2016 جىلدىڭ 21 قىركۇيەگىندە استانا قالاسىنداعى قازاق ۇلتتىق ونەر ۋنيۆەرسيتەتىندە قر مادەنيەت جانە سپورت مينيسترلىگىنىڭ ۇيىمداستىرۋىمەن «اباي وقۋلارى» رەسپۋبليكالىق بايقاۋى وتەدى، - دەپ حابارلايدى اباي-اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

"قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ۇستىمىزدەگى جىلعى  21 قىركۇيەكتە قازاقستان رەسپۋبليكاسى تاۋەلسىزدىگىنىڭ  25 جىلدىعىنا  جانە قازاقستان حالقى تىلدەرى كۇنىنە وراي قازاقستاننىڭ ەتنوس جاستارى وكىلدەرى اراسىندا ءداستۇرلى «اباي وقۋلارى» رەسپۋبليكالىق بايقاۋىن وتكىزەدى" دەلىنگەن حابارلامادا.

بايقاۋدىڭ ماقساتى – قازاق ءتىلىنىڭ كوركەمدىك ەرەكشەلىگىن، باي سوزدىك قورىن ناسيحاتتاۋ، اباي شىعارماشىلىعىن ناسيحاتتاۋ ارقىلى قازاقتىڭ ءتىلى مەن ادەبيەتىنە، مادەنيەتىنە دەگەن ەتنوس وكىلدەرىنىڭ ىقىلاسىن ارتتىرۋ ءارى ەلىمىزدىڭ رۋحاني بىرلىگىن نىعايتۋ.

«اباي وقۋلارى» رەسپۋبليكالىق بايقاۋىنا ەلىمىزدىڭ وبلىستارى مەن الماتى قالاسى بايقاۋلارىنىڭ 13 جەڭىمپازى قاتىسادى. بايقاۋ ەرەجەسىنە سايكەس ۇمىتكەرلەر اباي شىعارمالارىن ء(بىلىم، عىلىم جانە ونەر تاقىرىپتارىنا ورىلگەن پوەزيالىق شىعارماسىن نەمەسە قارا ءسوزىن) جاتقا وقۋ، «اباي جولى» رومان-ەپوپەياسىنان ءۇزىندىنى كوركەمسوز وقۋ تالاپتارىنا ساي شەبەرلىكپەن ورىنداۋ، اباي اندەرىن نەمەسە حالىق اندەرىن شىرقاۋ بويىنشا سايىسقا تۇسەدى.

بايقاۋ قاتىسۋشىلارىنىڭ جۇمىسىن  ابايتانۋشى عالىمدار مەن زيالى قاۋىم وكىلدەرىنەن قۇرالعان قازىلار القاسى باعالايدى جانە ونىڭ جەڭىمپازدارىن انىقتايدى. بايقاۋ جەڭىمپازدارى  ارنايى ديپلومدارمەن، العىس حاتتارمەن جانە قارجىلاي سىيلىقتارمەن ماراپاتتالادى.

Abai.kz