ساحنا مادەنيەتىن ۇرماي، ۇلتتىق بولمىستان جۇرداي بولىپ بارا جاتقاندارعا ء«اي دەيتىن اجا، قوي دەيتىن قوجا» قاشان تابىلار ەكەن ءا؟ ءوزىم انا بولعاسىن جۇرەگىم اۋىرادى. بۇدان اسقان ماسقاراشىلىق قازاق قوعامىندا بۇرىن-سوڭدى بولماعان! ءبىز قايدا كەتىپ بارامىز، اعايىن؟!
ساۋلە مەشىتبايقىزى
"قازاقستان زامان" گازەتى
