وقو-دا الەۋمەتتىك سالاعا ايرىقشا كوڭىل بولىنۋدە. الەۋمەتتىك باعادارلامالار دا اتالعان وبلىستا تياناقتى تۇردە جۇزەگە اسىپ، جۇلگەسىن تابا تۇسۋدە. ءوڭىردىڭ حالىق قالاۋلىلارىمەن بولعان كەزدەسۋدە وقو اكىمى بەيبىت اتامقۇلوۆ وسىلاي دەدى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

جىل باسىنان بەرى وڭتۇستىك قازاقستان وبلىسىندا اتقارىلعان جۇمىستاردىڭ بارىسىن تۋرالى وبلىس باسشىسىنە ەسەپ بەرگەن ايماق باسشىلارى ءبىرسىپىرا اتقارىلعان جۇمىستاردى تىزبەلەدى. بايانداما جاساۋ كەزىندە ايماقتاعى ون بىردەي دەنساۋلىق ساقتاۋ نىسانىنىنىڭ قۇرىلىسى جۇرگىزىلگەندىگى ايتىلدى.

سونداي-اق، سەگىز بىردەي نىساندا كۇردەلى جوندەۋ جۇمىستارى جاسالىپ جاتقانى دا ايتىلدى.

«وبلىسىمىزدا الەمدىك مەديتسيناداعى وزىق تەحنولوگيالار پايدالانىلۋدا. بالالار قان تامىر حيرۋرگياسىن دامىتۋ قولعا الىندى. مەديتسينالىق قىزمەتتىڭ ساپاسىن جاقسارتۋ ماقساتىندا قىزمەتكەرلەردىڭ بىلىكتىلىگىن ارتتىرۋعا كوڭىل ءبولىنىپ وتىر. ەسەپتى كەزەڭدە نارەستەلەر ءولىم-ءجىتىمىنىڭ كورسەتكىشى 13, قان اينالىمى اۋرۋلارى 15, تۋبەركۋلەز 24, ونكوپاتولوگيا 2 پايىزعا تومەندەدى»، - دەدى وڭتۇستىك قازاقستان وبلىسى اكىمى بەيبىت اتامقۇلوۆ مىرزا.    

ايتا كەتەيىك، مەملەكەت باسشىسىنىڭ «100 ناقتى قادام» جوسپارىنىڭ نەگىزىندە وڭتۇستىك قازاقستان وبلىسىندا اتقارىلعان شارۋالاردىڭ ءبىرسىپىراسىن «Abai.kz» پورتالى جازعان بولاتىن.

اباي اقپارات