تۇركيانىڭ جاڭا پرەمەر-ءمينيسترى يىلدىرىم بولۋى مۇمكىن
تۇركيانىڭ كولىك، كەمە قاتىناسى جانە بايلانىس ءمينيسترى بينالي يىلدىرىم ەلدىڭ بيلەۋشى ادىلەت جانە دامۋ پارتياسىنىڭ ء(ادپ) اتىنان ۇكىمەت باسشىلىعىنا جالعىز كانديدات رەتىندە ۇسىنىلادى.
ريا نوۆوستي حابارلاعانداي، بۇل جونىندە پارتيانىڭ ءباسپاسوز حاتشىسى ومەر چەليك 19 مامىردا وتكەن پارتيانىڭ باسقارۋشىلار كەڭەسىنىڭ وتىرىسىنان كەيىن مالىمدەگەن.
تۇركيادا پارتيانىڭ ليدەرى ءداستۇر بويىنشا ەلدىڭ پرەمەر-ءمينيسترى بولادى.
"بينالي يىلدىرىمنىڭ كانديداتۋراسىن جەكسەنبى كۇنى بولاتىن پارتيانىڭ سەزدىندە قارايدى", - دەپ مالىمدەدى چەليك.
يىلدىرىم 2002 جىلى ادىلەت جانە دامۋ پارتياسى اتىنان تۇركيا پارلامەنتىنە سايلانعان، وسىدان كەيىن 13 جىل بويىندا تۇركيانىڭ كولىك ءمينيسترى بولىپ كەلەدى.
اباي-اقپارات
