جۇما, 29 ناۋرىز 2024
جاڭالىقتار 3505 0 پىكىر 31 تامىز, 2016 ساعات 09:37

قىرعىزستاندا تەررورعا قارسى ءىس-شارالار كۇشەيتىلدى

پرەزيدەنت المازبەك اتامباەۆ ەلدىڭ كۇش قۇرىلىمدارى باسشىلارىنىڭ قىتايدىڭ بىشكەكتەگى ەلشىلىگىندەگى جارىلىستان سوڭ شۇعىل تەرگەۋ جۇمىستارى تۋرالى ەسەپتەرىن تىڭدادى دەپ، حابارلادى مەملەكەت باسشىسىنىڭ ءباسپاسوز قىزمەتى.

قىرعىز پرەزيدەنتى مۇقك جانە ءىىم باسشىلارىنا وسىعان قاتىستى تەرگەۋ جۇمىستارىن تياناقتى جۇرگىزۋدى تاپسىردى. قورعانىس كەڭەسىنىڭ حاتشىسى تەمىر جۇماقادىروۆ قحر ەلشىلىگىندەگى جارىلىستى زەرتتەۋگە جەتەكشىلىك ەتەتىن بولادى.

اتامباەۆ اسا ماڭىزدى نىساندار مەن ديپلوماتيالىق وكىلدىكتەردەگى كۇزەتتى كۇشەيتۋدى، بۇعان قوسا ادام كوپ شوعىرلانعان ورىندارداعى قاۋىپسىزدىكتى قامتاماسىز ەتۋدى تاپسىردى. مۇقك جارىلىس فاكتىسى بويىنشا قىلمىستىق ءىس قوزعادى.

ەستەرىڭىزگە سالا كەتەيىك، 30 تامىزدا جارىلعىش تيەلگەن كولىكپەن قحر-دىڭ بىشكەكتەگى ەلشىلىگىنىڭ قاقپاسىن بۇزىپ وتكەنجانكەشتى تەررورشى جارىلعىشتى ىسكە قوسقان ەدى. جارىلىستان جاراقاتتانعان قىتاي ەلشىلىگىنىڭ ءۇش قىزمەتكەرى اۋرۋحاناعا جەتكىزىلدى.

قىتايدىڭ سىرتقى ىستەر مينيسترلىگى ەلشىلىككە جاسالعان شابۋىلدى "اسا قاۋىپتى ءارى قاتىگەزدىكپەن جاسالعان قىلمىس" دەپ اتادى. قىتاي قىرعىزستان بيلىگىن قىلمىستى اشۋعا شاقىردى. ازىرگە ەشقانداي ۇيىم شابۋىلدى مويىنداعان جوق.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544