جۇما, 29 ناۋرىز 2024
جاڭالىقتار 5348 0 پىكىر 30 مامىر, 2009 ساعات 11:00

جاڭا پورتال قازاقتىلدى ينتەرنەتتىڭ دامۋىنا سەرپىن بەرۋدى ماقسات تۇتادى

 

سولدان وڭعا: داۋرەن قۋات، نۇرلان ەرىمبەتوۆ جانە ايدوس سارىم abai.kz ينتەرنەت پورتالىنا ارنالعان ءباسپاسوز ءماسليحاتىندا. الماتى، 25 مامىر 2009 ج.

 

سولدان وڭعا: داۋرەن قۋات، نۇرلان ەرىمبەتوۆ جانە ايدوس سارىم abai.kz ينتەرنەت پورتالىنا ارنالعان ءباسپاسوز ءماسليحاتىندا. الماتى، 25 مامىر 2009 ج.

قازاقستاندا abai.kz اقپاراتتىق پورتالى اشىلدى. قازاقتىلدى ينتەرنەت جۇيەسىن دامىتۋدىڭ بىردەن ءبىر جولى رەتىندە ۇسىنىلىپ وتىرعان اتالمىش پورتالدىڭ ماقساتى – ايماقتىق جۋرناليستەردىڭ باسىن قوسۋ ارقىلى ءبىرتۇتاس اقپاراتتىق كەڭىستىك قۇرۋعا ىقپال ەتۋ.
مامانداردىڭ ەسەپتەۋىنشە، 2008 جىلى ينتەرنەتتى پايدالانۋشى قازاقستاندىقتاردىڭ ءجۇز ادامعا شاققانداعى سانى 14 ابونەنتكە وسكەن. كەي بولجامدار بيىلعى جىلى ولاردىڭ سانى 800 مىڭعا جەتۋى مۇمكىن ەكەندىگىن كورسەتەدى.
الماتىدا ءبىر توپ جۋرناليستەر، ساياساتتانۋشىلار مەن مادەنيەتتانۋشىلار باس قوسىپ، قازاق ينتەرنەتىنىڭ دامۋىنا قاتىستى ءوز ويلارىن ورتاعا سالدى. سونىڭ ناتيجەسى – abai.kz اقپاراتتىق پورتالىنىڭ اشىلۋى.
«التىنبەك سارسەنبايۇلى اتىنداعى» قوردىڭ جەتەكشىسى ايدوس سارىم بۇل پورتالدىڭ دۇنيەگە كەلۋىن وتكەن عاسىردىڭ باسىندا قازاق زيالىلارى باستاپ كەتكەن ءداستۇردىڭ جالعاسىنا تەڭەيدى.
– وسىدان ءبىر عاسىر بۇرىن قازاقتىڭ ءبىر توپ زيالىسى: تۇراعۇل ابايۇلى، كاكىتاي ىسقاقۇلى، ءاليحان بوكەيحانۇلى سىندى اتالارىمىز جاقسى ءبىر باستاما باستاپ، پەتەربوردا «اباي» دەگەن اتپەن ابايدىڭ تۇڭعىش ولەڭدەر جيناعىن باسىپ شىعارعان بولاتىن. سول ەڭبەك شىققاننان كەيىن قازاقتىلدى جاڭا پوەزيا، قازاقتىلدى فيلوسوفيا، قازاقتىلدى جاڭا روماندار دۇنيەگە كەلە باستادى. ياعني، قازاقى ورتانى بىرىكتىرەتىن ۇلكەن رۋحاني باستاما بولعان دۇنيە بولدى دەپ سانايمىز. بىزدە سوعان نەگىزدەپ، اراسىنا 100 جىل تاستاپ، وسىنداي abai.kz اتتى اقپاراتتىق پورتال اشتىق، – دەدى ايدوس سارىم.

