«استانا ەكسپو-2017» قارجىسىن جىمقىردى دەپ ايىپتالعان تالعات ەرمەگياەۆقا قاتىستى سوت ۇكىمى جاريالاندى.  اتالعان قىلمىستىق ءىس بويىنشا سوت وتىرىسى سوڭىندا  سۋديا  ەرمەگياەۆتى 14 جىلعا باس بوستاندىعىنان ايىرۋ جانە قاتاڭ رەجىمدى كولونياعا جىبەرۋ تۋرالى شەشىم ششىعاردى.

وسىعان دەيىن ەكسپو-2017-ءنىڭ ەكس-توراعاسىنا قر قك-ءنىڭ 189 بابى، 4-ب.، 2-تارماق بويىنشا  جانە قر قك 311-بابىنىڭ 5 ب.، بويىنشا اسا ءىرى كولەمدە پارا الدى دەگەن ايىپ تاعىلعان بولاتىن.

«تالعات ەرمەگياەۆتى كىنالى دەپ تاۋىپ، 8 جىلعا باس بوستاندىعىنان ايىرۋ جانە دۇنيە مۇلكىن تاركىلەۋگە، ءومىر بويىنا مەملەكەتتىك قىزمەتتەن شەتتەتۋگە، سونداي-اق،  قىلمىستىڭ اۋىرلىعىنا سايكەس، 14 جىل بوستاندىعىنان ايىرۋعا شەشىم شىعارامىن. ايىپتالۋشى جازاسىن وتەۋى ءۇشىن قاتاڭ رەجيمدى تۇزەتۋ كولونياسىنا جىبەرىلسىن. سونىمەن قاتار، ەرمەگياەۆتىڭ مەنشىگىنە تيەسىلى مۇلىكتەر: الماتى قالاسىنداعى ءبىر پاتەر، ۆاز ماركالى اۆتوكولىك، الماتى وبلىسىنا قاراستى ەكى جەر تەلىمى، استانا قالاسىنداعى ءبىر پاتەر جانە ەكى جەر تەلىمى تاركىلەنىپ، مەملەكەت ەسەبىنە قايتارىلسىن. ال ەرمەگياەۆتىڭ جۇبايىنىڭ دۇنيە-مۇلكى تاركىلەنبەسىن»،-دەدى سۋديا ءادىلحان شايحيسلاموۆ.

Abai.kz