جۇما, 12 تامىز 2022
مايەكتى 12289 0 پىكىر 13 ماۋسىم, 2016 ساعات 09:54

جەر كوميسسياسىنىڭ وتىرىسى نەگە وتپەي قالدى؟

وتكەن سەنبى كۇنى ەلباسىنىڭ پارمەنىمەن قۇرىلعان جەر كوميسسياسىنىڭ كەزەكتى جينالىسى وتپەي قالدى.

قازاق جەرىن شەتەلدىكتەرگە جالعا بەرۋ ماسەلەسى ءسوز بولعاندا بۇكىل قازاق حالقى نارازىلىعىن ءبىلدىرىپ، رۇقسات ەتىلمەگەن ميتينگتەرگە شىعىپ، جەرگە قاتىستى ءوز ويلارىن اشىق ايتقان بولاتىن.

بۇقارانىڭ اشۋىنان ىققان بيلىك دەر كەزىندە ەسىن جيىپ، 75 مۇشەسى بار كوميسسيا قۇرىپ، بارلىق كۇردەلى ماسەلەنىنىڭ شەشىمىن بەيبىت جولمەن ۇسىنۋدى باقىتجان ساعىنتاەۆ باسقاراتىن كوميسسياعا جۇكتەدى.

باسى ءاپ-ادەمى باستالعان كوميسسيانىڭ وتىرىسى نەلىكتەن وتپەي قالدى؟ بۇل ونسىز دا «شىقپا جانىم، شىقپامەن» وتىرعان حالىق نارازىلىعىن كۇشەيتىپ جىبەرمەي مە؟ بۇل جاعدايات كوميسسياعا دەگەن سەنىمنىڭ سەتىنەۋىنە اسەر ەتپەي مە؟

وسىنداي سۇراقتارعا جاۋاپ تاپپاق بولىپ، جەر كوميسسياسىنىڭ مۇشەسى مۇحتار تايجانعا حابارلاسىپ ەدىك. ول كىسى جەر كوميسسياسىنىڭ جيىنى نەگە وتپەگەنىن ءالى بىلە الماي وتىرعانىن ايتتى.

ال، ساياساتتانۋشى دوس كوشىم بولسا، مۇنى ازىرگە شۋلاتپاي قويا تۇرۋدى ءجون ساناپ وتىرعانىن، دەسە دە كوميسسيا جۇمىسىندا كوڭىلگە قونىمسىز شالاعايلىقتىڭ كوپ ەكەنىن تىلگە تيەك ەتتى.

دوس كوشىم، ساياساتتانۋشى:

– نەگىزى جەر كوميسسياسىنىڭ وتىرىستارىن وتكىزۋ جۇمىسى اۋىلشارۋاشىلىعى مينيسترلىگىنە جۇكتەلگەن. وتىرىستىڭ نەگە وتپەي قالعانىن سولاردان سۇراۋ كەرەك. مەنىڭشە، كەزەكتى جينالىستىڭ وتپەي قالۋىنا باقىتجان ساعىنتاەۆتىڭ قولىنىڭ بوساماۋى سەبەپ بولعان سياقتى. بالكىم، اقتوبەدەگى لانكەستىك ارەكەتتىڭ دە سالقىنى تيگەن شىعار. دەسە دە، قانداي جاعداي بولماسىن، بۇل وتىرىستاردىڭ ءوتۋى قاجەت ەدى، جۇمىسىنىڭ توقتاماعانىن دۇرىس.

مەنىڭ كوڭىلىم تولمايتىن ءبىراز دۇنيەلەر بار. وتكەندە ول جايدىڭ ءبىرازىنىڭ شەت-جاعاسىن ايتتىم دا. جەر كوميسسياسىنىڭ وڭىرلەردە وتەتىن جينالىسى كوكشەتاۋدان، ياعني، اقمولا وبلىسىنان باستالدى. ەندى شىعىس قازاقستان، پاۆلودار سەكىلدى وبلىستاردا وتپەك. بۇل كوميسسيا نەگە العاشقى جيىنداردى ميتينگتەر وتكەن اتىراۋ مەن اقتوبەدەن باستامايدى؟ نەگە سول جاقتىڭ پىكىرىن الدىمەن بىلمەيمىز؟ بۇل- ء بىرىنشى ماسەلە.

ەكىنشى ماسەلە، بارلىق جۇمىس كوميسسيانىڭ توراعاسى باقىتجان ساعىنتاەۆتىڭ قولىنىڭ بوس بولۋىنا بايلانىستى جۇرگىزىلىپ جاتقان سياقتى. كوميسسيانىڭ توراعاسى بولعان سوڭ، ول كىسى بۇكىل جيىنعا قاتىسۋ كەرەكتىگى ايتىلعان ەدى. نەگىزى مۇنداي كەشەندى جۇمىس جاسالاردا ارنايى جوبا بەكىتىلۋى كەرەك. قاي ۋاقىتتا قانداي جيىن وتەدى، كوميسسيا قانداي وڭىرگە بارادى، بارلىعى دەرلىك قاتتالىپ، ارنايى كەستە دايىندالۋى كەرەك. مۇنىڭ ءبىرى دە قولعا الىنباعان. ءبىز ءوزىمىزدىڭ جۇمىستى قالاي جوسپارلارىمىزدى بىلمەي وتىرمىز. ماسەلەن، مەن وسى ايدىڭ 27-ىنەن باستاپ ەكسپەديتسياعا كەتۋىم كەرەك ەدى. ەگەر كوميسسيا جۇمىسىنىڭ ارنايى كەستەسى بولسا، ءبىز بار ءىسىمىزدى سوعان ىڭعايلار ەدىك. ءار ءوڭىردىڭ ازاماتتارى دا كوميسسيا جۇمىسىنا ارالاسۋعا، جيىنعا ارنايى كەلىپ قاتىسىپ، ءوز ويىن ايتۋعا دايىن وتىرار ەدى.

جينالىس ءبىرىنشى رەت وتپەي قالىپ وتىر. سوندىقتان، ايعاي شىعارىپ، ماسەلە كوتەرۋدىڭ قاجەتى شامالى. بىراق، ەلدىڭ كوميسسياعا دەگەن سەنىمىن ءوشىرىپ الماۋ ءۇشىن بۇدان كەيىن بۇل جاعداي قايتالانباۋى كەرەك دەپ ويلايمىن.

ءتۇيىن

جەر كوميسسياسى قۇرىلماي تۇرىپ، جەر جايىنداعى بارلىق اقپاراتتاردى حالىققا جەتكىزىپ تۇرۋ ءۇشىن بيلىك ارنايى jerturaly.kz دەگەن سايت اشقان ەدى. قازىر ول سايت تا جۇمىس جاسامايدى. نەگە؟

قانات بىرلىكۇلى

Abai.kz

 

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2085
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743