HRW: "ياروۆا پاكەتى" ادام قۇقىقتارىنىڭ بۇزىلۋىنا اكەلەدى
رەسەيدىڭ جاڭادان قابىلدانعان انتيتەررورلىق زاڭى ەلەكتروندى ىزگە تۇسۋگە اكەلىپ، ادام قۇقىقتارى مەن ينتەرنەت-قاۋىپسىزدىككە ايتارلىقتاي زيانىن تيگىزەدى. بۇل جونىندە Human Rights Watch (HRW) حالىقارالىق قۇقىق قورعاۋ ۇيىمىنىڭ ءباسپاسوز مالىمدەمەسىندە ايتىلعان.
رەسەي پرەزيدەنتى قول قويعان يرينا ياروۆانىڭ "انتيتەررورلىق تۇزەتۋلەرى" زاڭى ادامنىڭ جەكە ومىرىنە قول سۇعىپ، ينتەرنەت قولدانۋشىلاردىڭ الەۋمەتتىك جەلىلەردە ەركىن پىكىرلەرىن بىلدىرۋگە كەدەرگى كەلتىرىپ، ءسوز ەركىندىگىنىڭ دامۋىن تەجەيدى دەپ مالىمدەيدى قۇقىق قورعاۋشىلار.
HRW حالىقارالىق ۇيىمىنىڭ اعا زەرتتەۋشىسى سينتيا ۆونگ زاڭدارعا ەنگىزىلگەن تۇزەتۋلەر "بولشوي براتتىڭ" ەندى كاسىبي تۇردە ەلەكتروندى ىزگە تۇسۋلەرىنە مۇمكىندىك بەرەدى دەيدى.
"انتيتەررورلىق زاڭداردىڭ پاكەتىنە" رەسەي پرەزيدەنتى ۆلاديمير پۋتين 7 شىلدەدە قول قويدى. وندا جاپپاي تارتىپسىزدىككە قاتىسۋعا "شاقىرعان", "ۇگىتتەگەن" ادامداردى قىلمىستىق جاۋاپقا تارتۋ قاراستىرىلعان. مۇنان بولەك بايلانىس وپەراتورلارىنا بۇدان بىلاي كليەنتتەرىنىڭ تەلەفون اڭگىمەلەرى مەن سمس-تەرىن تاسپاعا باسىپ، ساقتاۋعا مىندەتتەيدى.
اباي-اقپارات
