قازاق قىزدارىن «كوڭىلدەس» ەتىپ كورسەتكىسى كەلگەندەر زاڭ الدىندا  جاۋاپ بەرۋى ءتيىس!

قازاقستاندىق جۇمىسسىز جۇرگەن بويجەتكەندەر 300 مىڭ تەڭگەگە بولا باسشىسىنىڭ كومەكشىسى ءام كوڭىلدەسى بولۋعا كەلىسكەن،- دەپ جازادى «كوررەسپوندەنت» سايتى.

ارنايى تاجىربيە جۇرگىزگەن بەلسەندىلەر ساۋالناماسىنىڭ قورىتىندىسىنا سۇيەنسەك، قازاقستاندىق بويجەتكەندەر كۇن كورىس قامى ءۇشىن باسشىسىنىڭ وڭ قولى بولىپ قانا قويماي، ورايى كەلسە، «وڭ جامباسىن» دا ۇسىنۋعا دايىن ەكەندىكتەرىن كورسەتكەن-مىس.

ماسقارا بولعاندا، كولەڭكەلى بيزنەس بيكەشتەرى ارنايى قىزمەتتەرى ءۇشىن قانشا تەڭگە الاتىندىقتارىن دا جاسىرماعان.

جاقىندا عالامتور جەلىسىندە جۇمىسسىز جۇرگەن بيكەشتەردىڭ ارنايى كاستينگكە كەلىپ، سۇرەڭسىز سۇحبات جاساعان بەينە جازباسى پايدا بولدى.

قازاقستاندىق قىزداردىڭ بەتپەردەلى جۇزدەرىن قارالاۋ ماقساتىندا ارنايى ۇيىمداستىرىلعان بۇل كاستينگتە بەيتانىس ايەل جۇمىس ىزدەپ كەلگەن جاس قىزدارمەن سىرلاسىپ وتىرىپ، سۇحبات جۇرگىزگەن. ءار قىزبەن جەكە-جەكە سويلەسىپ، 50 جاستان اسقان باسشىسىنا كومەكشى قاجەت ەكەنىن جانە ول قىزمەتكەر باسشىمەن بىرگە ىسساپارلارعا شىعىپ، ءتىپتى كوڭىلدەسى بولۋ كەرەكتىگىن ايتقان. ال ارنايى «كوڭىلدەستىك» قىزمەتتەرى ءۇشىن جالاقىنى جۇمىس ىزدەپ كەلۋشىنىڭ ءوزى بەلگىلەۋىن سۇرايدى.

سۇمدىق بولعاندا، قىسىلىپ-قىمتىرىنلماعان قىزداردىڭ  كەيبىرى «وزگەشە قىزمەتتەرى» ءۇشىن 250-300 مىڭ تەڭگە جالاقى جەتكىلىكتى ەكەنىن ايتقان.

ايتپاقشى، مۇنداي ماسقارا اڭگىمەلەسۋگە تەك قىزدار قاتىسپاعان. جۇمىسسىز جۇرگەن جىگىتتەر دە كوڭىلدەس بولۋ تۋرالى ۇسىنىستى ەستىگەن.

مىسالى، بەينە جازبادا بايقاعانىڭىزداي، جۇمىس ىزدەپ كەلگەن جىگىت باسشىنىڭ كوڭىلدەسى بولۋعا ءۇزىلدى-كەسىلدى قارسى بولعان. ءتىپتى ول جۇمىس ۇسىنۋشى تاراپتىڭ  ميلليون تەڭگە كولەمىندەگى جالاقى مەن پاتەر، كولىك بەرەمىز دەگەن ۇسىنىسىنان دا باس تارتقان.

