بەلگيالىق تەرگەۋشىلەر اۋەجايداعى جارىلعىش زاتتى 29 جاستاعى بەلگيا ازاماتى براحيم باكراۋي ىسكە قوستى دەپ جورامالدايدى. ال "ماالبەك" مەترو بەكەتىندەگى جارىلىسقا ونىڭ 27 جاستاعى باۋىرى حاليد باكراۋي كىنالى دەپ سانايدى. اۋەجايدا تاعى ءبىر جارىلعىش زاتتى قالدىرىپ كەتكەن، اعايىندى باكراۋيلەردىڭ سىبايلاسى سانالاتىن ءۇشىنشى ادامدى ىزدەۋ جالعاسۋدا. ول قالدىرعان بومبا جارىلماي قالعان جانە پوليتسيا ونى تاكسي جۇرگىزۋشىسىنىڭ كومەگىمەن تاپقان ەدى. بريۋسسەلدەگى جارىلىستاردى "يسلام مەملەكەتى" ەكسترەميستىك ۇيىمى موينىنا الدى..

22 ناۋرىزدا بريۋسسەلدە ءوزىن جارعان جانكەشتىنىڭ ءبىرى 2015 جىلى جازدا تۇركيانىڭ سيريامەن شەكاراسىندا ۇستالعان، ءبىر ايدان سوڭ ونى ەلدەن قۋعان. بۇل تۋرالى 23 ناۋرىزدا انكارادا وتكىزگەن ءباسپاسوز ءماسليحاتىندا رەدجەپ تايىپ ەردوگان ءمالىم ەتتى.

تۇركيا گوللانديالىق جانە بەلگيالىق بيلىك ورىندارىن "شەتەلدىك لاڭكەس-سودىر" تۋرالى ەسكەرتكەنىمەن، نيدەرلاندىنىڭ قاۋىپسىزدىك ورگاندارى كۇدىكتىنىڭ جيحادشىلارمەن بايلانىسىن تاپپاعان سوڭ، بوساتىپ جىبەرگەن.

اباي-اقپارات