شىمكەنت قالاسى اكىمدىگى ماجىلىسىندە ەكى ماسەلە قارالدى. اۋەلى، قالا اكىمى عابيدوللا ءابدىراحىموۆتىڭ الدىندا قالا تۇرعىندارىنا مەملەكەتتىك كورسەتىلەتىن قىزمەتتىڭ جاعدايى جانە ساپاسى تۋرالى قالا اكىمى اپپاراتىنىڭ باسشىسى راشيد ايۋپوۆ بايانداما جاسادى.

-بيىل شىمكەنت قالاسى اكىمدىگىنىڭ 7 قۇرىلىمدىق ءبولىمى تاراپىنان 79 مەملەكەتتىك قىزمەت تۇرلەرى حاللىققا كورسەتىلىپ وتىر. تارقاتىپ ايتار بولساق، جەرگىلىكتى اتقارۋشى ورگان تاراپىنان 43, ال «حالىققا قىزمەت كورسەتۋ ورتالىعى» ارقىلى 36, سونىمەن قاتار، «ەلەكتروندىق ۇكىمەت» ۆەب-پورتالى ارقىلى – 14 قىزمەت ءتۇرى كورسەتىلەدى. ۇسىنىلعان قىزمەتتىردىڭ جالپى سانى وسى جىلدىڭ قاڭتار-شىلدە ايلارى ارالىعىندا 237 990 دى قۇراپ وتىر،- دەدى قالا اكىمى اپپاراتىنىڭ باسشىسى راشيد ايۋپوۆ.

سونىمەن قاتار، قالالىق اكىمدىكتىڭ كەزەكتى كۇن تارتىبىندە مەملەكەتتىك باسقارۋ ورگاندارىنىڭ قالا بويىنشا كوممۋنالدىق مەنشىكتىڭ ساقتالۋى مەن پايدالانۋىنا باقىلاۋ جۇرگىزۋ بارىسى تۋرالى قالالىق ەكونوميكا جانە قارجى ءبولىمى باسشىسىنىڭ مىندەتىن اتقارۋشى رۋسلان باقتىباەۆ بايانداما جاسادى. تولىعىراق توقتالار بولساق، بۇگىنگى تاڭدا قالادا بارلىعى 283 كوممۋنالدىق زاڭدى تۇلعالار بار بولىپ، ولاردىڭ مەنشىگىندەگى 1963 نىسان مەملەكەتتىك مۇلىك تىزىلىمىنە ەنگىزىلگەن. ماسەلەن، قالاداعى 21 باعدارلاما اكىمشىلەرىنىڭ 14-ءى ءوز عيماراتتارىندا ورنالاسقان، قالعان 7-ءۋى جالعا الىپ، جۇمىس جاسايدى.

ءماجىلىس سوڭىندا قالا اكىمى عابيدوللا ءابدىراحىموۆ جاۋاپتى بولىمدەرگە وسى جىلدىڭ سوڭىنا دەيىن شىمكەنتتە پيك (كسك) جۇمىستارىن جۇيەلەپ، تۇرعىندار ءۇشىن تىڭعىلىقتى جۇمىس ىستەۋگە تاپسىرما بەردى.

Abai.kz