جۇما, 17 قىركۇيەك 2021
قوعام 4636 0 پىكىر 30 تامىز, 2016 ساعات 13:02

وزبەكستان. كاريموۆتان كەيىن نە بولۋى مۇمكىن؟..

ەركىن اقپارات تاراتاتىن دەرەككوزدەرى وزبەكستان رەسپۋبليكاسىن پرەزيدەنتى يسلام كاريموۆتىڭ دۇنيە سالعانىن ايتىپ جاتىر. الايدا رەسمي تاشكەنت كاريموۆ تۋرالى جامانات حاباردى راستاعان جوق. ايتسە دە، ورتا ازياداعى ساياسي ءىرى تۇلعا يسلام ابدۋعانيۇلىنىڭ ء داۋىرى اياقتالدى دەۋگە بولادى. بۇل - ايداي اقيقات.

مەنىڭ ويىمشا، كاريموۆتەن كەيىن وزبەك بيلىگىندە  تەپە تەڭدىك ساقتالمايدى. اتالعان پەرسونالاردىڭ ءبىر-ەكىسى -تۇرا كوتەرىلەدى، ولاردى شەتىنەن قاماي باستايدى. حالىق كوشەگە شىعادى، بىراق ءىرى قالالاردا جاستار شەرۋىن وسى جولى اتۋعا اسكەر باتا المايدى.تاشكەنت پەن سامارقان - فەرعانا ەمەس، ونىڭ ۇستىنە داعدارىس كۇشەيىپ تۇر، حالىق شارشاعانىن ايتادى.

وزبەكستاننىڭ قازىرگى زامان تاريحىندا جاڭا كەزەڭى باستالدى دەي بەر. بيلىككە كەلەسى ديكتاتور كەلۋ كەرەك ەدى، ايتپەسە دۇربەلەڭ كەزەڭى باستالادى. ال، يسلامنىڭ كىشى قىزى لولا بيلىكتى ۇستاپ تۇرا المايدى. ەكى-ءۇش ايدىڭ ىشىندە بيلىكتى قايتا ءبولىسۋ باستالادى. بۇل كۇرەسكە تاشكەن مەن سامارقاننىڭ ستۋدەنتتەرى مەن ەرەسەك وقۋشىلارى دا قاتىسۋى مۇمكىن. لولا تەك وتپەلى كەزەڭدە عانا بيلىكتىڭ باسىندا تۇرادى. باسقارۋ ۆەرتيكالى بوساڭسي باستايدى. ەكونوميكالىق جانە الەۋمەتتىك كەلەڭسىزدىكتەر قايناپ قوعامنىڭ بەتىنە، قالا بەردى كوشەگە شىعادى. "يسلام كاريموۆتىڭ كەزىندە جاعدايىمىز ناشار بولدى" دەيدى كوپشىلىك. بۇل - لولا كەتسىن دەگەن ءسوز.

وزبەكستاندا نارىقتىق قاتىناستار جەتكىلىكسىز كولەمدە ەنگەن. ليبەرالدىق ەركىندىك ءتىپتى از. اكىمشىلىك شەكتەۋ كوپ. قىشلاقتان قالاعا، سامارقانعا،تاشكەنگە كوشۋ، بارۋ، تۇرۋ ۇلكەن قيىندىق تۋعىزادى. رەسەيگە كەتۋ قيىن، رەسەيدەن كەلسەڭ تونايدى. وسىدان بىلاي حالىق كوررۋپتسيامەن كۇرەسۋدى تۋ عىپ كوتەرەدى. بىرنەشە كوررۋپتسيانەردىڭ فاميليالارى اتالادى. كورەيلەر مەن ورىستار وزبەكستاننان قاشادى. ءبىزدى يمميگراتسيالىق رەجيم قاتاڭداۋ كەرەك.تەك وزبەك جەرىندە تۇرىپ قالعان قازاقتاردى عانا  قابىلداۋ كەرەك.

ءازىمباي عالي

Abai.kz

0 پىكىر