رەسەي سالىقتى ءوسىرۋدى جوسپارلاپ وتىر
رەسەي بيلىگى 2018 جىلى پرەزيدەنتتىك سايلاۋدان كەيىن بىردەن سالىقتى وزگەرتۋدى ويلاستىرىپ وتىر. وندا كىرىس سالىعىن 13 پايىزدان 20 پايىزعا كوتەرۋ قاراستىرىلعان دەپ Wall Street Journal رەسەيلىك ۇكىمەتتەگى دەرەككوزگە سىلتەمە جاساي وتىرىپ جازادى.
ونداعى اقپاراتقا سايكەس، رەسەي ۇكىمەتى سالىقتى ءوسىرۋدىڭ بىرنەشە جولدارىن قاراستىرىپ جاتقانعا ۇقسايدى. كىرىس سالىعىن كوبەيتۋدىڭ ەكى جولى قاراستىرىلعان: ءبىرىنشىسى قازىرگى جۇيەنى ساقتاي وتىرىپ 20 پايىزعا دەيىن ءوسىرۋ جانە كىم كوپ تابىس تابادى، سولار كوپ تولەيتىن بولادى. گازەتتىڭ دەرەككوزى سونىمەن بىرگە قوسىمشا قۇن سالىعىن (ققس) دا ءوسىرۋدى قاراستىرىپ وتىرعانىن ايتقان. بۇگىندە رەسەيدە ققس 18 پايىزدى قۇرايدى.
رەسەي فەدەراتسياسىنىڭ 2016 جىلعى بيۋدجەتى باررەلىنە 50 دوللار بويىنشا ەسەپتەلگەن. ال تاپشىلىق 3 پايىزدى قۇراۋعا ءتيىس. الايدا مۇناي باعاسى العاشقى توقساندا كورسەتىلگەن باعامنان تومەن بولدى. سول سەبەپتەن رەسەيدىڭ بيۋدجەت تاپشىلىعى بولجانعان كورسەتكىشتەن جوعارى.
اباي-اقپارات
