بۇگىنگى تاڭدا بايان ەسەنتاەۆا بىلدەي بەس جوبانىڭ پروديۋسەرى, ۇلكەن سۇرانىسقا يە جۋرنالدىڭ باس رەداكتورى جانە ورتاق يەمدەنۋشىسى، تانىمال تەلەجۇرگىزۋشى، بيزنەس-لەدي. ءبارىمىز دە «ماحاببات ستانتسياسى» اتتى فيلمدە دەبيۋتتىك باس ءرولى - سۇلۋ، نازىك گۇلنازدى سومداعانىن جاقسى بىلەمىز. ول كەزدە جاس اكتريسا نە بارى 18 جاستا ەدى. باياننىڭ كينوداعى جارقىن بولاشاعىن بولجاعانىمەن، بۇل رولدەن كەيىن ول ەشبىر كينوعا تۇسكەن ەمەس. الايدا، ءدال وسى جىلدىڭ شىلدە ايىندا، «حابار» تەلەارناسىنىڭ كورەرمەندەرى بايان ەسەنتاەۆانى ش.ايمانوۆ اتىنداعى «قازاقفيلم» كينوستۋدياسى شىعارعان «استانا - ماحابباتىم مەنىڭ!» اتتى العاشقى قازاق-تۇرىك تولىقمەتراجدى تەلەحيكاياسىنان تاماشالاي الدى.

بايان، وسىنشاما جىل ارتتا قالعاننان كەيىن ءسىز قايتادان كينوعا ورالدىڭىز. وسىنداي ۇزاق ۇزىلىستەن كەيىن نەلىكتەن «استانا - ماحابباتىم مەنىڭ!» اتتى جاڭا تەلەحيكايادا ويناۋعا كەلىستىڭىز؟

بۇگىنگى تاڭدا بايان ەسەنتاەۆا بىلدەي بەس جوبانىڭ پروديۋسەرى, ۇلكەن سۇرانىسقا يە جۋرنالدىڭ باس رەداكتورى جانە ورتاق يەمدەنۋشىسى، تانىمال تەلەجۇرگىزۋشى، بيزنەس-لەدي. ءبارىمىز دە «ماحاببات ستانتسياسى» اتتى فيلمدە دەبيۋتتىك باس ءرولى - سۇلۋ، نازىك گۇلنازدى سومداعانىن جاقسى بىلەمىز. ول كەزدە جاس اكتريسا نە بارى 18 جاستا ەدى. باياننىڭ كينوداعى جارقىن بولاشاعىن بولجاعانىمەن، بۇل رولدەن كەيىن ول ەشبىر كينوعا تۇسكەن ەمەس. الايدا، ءدال وسى جىلدىڭ شىلدە ايىندا، «حابار» تەلەارناسىنىڭ كورەرمەندەرى بايان ەسەنتاەۆانى ش.ايمانوۆ اتىنداعى «قازاقفيلم» كينوستۋدياسى شىعارعان «استانا - ماحابباتىم مەنىڭ!» اتتى العاشقى قازاق-تۇرىك تولىقمەتراجدى تەلەحيكاياسىنان تاماشالاي الدى.

بايان، وسىنشاما جىل ارتتا قالعاننان كەيىن ءسىز قايتادان كينوعا ورالدىڭىز. وسىنداي ۇزاق ۇزىلىستەن كەيىن نەلىكتەن «استانا - ماحابباتىم مەنىڭ!» اتتى جاڭا تەلەحيكايادا ويناۋعا كەلىستىڭىز؟

