جاقىندا ايسۇلتان نازارباەۆ ء وزىنىڭ «فەيسبۋك» جەلىسىندەگى جەكە پاراقشاسىندا كەزەكتى رەت استانا ىرگەسىندەگى «ساسىق ءيىس» تۋرالى جازىپ، اكىم جاقسىبەكوۆكە كەزەكتى رەت ەسكەرتۋ جاساعان. ءجاي عانا ەسكەرتۋ جاساپ قويماي، پرەزيدەنت نۇرسۇلتان نازارباەۆتىڭ «كيىز ءۇي» تۋرالى ايتقاندارىن مىسالعا كەلتىرىپتى، بۇل تۋرالى «korrespondent.kz» سايتى جازادى.

ەلباسى ن.نازارباەۆتىڭ جيەنى، داريعا نۇرسۇلتانقىزىنىڭ ۇلى ايسۇلتان راحاتۇلى ناعاشى اتاسىنىڭ تاپسىرماسىن ءوزى-اق ورىنداۋعا دايىن ەكەنىن جەتكىزدى.

ء«ساۋىر ايىنىڭ سوڭىندا قازاقستانداعى فۋتبولدى دامىتۋ جونىندە ءوز جوبامدى ۇسىنباق بولعانمىن. ءبىراز سەبەپتەر پايدا بولىپ، ونى بىرنەشە ايعا كەيىنگە شەگەرۋگە تۋرا كەلدى. بالكىم بۇل ۋاقىت قازاقستان فۋتبول فەدەراتسياسىنا مىندەتتى ەسەپتى كونفەرەنتسياسىن وتكىزىپ الۋىنا جەتكىلىكتى بولعان شىعار. دەگەنمەن بىزدەگى فۋتبولدىڭ جاعدايىن باقىلاپ وتىرىپ، فەدەراتسيادان وزىنە جۇكتەلگەن مىندەتتى ورىنداۋدى كۇتىپ وتىرۋ – قيسىنسىز شارۋا ەكەنىن بىلەمىن.

جارايدى، ولار تىم ۋشىقتىرمايدى... بىراق «پوپكورن» الىپ، كومەديالى «رەاليتي شوۋدى» تاماشالاۋعا بولادى.  ارتىستەر، ارينە، بولادى، ولار سىرتتا دا، ءوز ەلىمىزدە دە ەلدى كۇلدىرۋگە بارىنشا تىرىسادى»،-دەپ جازدى ا.نازارباەۆ.

ءوز سوزىندە مەملەكەت باسشىسىنىڭ جيەنى استانا قالاسىنىڭ اكىمىن دە ءسوز ەتكەن. ونىڭ اتقارىپ جاتقان جۇمىسىن سىنعا العان ول ەلوردانىڭ ساسىق شاھار اتانىپ وتىرعانىنا قىنجىلدى.

«مەن استانانى جايلاعان ساسىق ءيىس تۋرالى ايتىپ وتىرمىن...  وسى ءۇشىن پرەزيدەنتتىڭ ءوزى اكىمگە  ناقتى جۇمىس جاساۋ كەرەكتىگىن ايتىپ سوكتى... مەن قازىر استانانىڭ قاراپايىم تۇرعىنى رەتىندە ايتىپ وتىرمىن، ساسىق قالادا تۇرعىم كەلمەيدى. ەگەر ەلباسى  ەسكەرتكەندەي جاعداي تالدىكولدە كيىز ۇيدە تۇرۋعا دەيىن جەتسە، مەن ءوزىم ونى ورناتىپ بەرەمىن. سەبەبى پرەزيدەنتتىڭ تاپسىرماسى ورىندالۋى ءتيىس»،-دەپ ءسوزىن قورىتىندىلادى ايسۇلتان نازارباەۆ. وسى رەتتە ايتا كەتەيىك، ءساۋىر ايىنىڭ سوڭىندا مەملەكەت باسشىسى باس قالانى ساسىق يىستەن ارىلتا الماعان استانا اكىمىن قاتال سىنعا العان بولاتىن.

- التى جىل تاسماعامبەتوۆ اينالىستى، ەشتەڭە ىستەمەدى، سەن كەلدىڭ، ەشتەڭە بىتىرمەدىڭ. استانادا ساسىق ءيىس بار ءالى. ەگەر بيىل شەشپەسەڭدەر، حوروشۋن ەكەۋىڭە تالدىكول جاعاسىنا كيىز ءۇي تىككىزەمىن، سوندا تۇراسىڭدار. 6 ملرد تەڭگە جۇمسالدى، تۇك بىتپەدى. استاناعا كىم كەلەدى، مىناداي جاعىمسىز ءيىسى مۇڭكىپ تۇرسا...  تالدىكول ماسەلەسىمەن قانشا جىل بولدى مەنى تويعىزعاندارىڭا. ۇكىمەتپەن، كىمنىڭ كومەگى كەرەك، شەشىڭدەر بۇل ماسەلەنى. ماسقارا عوي. استانامىز مىناداي دەپ ماقتانامىز». استانا قالاي بولادى، ساسىپ تۇرسا؟ ماسقارا! – دەپ اشۋلانعان ەدى ەلباسى. بۇل تاپسىرمانى ەستىپ، ساسىق سۋدىڭ جاعاسىندا تىگىلگەن كيىز ۇيدە تۇراسىڭ دەگەننەن شوشىپ كەتكەن بولۋ كەرەك، استانا اكىمى جاعىمسىز ءيىستى بيىلدان قالدىرماي شەشەتىنىن ۋادە ەتتى.

ايتا كەتەيىك، ەلوردا توڭىرەگىندەگى جاعىمسىز ءيىستى كەتىرە الماعان سوڭ، پرەزيدەنت نۇرسۇلتان نازارباەۆتىڭ ءوزى استانا اكىمى جاقسىبەكوۆتىڭ جۇمىسىن سىناپ، سىباپ تا العانى بار ەدى عوي.

نۇرزات توعجان

Abai.kz