تاشكەنت شىۇ ءسامميتى كەزىندە تولىعىمەن جابىلۋى مۇمكىن
23-24 ماۋسىمدا بولاتىن شانحاي ىنتىماقتاستىعى ۇيىمى (شىۇ) قارساڭىندا وزبەك استاناسىندا بايبالام كۇشەيدى: سامميت كەزىندە قالاعا كىرۋ مەن شىعۋ مۇمكىن بولمايدى. بۇل اقپاراتتى وزودليكقا (ازاتتىقتىڭ وزبەك قىزمەتى) قۇقىق قورعاۋ ورگاندارى راستادى.
ولاردىڭ بىرەۋى تاشكەنتتە وتەتىن شىۇ ءسامميتى كەزىندە تەك عانا ۇكىمەتتىڭ ارنايى رۇقسات قاعازىمەن عانا كىرىپ-شىعۋعا بولاتىنىن ايتتى.
الدىن ءسامميتتىڭ قاۋىپسىزدىگىن قامتاماسىز ەتەتىن ارنايى قىزمەت شاراعا ءبىر اپتا قالعاندا، "وزبەكستان استاناسىنا ازاماتتارعا كىرۋ مەن شىعۋعا تىيىم سالۋ جونىندە" شەشىم قابىلداعانى حابارلانعان.
"بارلىق اۆتوكولىكتەر مەن تەمىرجول ترانسپورتتارى ءۇشىن قالا جابىق بولادى. بۇل تالاپ كەيبىر اۋەتاسىمالداۋ قىزمەتىنە دە قاتىستى", – دەپ جازادى وزبەكستاندىق اقپارات قۇرالدارى.
ءىىم ماۋسىم ايىنان بەرى بارلىق قۇقىق قورعاۋ ورگاندارى كازارمالىق جاعدايعا كوشىرىلگەنىن حابارلادى.
تاشكەنت مەملەكەتتىك پەداگوگيكالىق ۋنيۆەرسيتەتى وقىتۋشىسىنىڭ سوزىنشە، استانادا قاتاڭ باقىلاۋ ءجۇرىپ جاتىر. ء"اربىر باسقان قادام سايىن ميليتسيونەرلەر تۇرادى. توپ-توبىمەن جۇرەدى. اسىرەسە كەشكى ساعات 10-نان كەيىن جۇرگەن ازاماتتاردى ۇستاپ اكەتەدى. قۇجاتسىز قالادا ءجۇرۋ مۇمكىن ەمەس", – دەيدى ول.
اباي-اقپارات
