پوليتسيانىڭ حابارلاۋىنشا، وقيعا جارىم تۇندە بولعان. قازىرگى تاڭدا قىلمىستىق ءىس قوزعاۋ ماسەلەسى شەشىلىپ جاتىر، ال قولعا تۇسكەن ميگرانتتار رەسەي اۋماعىنان شىعارىلادى.

پوليتسيا قاقتىعىسقا ناقتى قانشا ادام قاتىسقانى تۋرالى مالىمەت تاراتپادى، بىراق وقيعا كۋاگەرلەرى توبەلەسكە ونداعان ادام قاتىستى دەپ وتىر. بىرقاتار جەرگىلىكتى باسىلىمداردىڭ حابارلاۋىنشا، تۋعان كۇن مەرەكەسىن تويلاعان ماساڭ جۇمىسشىلار جاتاقحانا كومەندانتىنىڭ ەسكەرتۋىنە نارازىلىق كورسەتىپ، سونىڭ ارتى جاپپاي توبەلەسكە ۇلاسقان.

وسىدان ەكى اپتا بۇرىن عانا ءدال وسى كۋدروۆو قىستاعىندا ەڭبەكشى ميگرانتتار توبەلەسىپ قالعان ەدى. 27 شىلدە كۇنى كەشكىسىن ورتالىق ازيا جۇمىسشىلارى مەن داعىستاندىقتار قاقتىعىستى. كۋاگەرلەردىڭ ايتۋىنشا، جۇزگە جۋىق ادام قاتىسقان توبەلەستە ارماتۋرا، تاياق، تاس قولدانىلىپ، تراۆماتيكالىق قارۋ داۋسى ەستىلگەن. جاپپاي توبەلەسكە قاتىسقان جيىرما شاقتى ادام قاماۋعا الىنعان ەدى.

اباي-اقپارات