ەڭ العاشقى رەت كينو تابالدىرىعىن  وسىدان 18 جىل بۇرىن اتتاعان  ەدىم، مىنە سول 18 جىل ىشىندە ءتۇرلى اۆانتيۋرالاردان باس تارتىپ، ەشبىر ستسەناريگە ءتۇرلى سەبەپتەرمەن كەلىسپەگەن ەدىم. نەگىزىنەن، ولاردىڭ  بيۋدجەتى، ستسەناريى، رەجيسسەرلەرىنىڭ اتاعى ۇنامادى. جالپى العاندا، مەن بۇل تۇرعىدا وتە تالعامپاز اداممىن. ءسويتىپ، ءبىر كۇنى، ماعان وتە تانىمال ەكىنشى رەجيسسەر رۋشا (مەيىرمانوۆا - اۆتوردان) تەلەفون شالىپ، ەرمەك شىنارباەۆتىڭ فاميلياسىن ايتىپ، ول جاڭا فيلم جاساعالى جاتقانىن جانە ونىڭ پروديۋسەرى گۇلنار سارسەنوۆا ەكەنىن ايتتى. ىشىمدە بىرنارسە «زۋ» ەتە قالعانداي بولدى. بۇل وتە ماڭىزدى ەكەنىن، وتە كاسىپقوي جۇمىس ەكەنىن بىردەن ءتۇسىندىم. ءوزىم اينالىساتىن زاتتارعا وتە ماڭىزدى، كاسىپقوي تۇرعىدان قارايتىندىقتان شەشىم قابىلدادىم. دايىندىقسىز كەلسەم دە بەينەبايقاۋدان ەش قيىندىقسىز ءوتتىم، بەت بوياۋسىز، سايكەسىنشە كيىنبەي تۇرعاندا «مىنا جەردە كامەرا تۇرادى، ال مىناۋ وقيتىن ءماتىنىڭىز، باستاي بەرسەڭىز بولادى» دەگەن ەدى. مەنىڭ سەرىكتەسىم «وردا» توبىنداعى داستان (ورازبەكوۆ - اۆتوردان)  بولعاندىقتان، بىردەن جەڭىلدەنىپ قالدىم، سەبەبى مەن ونى وتە جاقسى تانيتىنمىن. قاعازدا نە جازىلىپ تۇرعانىن بىردەن ۇقپادىم، ءبىر تۇسىنگەنىم ماعان مىنەز بايقاتۋ كەرەك ەدى جانە داستان مەنىڭ ءىنىم ەكەن. ارينە، بۇل رولگە وزگە دە ۇمىتكەرلەردىڭ بار ەكەنىن ماعان ايتتى، بىراق بۇل ءرولدىڭ ماعان بۇيىراتىنىنا ەش كۇمانىم بولمادى.  مەن سومدايتىن كەيىپكەردىڭ كىم ەكەنىن سۇرادىم. ول ايەلدىڭ قانداي ەكەنىن ايتقاننان كەيىن مەن ونىڭ بەينەسىن وڭايلىقپەن، ومىردە قالاي ىستەيتىن بولسام، رولدە دە ءدال سولاي، ءوزىمدى قاتتى وزگەرتپەي ويناپ شىقتىم. مەن تىم اسىرەلەپ جىبەرۋدەن قاتتى قورقامىن، جالعان كادرلاردى ۇناتپايمىن. ەڭ باستىسى تىم اسىرەلەمەۋ كەرەك، راس ايتامىن!

تۋرا ءبىر اپتا وتكەننەن كەيىن ماعان گۇلنار سارسەنوۆانىڭ كومەكشىسى تەلەفون شالىپ، اڭگىمەلەسۋگە شاقىردى. گۇلنار بولاتقىزى مەنىڭ بەينەبايقاۋدان تاماشا وتكەنىمدى جانە مەنى وسى رولگە بەكىتكەنى جايلى حاباردار ەتتى. ستسەناري بويىنشا مەن 5 نە 6 ءتۇسىرىلىم كۇنىنە قاتىسۋىم كەرەك ەدى، اقىرىندا بۇل وتە كوپ ءتۇسىرىلىم كۇنىنە سوزىلىپ كەتكەنى سونشا بۇل رول نەگىزگى رولدەردىڭ بىرىنە اينالدى. ارينە، بۇل ءۇشىن العىسىم شەكسىز.

