"قازىرگى تاڭدا حاكەرلىك شابۋىلدارعا پرەزيدەنتتىڭ ارەكەت ەتەۋىن قاجەت ەتەتىن ۇكىم بار، ەگەر رەسەي پرەزيدەنت سايلاۋى قارساڭىنداعى ناۋقانعا قاتىستى ءبىزدىڭ ۇيىمدارعا قارسى تاباندى ارەكەتىنەن قاتپايتىن بولسا، وندا اكىمشىلىك وعان جاۋاپ رەتىندە بىرقاتار شارا قولدانا الادى، ولاردىڭ ىشىندە ەكونوميكالىق سانكتسيالار دا بار", - دەدى وكىلدەر پالاتاسىنىڭ بارلاۋ قىزمەتى جونىندەگى كوميتەتىنىڭ وكىلى ادام شيفف.

CNN-گە بەرگەن سۇحباتىندا وكىلدەر پالاتاسىنىڭ ىشكى قاۋىپسىزدىك كوميتەتىنىڭ وكىلى رەسپۋبليكاشىل مايكل ماكول رەسەيلىك حاكەرلەر دەموكراتيالىق پارتيانىڭ ۇلتتىق كوميتەتى سەرۆەرىنە عانا ەمەس، بىرقاتار رەسپۋبليكاشىل فۋنكتسيونەرلەردىڭ بازالارىن بۇزعانىن مالىمدەدى. بۇل مالىمەتتى ول ارنايى قىزمەت وكىلدەرىنەن ەستىگەن.

دەموكراتتاردىڭ دا، رەسپۋبليكاشىلداردىڭ دا اراسىندا پرەزيدەنت وبامانىڭ ارەكەتسىزدىگىنە نارازىلىق كۇشەيىپ كەلەدى. وباما اكىمشىلىگى بولسا رەسەيگە قارسى كەزەكتى ارەكەت سيريا جونىندەگى ارىپتەستىككە كەسىرى تيە ما دەپ قاۋىپتەنەدى.

بىراق رەسەيدىڭ امەريكالىق سايلاۋ ناۋقانىنا ارالاسۋىنا بايلانىستى، مۇنداي ارىپتەستىكتەن باس تارتۋعا بولادى، دەپ مالىمدەدى سەناتتىڭ حالىقارالىق كوميتەتى توراعاسى رەسپۋبليكاشىل بوب كوركەر.