عاسىرلار بەزبەنىندە حالقىمىزدىڭ قالىپتاستىرعان قۇندىلىعىن ەشقاشان جويمايتىن، سالت-داستۇرلەر بار. ولاردىڭ ساناتىندا اعاعا قاراپ ءىنى ءوسىپ، اپكەسىنە، جەڭگەسىنە قاراپ قىزى بوي تۇزەيتىن ءداستۇردى قازاقتىڭ ءاربىر ۇلى مەن قىزى بويىنا ءسىڭىرىپ وسەدى. ءبىزدىڭ اۋلەت  ءۇشىن دە بولات ءاۋجانۇلى اعامىزدىڭ، نازگۇل بەكتۇرسىنقىزى جەڭگەمىزدىڭ دە ورىندارى ەرەكشە. بۇگىن 50-جىلدىق – التىن تويلارىن اتاعالى وتىرعان بۇل وتباسىنىڭ ىزگىلىككە تولى ىزدەرى، عىلىمي جەتىستىكتەرى، شىعارماشىلىق تابىستارى، كۇندەلىكتى تۇرمىس-تىرشىلىكگى ۇلگىتۇتار تۇستارى دا اۋىز تولتىرىپ ايتارلىقتاي.

جەڭگەمىز، مىنە، 46 جىل بويى ۇزدىكسىز جوعارى وقۋ ورىندارىندا، 33 جىل اباي اتىنداعى كازاق مەملەكەتتىك پەداگوگيكالىق ۋنيۆەرسيتەتىندە، 13 جىل ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە ۇستازدىق قىزمەت اتقارىپ كەلەدى. پروفەسسور، 60-تان استام مونوگرافيالار مەن وقۇلىق، وقۋ قۇرالدارىنىڭ، 400-گە تارتا عىلىمي ماقالالاردىڭ توليەسى. ەڭبەكتەرى اقش (نيۋ-يورك), ۇلىبريتانيادا، اۆستريادا، پولشادا، بولگاريادا، چەحيادا، ماسكەۋدە، سانكت-پەتەربوردا، كيەۆتا، تومسك، ياروسلاۆل، سامارا، تامبوۆ، تاگانروگ، چەبوكسارىدا جارىق كوردى. جاقىندا عانا، ۇستىمىزدەگى جىلدىڭ ءساۋىر ايىندا «التىن قاۋىرسىن» اتتى رەسەيدە وتكەن حالىقارالىق عىلىمي جۇمىستاردىڭ بايقاۋىندا ءبىرىنشى ورىنعا يە بولدى.

اعامىز دا ەڭبەك جولىن ۇستازدىقتان باستاپ، كەيىن پارتيا، اكىمدىك باعىتىندا حالقىنا قالتىقسىز قىزمەت ەتتى. قازىر زەينەتكەرلىك دەمالىستا بولعانىمەن، شىعارماشىلىق جۇمىستان قول ۇزگەن جوق. بىرنەشە تاريحي-تانىمدىق كىتاپتار جازدى. ءوزىمىز قۇرمەت تۇتاتىن بۇل وتباسىندا قالىپتاسقان قاسيەت، ول، وتباسى مەن وتاناسىنىڭ اراسىنداعى مەيىرىمگە تولى، اينالاسىنا شۋاق شاشاتىن ەرەكشە ءبىر اۋرا. اعا-جەڭگەمىزدىڭ وسى جىلدار ىشىندە بىردە-ءبىر رەت ءبىر-بىرىنە داۋىس كوتەرىپ، ارتىنان ىلەسكەن بىزگە  وكتەم سويلەپ پەندەشىلىككە بوي الدىرعانىن كورمەپپىز.

«تاس تاستا، التىن تاستا سىناماققا،

ءبارىبىر اققان وزەن سول قالپىندا»، - دەپ، ۇستاز ىبىراي التىنسارين ايتقانداي، اعا-جەڭگەمىز العان اسۋلارىن بۇلداماي، سىرت كوزگە وزدەرىن-ءوزى جارنامالاماي، بارشىلىقتان اسىپ-تاسىماي، ءتىپتى، تاعدىرلارى تارازى باسىندا تەڭسەلگەن تۇستارىندا جاسىماي، ادامي ىرىلىكتەن تومەندەگەن كەزدەرى بولعان جوق. بۇل دا بىزدەر ءۇشىن، ارتىنان ىلەسكەن ءىنى-قارىنداستارى، كۇيەۋبالا-كەلىندەرى ءۇشىن ۇلگى-ونەگە.

اعا-جەڭگەمىزگە زور دەنساۋلىق، عىلىمي، شىعارماشىلىق ەڭبەكتەرىنىڭ جەمىستى بولۋىن، جاراتۋشى سىيلاعان ءاربىر تۇندەرىنىڭ تىنىش، كۇندەرىنىڭ شۋاقتى تىلەيمىز!

تۋعان-تۋىستارى 

Abai.kz