رەجيسسەر وتە ريزا ەكەنىن ايتتى. ال ءتۇسىرىلىم الاڭىندا قانداي اتموسفەرا بولدى؟

مەن بىرلەسە اتقارعان جۇمىستان ۇلكەن راقات الدىم، اسىرەسە ەرمەك بەكتاسۇلىمەن جۇمىس ىستەۋ ءبىر عانيبەت. ناعىز كاسىپقويدىڭ ءىسىن باقىلادىم. جالپى العاندا، بۇكىل ءتۇسىرۋشى توپتان ءلاززات الدىم، سەنى ماسكەۋدەن كەلگەن كاسىپقوي وپەراتورلاردىڭ ءتۇسىرىپ جاتقانى كەرەمەت ەكەن. بۇنىڭ ءبارى ش.ايمانوۆ اتىنداعى «قازاقفيلم» كينوستۋدياسى كاپيتان بولىپ باستاعان الىپ كەمەنى ەلەستەتتى، بۇل كەمە ءبارىن بىلەتىندەي،  ويداعى بارلىق يدەيانى ىسكە اسىرا الاتىن، بارىنە ۇيرەتەتىندەي بولدى، سوندىقتان دا بۇل مەن ءۇشىن جاقسى مەكتەپ. مەن ءوزىم وتە قىڭىر اداممىن، ماعان بارلىعى دا الدىن الا ۇنامايدى. ال مۇندا، ءتۇسىرىلىم الاڭىندا مەن ءوزىمدى ەركىن سەزىنە الدىم. ماعان ەشكىم داۋىس كوتەرىپ، جۇمىسىمدى اۋىرلاتقان جوق. ەركەلىگىمدى ەركىن بىلدىرە الدىم، ءتىپتى اياق استى فرەش ىشكىم كەلىپ كەتسە، كوپ ۇزاماي اكەلىپ بەرەتىن. ءوزىمدى ناعىز جۇلدىز سياقتى سەزىندىم، سەبەبى مەنىمەن بارلىعى دا ءدال سونداي وتە جىلى قارىم-قاتىناستا بولدى، وزىمە كوپ نارسەنى ىستەۋگە شەك قويمادىم جانە بۇنى ماعان كەشىرەتىن. «بۇنداي ەركە جانعا ەركىندىك جاراسادى!» دەپ ەرمەك بەكتاسۇلى ايتاتىن.

مەنىڭ بىلۋىمشە، ءسىزدىڭ كەيىپكەرىڭىز لاۋرا دا تەلەجۇرگىزۋشى. سوندا ءىستىڭ مانىندە ءسىز ءوزىڭىزدى-ءوزىڭىز ويناعانىڭىز ەمەس پە؟

العاشىندا، بۇل رول جاعىمسىز بولۋعا ءتيىس ەدى. وڭباعان ايەلدى ويناۋىم كەرەك بولاتىن، سەبەبى ءبىرىنشى ستسەناري بويىنشا مەن قارسىلاسىمدى ولتىرەمىن. «و، بۇل تاماشا ەكەن، بۇل ءرولدى ويناعىم كەلەدى» دەگەن ەدىم. بۇل ەشبىر قيىندىق تۇعىزباس ەدى عوي(كۇلەدى). جالپى العاندا،  مەنىڭ كەيىپكەرىم لاۋرا - وتە باقىتسىز ادام. ونىڭ ءوزىنىڭ تاعدىرى، ومىرگە كوزقاراسى بولاتىن، ال جەكە ءومىرى ساتسىزدىككە تولى. ارينە وتە ايانىشتى! قانشالىقتى ويناپ شىققانىمدى بىلمەيمىن، كورەرمەن باعاسىن بەرە جاتار.