ۆيدەونى جۇكتەگەندەردىڭ مالىمەتىنشە، ولار قازاقستاندىق جاستاردىڭ باسشىلارىمەن ينتيمدىك قاتىناسقا دەگەن كوزقاراستارىن ءبىلۋ ماقساتىندا الەۋمەتتىك ەكسپەريمەنت جاساپ كورىپتى. ناتيجەسىندە اڭگىمەلەسۋگە كەلگەن 25 جاستىڭ 60 پايىزى جۇمىس بەرۋشى تاراپتىڭ تالابىمەن كەلىسكەن.

تاقىرىپتى تۇزدىقتاۋ

قازىر قازاقستاندىق ءام الەمدىك باق-تا قازاق جىگىتتەرىن اشىق تۇردە ازعىندىققا يتەرمەلەۋ ءام قىزدارىن ماسقارالاۋ ساياساتى ءجۇرىپ جاتقانداي ەلەستەيدى كەيدە.

بۇلاي دەپ باجايلاۋىمىزعا سەبەپ جەتكىلىكتى. باق-تا تەك قازاق قىزدارىنا قاتىستى نەگاتيۆتى، سۇرىقسىز اقپاراتتار ءورىپ ءجۇر. مىسالى، ء«ار قىتاي قازاق قىزىمەن اشىنا بولىپ ءجۇر»، «اقتوبەدە مەكتەپ جاسىنداعى وقۋشى قىزدار جەزوكشەلىكپەن اينالىسۋدا»، «قازاستاندىقتاردىڭ 64 پايىزى مەكتەپ جاسىندا جىنىستىق قاتىناسقا تۇسەدى» سىقىلدى اقپاراتتار ءورىپ ءجۇر.

الەمدىك باق-تىڭ الدىندا ادەيى  قازاق قىزدارىنىڭ ەتەگىن اشىپ، ىلىقتىرىپ وتىرعان باسقا-باسقا ەمەس، ءوزىمىزدىڭ ىشىمىزدەگىلەر.

ءاۋ دەگەندە سۇلۋلىعىنا تامسانىپ، ءسابينانى قازاق قىزىنىڭ بۇگىنگى بەت-بەينەسى ەتىپ كورسەتكەن قىتاي شىن مانىندە سابيناعا ءزارۋ مە ەدى؟! جوق، قازاقتا ءسابينادان وتكەن كەرەمەت سۇلۋلار دا جەتەرلىك. بۇل جەردە ءسابينانىڭ سۇلۋلىعى اڭگىمە ەمەس، قىتاي مەملەكەتىنىڭ قىرىق ميلليون ەركەك جىنىستىسىنا قازاقتان ايەل تاۋىپ بەرۋ ساياساتى بۇركەمەلەنىپ جاتىر. «قازاقستانعا بارساڭدار قىزدارىن وزدەرى قويىندارىڭا سالىپ بەرەدى» دەگەن ۇگىت-ناسيحاتىنىڭ جەمىسىن كورۋ ءۇشىن قىتاي ەركەكتەرىنە جاپپاي: «وسىنداي قىزداردى قويىندارىڭا سالىپ جاتاسىڭ» دەگەنى، قانشا باي قىتايدىڭ سىلەكەيىن شۇبىرتتى دەسەڭىزشى. قاي اتا-بابامىز ءوز قىزدارىن شەتەلدىكتەرگە كورسەتىپ ماقتانعان ەدى، ولار تاۋار ما ەدى؟ قازاقستاننىڭ «تاۋارى» ەندى قازاق قىزدارى بولعانى ما؟ وسىدان كەيىن، قىزدارىڭىز قىلىعىن جوعالتىپ جاتسا، وزگەگە شامدانباڭىز. سوندىقتان، قازاق قىزدارىن «كوڭىلدەس» ەتىپ كورسەتكىسى كەلگەندەر زاڭ الدىندا جاۋاپ بەرۋى ءتيىس!

"ۆكونتاكتە" جەلىسىندەگى توپتىڭ وسى  جوباسى مىنا جەردە جاريالانعان: http://vk.com/wsc_pranks

نۇرگەلدى ابدىعانيۇلى

Abai.kz