جۇما, 29 ناۋرىز 2024
دەپ جاتىر 6429 0 پىكىر 29 اقپان, 2016 ساعات 12:10

ليتۆا مۇحتار ءابىلازوۆتىڭ باجاسىنا باسپانا بەردى

ليتۆا ميلليون دوللاردان استام اقشانى ۇرلاپ كەتتى دەگەن كۇدىك تاڭىلىپ وتىرعان قازاق ازاماتى — BTA Bank-ءتىڭ بۇرىنعى باسقارما توراعاسى مۇحتار ءابىلازوۆتىڭ باجاسى سىرىم شالاباەۆقا ساياسي باسپانا بەردى.

ليتۆا پورتالى اتالعان قازاق ازاماتىنىڭ ميللياردەر بولۋى دا مۇمكىن ەكەنىن اتاپ كورسەتەدى،-دەپ حابارلايدى egemen.kz پورتالى.

باسىلىمنىڭ حابارلاۋىنشا، سىرىم شالاباەۆتى وتكەن جىلى جازدا «اراسا» قىزمەتكەرلەرى ۆيلنيۋسكە كەلگەن جەرىندە قولعا تۇسىرگەن بولاتىن.

ەسكە سالا كەتەيىك، شالاباەۆ سوعان دەيىنگى ەكى جىلدان استام ۋاقىت «ينتەرپولدىڭ» ىزدەۋىندە بولعان.

ال قازاقستان ازاماتىنا بوسقىن مارتەبەسىن بەرۋ جونىندەگى شەشىمدى كوشى-قون دەپارتامەنتى قابىلداعان. مۇنداي شەشىمگە ول 9 ايدان استام ۋاقىتقا سوزىلعان تەكسەرۋدەن كەيىن كەلگەن. ونىڭ مۇددەسىن مۇندا ادۆوكات لايموناس يۋديتسكاس قورعاعان. قورعاۋشى باسپانانىڭ قانداي جاعدايدا بەرىلگەنى تۋرالى ايتا المايتىنىن، سەبەبى، بۇل مەملەكەتتىك قۇپيا بولىپ تابىلاتىنىن، ونى تەك وسىنداي اقپارمەن جۇمىس جاساۋعا رۇقساتى بار قىزمەتكەرلەر عانا الا الاتىنىن جەتكىزدى.

ەندى كوشى-قون دەپارتامەنتى قابىلداعان شەشىم جۋىق ۋاقىتتاردا ۆيلنيۋس وكرۋگتىڭ سوتىنا وتكىزىلۋى ءتيىس. ونى قازاق ازاماتىنىڭ ەكستراديتسياسىنا بايلانىستى ماسەلەنى قاراپ جاتقان ليتۆا باس پروكۋراتۋراسى ۇسىناتىن بولادى. ال شالاباەۆتى وزدەرىنە بەرۋدى قازاقستان مەن ۋكراينا سۇراپ وتىر.

يۋديتسكاستىڭ ايتۋىنشا، كوشى-قون دەپارتامەنتى جوعارىداعىداي شەشىم قابىلداماس بۇرىن قازاقستاندا، ۋكراينادا، لاتۆيادا، ۇلىبريتانيا مەن باسقا دا ەلدەردە بار مۇمكىن بولعان اقپارلاردى جيناپ العان.

بۇعان دەيىن شالاباەۆ 6 جىلداي ۋاقىت الەمنىڭ ءارتۇرلى ەلدەرىندە تۇرىپ كەلگەن. بىراق سولاردىڭ بىردە-بىرىندە ونى قازاقستان ساياسي سەبەپتەرمەن قۋعىنعا ءتۇسىرىپ كەلەدى، دەگەن ءسوز ايتىلماعان.

Abai.kz

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621