تبيليسيدەگى جيىنعا قاتىسۋشىلاردى قىرىم جونىندەگى قارار قابىلداۋدان باس تارتۋعا ۇگىتتەي الماعان رەسەي دەلەگاتسياسى ءماجىلىس وتىرىسىن تاستاپ شىقتى. قۇجاتتى ۋكراينا وكىلدەرى دايىنداعان. ەقىۇ پارلامەنتتىك قاۋىمداستىعىنىڭ مەرەكەلىك 25-سەسسياسى گرۋزيا استاناسىندا ءوتىپ جاتىر.

رەسەيلىك دەپۋتاتتار دەمارشىنا قاراماستان، قۇجات جوباسى اقىرى پارلامەنتتىك قاۋىمداستىق جالپى وتىرىسىنىڭ قاراۋىنا شىعارىلدى. قارارعا قاتىستى داۋىس بەرۋ دۇيسەنبى كۇنى وتەدى. قۇجات جوباسىندا قىرىمدا ادام قۇقىعى ۇنەمى بۇزىلىپ جاتقانى تۋرالى ايتىلعان. سونىڭ ىشىندە قىرىم-تاتار حالقىنىڭ قۇقىعى تاپتالعانىنا باسا نازار اۋدارىلعان. رەسەيلىك دەلەگاتسيا باسشىسى، مەملەكەتتىك دۋما دەپۋتاتى نيكولاي كوۆالەۆ قۇجاتتى "قولايسىز" دەپ اتادى. كوۆالەۆتىڭ مالىمدەۋىنشە، ابحازيا جانە وڭتۇستىك وسەتياداعى جاعدايلارعا قاتىستى ەكىنشى جوبا "تىم ساياسيلاندىرىلعان جانە انتيرەسەيلىك مازمۇنعا يە". سول سەبەپتى رەسەيلىك دەپۋتاتتار بۇل قۇجاتتىڭ دا تالقىلاۋىنا قاتىسپايدى.

ەقىۇ پارلامەنتتىك قاۋىمداستىعى – ەۋروپاداعى قاۋىپسىزدىك جانە ىنتىماقتاستىق ۇيىمىنا مۇشەلىگىنە وتكەن ەۋروپانىڭ، ازيا مەن سولتۇستىك امەريكانىڭ 57 مەملەكەتىنىڭ باسىن بىرىكتىرگەن پارلامەنتارالىق ۇيىم.

اباي-اقپارات