بەيسەنبى, 17 قازان 2019
نە كورىپ ءجۇرسىز؟ 4957 0 پىكىر 23 ماۋسىم, 2016 ساعات 11:29

"ەۆرازيا" ارناسى قازاق ءتىلىن قاشانعى قورلاي بەرمەك؟

رەسەيشىل "ەۆرازيا" تەلەارناسى تۋرالى از جازىلعان جوق. مەنىڭ ايتقىم كەلگەنى وسى ارناداعى شاتقاياقتاپ تۇرعان ءتىل ماسەلەسى.

العاشقىدا "اشىعىن ايتقاندا" دەگەن اتپەن شىعىپ جۇرگەن توك شوۋ قازىر "ۆسە مى ليۋدي" دەپ وزگەرتىلىپ، ونىڭ ءار باعدارلاماداعى تالقىلاناتىن تاقىرىپتارى دا ورىسشا جازىلىپ ءجۇر. اتى، زاتى ورىسشا، ال ءتىلى قازاقشا. بۇل ناعىز قورلاۋ، باسىنۋ عوي! سوندا ءبىزدىڭ تاۋەلسىزدىگىمىز، ەگەمەندىگىمىز، مەملەكەتتىگىمىز قايدا قالدى؟

قاشانعى ءوز تاۋەلسىز ەلىمىزدە ءتىلىمىز جەتىم بالانىڭ كۇيىن كەشەدى، قاشان تورگە شىعادى؟ بۇل ناعىز - اقپاراتتىق سوعىس. نەگە رەسەيلىك ارنالارعا تيىم سالىنبايدى؟

اناۋ 31 ارنا دا جاڭالىقتاردى ءبىرىنشى "ۇلى" تىلدە جۇرگىزەدى دە، ارتىنشا "بەيشارا" قازاق تىلىنە كەزەك بەرەدى.

قازاقستان ارناسى "پرەميا مۋز تۆ" دەگەندى تاۋىپ الدى، تاعى دا سول باياعى "ۇلى" تىلدە.

وسى ماسەلەنى بۇكىل بۇقارانىڭ تالقىسىنا سالىڭىزدارشى. ءبىزدىڭ ءۇنىمىز بيلىككە جەتەر، بالكىم سەڭ قوزعالار.

ساعىنىش ءىلياس

Abai.kz

0 پىكىر