العاشىندا لاۋرا سونداي وڭباعان ايەل بولۋ كەرەك ەدى، بىراق سودان كەيىن ول مۇلدە وزگە جاعىنان تانىلىپ، وتە جاعىمدى بولىپ كەتەدى. ول باس كەيىپكەرگە وتە عاشىق بولادى، وعان بارلىعىن دا كەشىرىپ، ول ءۇشىن توسەكتى دە سالىپ، ەسىكتى دە اشادى، بارلىق كۇشىمەن ونى باقىتتى قىلۋعا تىرىسادى. وكىنىشكە وراي، جولى بولمايدى. ارينە ءدال وسىنداي جاعدايدى مەنىڭ جەكە ومىرىمە ۇقساتۋعا بولمايدى. مەنى ەشقاشان تاستاپ كەتكەن ەمەس. قۇداي ساقتاسىن! مۇمكىن، بىرەۋلەر مەن ءوزىمدى-ءوزىم سومدادىم دەپ ويلار، بىراق بۇل مۇلدە ولاي ەمەس. كورەرمەن نە ايتارىن بىلمەيمىن، بىراق مەن كورەرمەننىڭ وسى ايەلگە، وسى كەيىپكەرگە سەنۋى ءۇشىن بارلىق كۇشىمدى جۇمسادىم. جانە مەنىڭ كاسىپقوي بايانىمدا ەشبىر داق پايدا بولماۋى ءتيىس. مەنى كينوعا تۇسۋگە ءجيى شاقىرادى، نەگىزىنەن بايلاردىڭ ايەلىنىڭ نەمەسە تەلەجۇلدىز ءرولىن بەرەدى. مۇمكىن، وسى 15 جىل بويى اتقارعان جۇمىسىمنىڭ ارقاسىندا وسىنداي ءبىر ستەرەوتيپ قالىپتاسقان شىعار.

ءتۇسىرىلىم الاڭىندا كەيبىر اكتەرلەر مەن اكتريسالاردىڭ وزدەرىن پسيحولوگيالىق جاعىنان دايىنداپ، رولگە كىرىپ جاتقاندارىن باقىلادىم، مەن ءۇشىن بۇل ءبىر قىزىق وقيعا سەكىلدى بولاتىن، مەن بار جوعى «كامەرانى قوسىڭدار سودان كەيىن ءبارى «وك» بولادى دەيتىنمىن. مەن ءۇشىن باسقا رولگە كىرىپ كەتىپ، باعدارلاما جۇرگىزۋ قيىنعا سوقپايدى. مۇمكىن بۇل مەنىڭ وپتيميستتىك مىنەز-قۇلقىم شىعار. ماعان بارلىعى دا وڭايلىقپەن بەرىلەدى، مەنىڭ اكتەرلىك ءبىلىمىم دە جوق.

ەرمەك بەكتاسۇلى مەنىڭ وتە دارىندى ەكەنىمدى ايتتى. العاشىندا كۇلەتىنمىن، قىزىقتى كورىنەتىن، مەننەن قانداي اكتريسا شىعۋى مۇمكىن. بىزدە دايىندىقتار  مۇلدە بولمادى دەۋگە  بولادى، «مەن سىزبەن جاتتىعۋ جۇرگىزگىم كەلمەيدى، سەبەبى ءسىز بارلىعىن دا ءبىر دۋبلمەن جانە وزگەشە ەتىپ ىستەيسىز» دەيتىن. سوندىقتان ول ماعان 25-ءىنشى رەت دارىندى اكتريسا ەكەنىمدى ايتقان كەزدە سەندىم. تاعى دا ايتا كەتەتىن جايت، كەيىپكەردىڭ كيىمىنىڭ باسىم بولىگى - ءوزىمنىڭ كيىمدەرىم.