قازاقستاندا بيىلعى وتكەن ساناقتىڭ الدىن الا ناتيجەسى بويىنشا، ەلدە قازاق ۇلتىنىڭ سانى 67 پايىزدان اسقانى حابارلانعان-دى.
– بۇگىندە 15 پەن 40 جاس ارالىعىنداعى كوپشىلىك ازاماتتار ينتەرنەت پايدالانادى. ولاردىڭ باسىم كوپشىلىگى قازاق ءتىلدى تۇتىنۋشىلار. وسىلارعا لايىق اقپارات كوزدەرى، ينتەرنەت سايتتارى بار ما دەسەك، «جوق» دەپ وكىنىشپەن ايتۋعا بولادى، – دەيدى ا.سارىم.
جاڭا پورتالدىڭ باس رەداكتورى داۋرەن قۋات سايت بەتىندە قازاق جۋرناليستيكاسىنىڭ ەڭ جاقسى ۇلگىلەرى جيناستىرىلاتىندىعىن ايتادى.
– بىزدە وبلىستىق، رەسپۋبليكالىق باسىلىمدار بار، سونىڭ ىشىندە تاۋەلسىز باسىلىمدار دا بار. مىنە، ادەتتە سولاردىڭ بارلىعىنىڭ ءۇنى ءبىر جەردەن شىقپاي جاتادى. كوپتەگەن وزەكتى ماسەلەلەر كوتەرەمىز، الايدا ول بىتىراڭقى. سوندىقتان abai.kz اقپارات پورتالىندا قازاقتىلدى ءباسپاسوز بەتتەرىندەگى ەڭ ۇزدىك ماتەريالداردى جاريالاي وتىرىپ، جۋرناليستەردىڭ ىشكى بىرلىگىن قامتاماسىز ەتىپ، ءبىر ءبىرىمىزدى جاقىنىراق بىلسەك دەگەن نيەتتەمىز، – دەيدى داۋرەن قۋات.
سونىمەن بىرگە، abai.kz بىرقاتار الەۋمەتتىك جوبالاردى دا جۇرگىزبەك. ونىڭ العاشقىسى، رەسپۋبليكالىق جانە ايماقتىق مەملەكەتتىك ورگانداردىڭ قازاقتىلدى سايتتارىنىڭ قوعامدىق رەيتينگىن جاساۋ.
ءدال وسىنداي رەيتينگىلەر قازاقستاننىڭ ساياسي پارتيالارىنىڭ، قوعامدىق بىرلەستىكتەرىنىڭ جانە ءباسپاسوز قۇرالدارىنىڭ اراسىندا دا جۇرگىزىلمەك.
ەكىنشى قادام – قازاقتىلدى ينتەرنەتتى دامىتۋ ماقساتىندا ورىسشا-قازاقشا ينتەرنەت تەرميندەردىڭ سوزدىگىن جاساۋ. سول ارقىلى ينتەرنەتتى بارىنشا مەملەكەتتك تىلدە سويلەتۋ كوزدەلگەن.
سونداي-اق وسى كۇننەن باستاپ، اتالمىش اقپارات پورتالىندا قازاقتىڭ باي ادەبيەتى دە جارىق كورمەك. پورتال يەلەرى بۇل ءۇشىن ەلدەگى باسپالارمەن، اقىن-جازۋشىلارمەن ءتيىستى كەلىسسوزدەر جۇرگىزىلگەندىگىن ايتادى.
«ەگەر قازىرگى اقىن جازۋشىلار كىتاپتارىنىڭ تارالىمى 2 مىڭنان اسپايتىندىعىن ەسكەرەر بولساق، بۇل جاقسى ۇسىنىس. سوندىقتان، دۇكەن سورەلەرىنەن تابا الماي جۇرگەن كىتاپتارىڭىز بولسا، جاقىن ارادا ونى abai.kz اقپاراتتىق پورتالىنان تاباتىن بولاسىز»، - دەيدى جوبا جەتەكشىلەرى.

 

مانشۇك اساۋتاي 26.05.2009 جىل
«ازاتتىق» راديوسى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565