ەلىمىزدىڭ نارىعىندا ەركىن قىزمەت ەتىپ جۇرگەن ء بىرسىپىرا بانك مەملەكەتتىك تىلگە ءجۇردىم-باردىم قارايتىنى وسىعان دەيىن تالاي رەت ايتىلدى، جازىلدى. ءتىل جاناشىرلارى ساۋاتسىز بانكتەردى سوتقا دا سۇيرەدى. دەسە دە بانكتەردىڭ قازاق ءتىلىن قورلاۋ پروتسەسسى ءالى كۇنگە توقتاماي تۇر. جاقىندا «kaz.365info.kz»  قازاقستان نارىعىندا قىزمەت  كورسەتۋشى «Centercredit»  بانكىنىڭ تۇتىنۋشى تۇبىرتەگىندەگى قازاق ءتىلىنىڭ سالا قۇلاش حالدە ەكەنىن ايتىپ، بانكتىڭ مەملەكەتتىڭ انا تىلىنە دەگەن قۇرمەتسىزدىگى اشىق جازدى.

اتالعان بانكتىڭ تۇتىنۋشى تۇبىرتەگىندە «چەكتى ساقتاڭىز!» دەگەن ءسوز قازاق تىلىندە – «چەكتى سيكتيڭىز!» دەپ جازىلعان.

سونداي-اق، اتالعان تۇبىرتەكتە «كۇنى» دەگەن ءسوز – «كۇشى» دەپ كورسەتىلگەن. سونىمەن، «Centercredit-ءتىڭ» ءتىلىن تاپسىرلەپ كورەيىك. «ۋاقىتى» - «ۋيقىتى»، «الماتى» - «يليميتى»، «كيشي ءشومىشى»، «يلۋعا شوليتىش كيشيجيت»، «كيشجى شيليشسى» - بۇل ارىپتەر تىزبەگىنەن دەنى دۇرىس ءسوز قۇراۋ مۇمكىن بولمادى.

ال «وتىنەمىز، چەكتى ساقتاڭىز!» دەگەننىڭ ورنىنا – «وتىشەمىز چەكتى سيكتيڭىز!» دەپ جازىلعان. ال 14 ءسوزدىڭ ءتۇيىنىن «راقمەت» دەۋدىڭ ورنىنا – «شيحمەت!» دەپ تۇيىندەگەن. اتالعان بانكتىڭ تۇتىنۋشى تۇبىرتەگىندە نوبايى قازاق تىلىندە جازىلعان 14 ءسوزدىڭ 13-ءى قاتە بولىپ شىقتى. ءتىپتى تۇبىرتەكتەگى ءتىلدى – قازاق ءتىلى دەپ ايتۋعا اۋىز بارمايدى.

مەملەكەتتىك ءتىلدى مۇنشا قورلاعان بانكتىڭ باسسىزدىعى شەكتەن شىققانى راس.

«kaz.365info.kz»  پورتالىنىڭ جاريالاپ وتىرعان تۇبىرتەگى كەشە عانا شىعارىلعان. اتالعان تۇبىرتەكتىڭ ۋاقىتى دەگەن تۇسىندا 24.08.2016 دەپ جازىلعان.

ايتا كەتەيىك، راسىندا كولبەڭدەگەن كوپ جارنامانىڭ ىشىندە ءدال وسى بانكتىڭ باننەرىندە – «بانك ءداستۇرلى قۇندىلىقتاردى قاستەرلەيدى» دەپ جازىلىپتى.

سوندا ءداستۇرلى قۇندىلىقتاردىڭ ساناتىنا مەملەكەتتىك ءتىل كىرمەيتىن بولعانى ما؟

ەستەرىڭىزگە سالا كەتەيىك، وسىعان دەيىن ەل نارىعىندا ەركىن قىزمەت ەتىپ جۇرگەن بىرقاتار بانكتەردە ءدال وسىنداي جاعدايلار ورىن العان. وندا قازاق ءتىلدى قارىپتەردىڭ ورنىنا لاتىن تاڭبالارى مەن كيريلليتسا جازۋى ەنگىزىلگەندىكتەن، قازاق تىلىندەگى كەيبىر سوزدەر تۇسىنىكسىز تاڭبالانعان. ءتىل جاناشىرى رۋزا بەيسەنبايتەگى مەملەكەتتىك ءتىلدى مۇقاتىپ، ءالى جەتكەنشە اجۋالاعان «تسەسنا بانكتى» سوتقا بەرگەن. ال بلوگەر اڭساعان مۇستافانىڭ ەسىم سويىن ساۋاتسىز جازعان «كازكوممەرتسبانك» جۇرتتان كەشىرىم سۇراپ، ولقىلىقتى تۇزەتۋگە ۋادە بەرگەن ەدى.

(سۋرەت "ازاتتىق راديوسى" سايتىنان الىندى)

ايتپاقشى، ءدال وسى «Centercredit-ءتىڭ» تۇتىنۋشى تۇبىرتەگىندەگى تىلگە دەگەن قۇرمەتسىزدىك ءام ورەسكەل قاتەلىكتەر تۋرالى  بىرنەشە رەت باق-تا ايتىلدى، جازىلدى. الايدا بۇعان بىلق ەتپەگەن بانك باسشىلىعى مەملەكەتتىك ءتىلدى مۇقاتۋىن تىيار ەمەس.

وسى ماسەلەگە قاتىستى ءبىز «سentercredit» بانكىنە حابارلاسىپ ەدىك، وندا سۇراۋ تەك جازباشا جىبەرىلەتىنىن جانە بەلگىلى ۋاقىتتان سوڭ جاۋاپ بەرىلەتىنىن ايتتى.

ال الەۋمەتتىك جەلى قولدانۋشىلارى قازاق ءتىلىن قورلاعان "تسەنتركرەديتتى" سوتقا بەرۋ كەرەكتىگىن ايتۋدا.

نۇرگەلدى ابدىعانيۇلى

Abai.kz