بۇل كەزەكتى ەركەلىك بولدى ما؟

بۇل ەركەلىك ەمەس، بۇل مەنىڭ جۇمىسىم. مەن ادەمى كيىنۋگە ۇيرەنىپ كەتتىم. ەڭ ءبىرىنشى كەزەكتە مەن وزىمە عانا سەنەمىن. سەبەبى، ادەمى كورىنۋ ءۇشىن قانداي شارا قولدانۋ كەرەكتىگىن  جاقسى بىلەمىن. بۇل سالادا مەن كاسىپقويمىن، سەبەبى نەنىڭ قالاي ەكەنى مەن ءۇشىن ءمالىم. سۋرەتشىلەردىڭ كاسىپقوي ەمەستىگىن ايتىپ جاتقان جوقپىن، دەگەنمەن ءوز كيىمىمدە ويناۋ مەن ءۇشىن ىڭعايلى بولدى.  بىرىنشىدەن، كيىم مەندە وتە كوپ، تاعى دا ايتقىم كەلەتىنى مەن ەڭ ءساندى كيىمىمدى كيگەن جوقپىن، مۇمكىن مەن قاراپايىم ايەلدىڭ ءرولىن ويناعاندىقتان شىعار. سەن از بويانۋىڭ كەرەك دەپ ايتاتىن، قاراپايىم بولۋعا تىرىسۋىم كەرەك ەدى، كويلەك الىپ كەلگەندە «بۇل نە كويلەك، ارتىق ساندىكتەر قاجەت ەمەس دەپ ايتاتىن». «ماعان ادەمى كيىنۋگە مۇرشا بەرىڭدەرشى» دەيتىنمىن.  «بەت بوياۋىڭدى شاماڭ كەلگەنشە قولدانباۋعا تىرىس»، «بايان سەن وتە ادەمى ايەلسىڭ، بىراق سولاي دەپ بويانا بەرۋگە بولمايدى» دەپ گۇلنار بولاتقىزى ايتتى. ءبارى دە قاراپايىم بولۋعا ءتيىس ەدى، ماعان شاشتى تىم قاتتى ساندەۋگە بولمايتىن جانە دە بۇكىل 12 سەريا بويىنشا مەن قاراپايىممىن. بۇل تۇرعىدا كورەرمەندەر مەنى باسقاشا جاعىمنان تانيدى. ءتىپتى تۇستەر دە قاراپايىمدىلىق كورسەتتى، قىزىل نە جاپ-جاسىل تۇستەردەن قۇداي ساقتاسىن!

سىزگە تۇرىك اكتەرلەرىمەن جۇمىس ىستەگەن ۇنادى ما؟

مەنىڭ باحار اكچامەن بىرگە ءبىر عانا ءتۇسىرىلىم كۇنىندە بولدىم. ءبىز بارلىعىن دا ءبىر دۋبلمەن تۇسىردىك. مەنىڭ كەيىپكەرىم ونى باسقا ايەلمەن بولعانىن كورىپ قالادى، بۇل كورىنىس ۇزاق بولمادى، كوپ بولسا جارتى ساعات قانا. ماعان ۇنادى. وتە دارىندى اكتريسا ەكەن.

ءتۇسىرىلىم كەزىندە ءتۇرلى كازۋستار بولدى ما؟

جوق! ويتكەنى بارلىعى دا 100%-عا دايىن بولدى. ەشقانداي فورس-ماجور دا بولمادى. ولاردىڭ تۇسىرىلىمنەن كەيىن  تورتتى دا الدىن الا دايىنداپ قويعاندىعى  مەنى تاڭقالدىردى.

بىراق، ستسەناري ساعات سايىن وزگەرىسكە ۇشىراپ وتىردى، ءبىز الدا نە بولاتىنىن بىلمەدىك. ماسەلەن، مەن ءتۇسىرىلىم الاڭىنا كەلگەندە، نە ءماتىنىم وزگەرىپ، نە وعان ءبىر فرازا قوسىلىپ كەتۋى مۇمكىن بولدى. مەن اكتريسا ەمەسپىن عوي. مۇنىمەن بوس كەزدە عانا اينالىسامىن. بارىنە دە ۇلگەرۋگە تۋرا كەلدى. بۇنىڭ ءبارى، ءتىپتى وپەراتورلىق توپتىڭ جۇمىسىنان باستاپ پروديۋسەرلىك توپقا دەيىن وتە جوعارى، كاسىپقوي دەڭگەيدە جاسالىندى. جانە ەڭبەكتەرىن مەن بالا كەزىمنەن تانيتىن رەجيسسەردىڭ جۇمىسى جوعارى دەڭگەيدە بولدى. بۇل تەلەحيكايادا وتە كوپ ءومىر بار. ول سونداي شىنايى. كەي كەزدە سونداي شىنايى فرازالاردىڭ بولىپ تۇرعانىن مەن ەرمەك بەكتاسۇلىنا دا ايتىپ وتىردىم. مەن وزگەشە جەتكىزەر ەدىم. ول «ەندى ءسويتىپ ايتا سال» دەيتىن، ول مەنىڭ تۇگەلدەي شىعارماشىلىق ەركىندىگىم بولعانىنا دالەل. مەن لاۋرانىڭ ولاي ىستەمەيتىنىنە سەنىمدى بولىپ، داۋلاسىپ تا كەتەتىنمىن.

