الايدا ۇلتتىق ورتالىق سپورتشىلاردىڭ ەسىمدەرىن جاريالاماي وتىر.

بىراق سپورت جۋرناليستەرى مەلدوني پرەپاراتىمەن ۇستالعان قازاقستاندىق سپورتشىلار قاتارىندا ازيا چەمپيوندارى مەن ريو وليمپياداسىنا جولداما العان اتلەتتەر بار ەكەنى ءمالىم بولعانىن ايتادى.

جىل باسىنان بەرى 960 دوپينگ سىنامالارى الىنىپ، تىيىم سالىنعان پرەپاراتتار قولدانۋدىڭ 18 وقيعاسى انىقتالعان.

WADA (دوپينگكە قارسى حالىقارالىق اگەنتتىك) 2016 جىلى قاڭتاردىڭ 1-ىندە مەلدوني پرەپاراتىن دوپينگ تىزىمىنە ەنگىزگەن. اگەنتتىك 2016 جىلدىڭ باسىنان بەرى 288 سپورتشىنىڭ قانىنان مەلدوني تابىلعانىن مالىمدەدى.

رەسپۋبليكالىق دوپينگكە قارسى ۇلتتىق ورتالىقتىڭ ديرەكتورى مايرا باقاشەۆانىڭ ايتۋىنشا، مەلدوني تىيىم سالىنعان پرەپاراتتار تىزىمىنە ەنگەننەن كەيىن قازاقستاندا جاپپاي ءتۇسىندىرۋ جۇمىستارىن جۇرگىزىلگەن.