ماسكەۋدە لەنين ەسكەرتكىشى باسسىز قالدى
رەسەي استاناسى ماسكەۋدىڭ ورتالىعىنداعى ۆلاديمير لەنين ەسكەرتكىشىنە زاقىم كەلتىرگەن فاكتى بويىنشا قىلمىستىق ءىس قوزعالىپ، تەرگەۋ ءجۇرىپ جاتىر. وسىلاي دەپ رەسەيدىڭ ىشكى ىستەر مينيسترلىگى حابارلايدى.
ء"مۇسىندى بۇزعانى ءۇشىن ماسكەۋدە رەسەي فەدەراتسياسى قىلمىستىق كودەكسىنىڭ 214-بابى بويىنشا (ۆانداليزم) قىلمىستىق ءىس قوزعالدى", – دەپ حابارلايدى رەسەيدىڭ ءىىم رەسمي وكىلى يرينا ۆولك.
7 ماۋسىمدا 10:30 شاماسىندا پوليتسياعا ماسكەۋدەگى كليماشكين كوشەسىندەگى ءمۇسىننىڭ قيراتىلعانى جونىندە حابار تۇسكەن. وقيعا ورنىنا كەلگەن پوليتسيا قىزمەتكەرلەرى بەلگىسىز ەكەۋدىڭ ءمۇسىندى ورنىنان تايدىرعانىن انىقتاعان.
اباي-اقپارات