سوندا ەڭبەگىڭىز جاندى دەگىڭىز كەلەدى عوي؟

ءبىزدىڭ جاس مەملەكەتىمىز وسىنداي بارىنشا قىمبات كينو تۇسىرۋگە شاماسى جەتەتىندىگى سونداي جاقسى. بۇل كينو تاريحىنداعى ەڭ قىمبات تەلەحيكايا، مەن وعان قاتىساتىنىمدى، بۇل العاشقى قازاق-تۇرىك تەلەحيكاياسى ەكەندىگىن، بۇل العاشقى كاسىپقوي تەلەحيكايا ەكەندىگىن ماقتان تۇتامىن. مادەنيەت مينيسترىنە وسىنداي يدەياسى ءۇشىن، وسىنىڭ ءبارىن ويلاستىرعانى ءۇشىن العىسىمدى بىلدىرەمىن. سەبەبى بۇنىڭ ءبارى باستى قاتىرمايدى، ال ءبىزدىڭ پرەزيدەنتىمىزگە وسىنداي سۇلۋ دا كەرەمەت استاناداي قالامىز بار بولعانى ءۇشىن ۇلكەن راحمەت ايتقىم كەلەدى.

گءۇلنار سارسەنوۆا، «استانا - ليۋبوۆ مويا!» ءفيلمىنىڭ پروديۋسەرى

شىنى كەرەك، ءبىز ونى وسى رولگە بەكىتكەننەن كەيىن ودان نە شىعاتىنىن ءوزىمىز دە بىلمەدىك. العاشىندا بىزدە اجىراسقان، وتە گلامۋرلى لاۋراعا ارنالعان شاعىن رول بولاتىن. ال سودان كەيىن ونىڭ باس كەيىپكەرلەردىڭ بىرىنە اينالىپ كەتۋىنە تۋرا كەلدى. ول سونداي سەزىمتال، تەرەڭ ايەل بولىپ شىقتى، مەنىڭ ويىمشا ول ەشكىمدى دە وزىنە سەلقوس ەتپەيدى. بايان ەسەنتاەۆانىڭ مىقتى مىنەزىن ايتقىم كەلىپ وتىر. ول «self made woman»، ياعني ءوزىن-ءوزى جاساعان ايەل. ول ەنەرگەتيكالىق جاعىنان كۇشتى جانە سول قاسيەتىن رولدە دە كورسەتە الدى.

ەرمەك شىنارباەۆ، «استانا - ليۋبوۆ مويا!» ءفيلمىنىڭ رەجيسسەرى

ەگەر ءتۇسىرىلىم كۇندىز ساعات ەكىگە بەلگىلەنسە، وندا بايان ەسەنتاەۆا تورتتە كەلەتىن. بۇكىل ءتۇسىرۋشى توپ اشۋلاناتىن. ءسىز ءبىر ءتۇسىرىلىم ساعاتى قانشا تۇراتىنىن بىلسەڭىز عوي. بىراق، وعان قاراماستان مەن بارلىعىن دا سابىرعا كەلتىرەتىنمىن، مۇمكىن كەي تۇستا ءوزىمدى دە شىعار. ءسويتىپ بايان الاڭعا كەلگەندە قولىنا ءماتىنىن الىپ، كوز جۇگىرتىپ «مەن بىرەر مينۋتتان سوڭ دايىن بولامىن!» دەيتىن. ەڭ سۇمدىعى - ءدال سولاي بولاتىندىعى عوي. نەگىزىنەن بايان ءبارىن دە ءبىر دۋبلمەن ورىندايتىن. ال ءرولدى ويناعانىن كورسەڭىز عوي! بۇل تاماشا اكتريسا.

ول جولىنا، تۇرىپ جاتقان ۇيىنە، ءوزىنىڭ ۆيزيجيستىنە اقشانى ءوز قالتاسىنان شىعاراتىن، ال كيىم-كەشەگىن تەك ءوز كيىمدەرىنەن تاڭدايتى. ونىمەن جۇمىس ىستەۋ تەك راقات اكەلەتىن.

ا.وسپانوۆ