الەمدەگى ەڭ رومانتيكالىق ەلدىڭ ۆەتەرينارى قازاقستاننىڭ شالعاي وڭىرلەرىندەگى شارۋالارعا كەڭەس بەرەدى.

قازاقستانعا اگروونەركاسىپتىك كەشەن سالاسىنداعى شەتەلدىك ساراپشىلار «اتامەكەن» ۇكپ اگروبىلىكتىلىك ورتالىعى ۇيىمداستىرىپ جۇرگەن وتاندىق اۋىل شارۋاشىلىعى ونىمدەرىن وندىرۋشىلەرگە ارنالعان سەمينارلاردىڭ كەستەسىنە ساي ات شالدىرۋدا.  

ماسەلەن، مال شارۋاشىلىعى باعىتىنىڭ ساراپشىسى قانات جانعوزين فرانتسيادان كوپ جىلدىق تاجىريبەسى بار ۆەتەرينارلىق دارىگەر، تۋلۋز ۋنيۆەرسيتەتىنىڭ پروفەسسورى ميۋرەل ۆابرەنى شاقىردى. ۆابرە حانىم كوپ جىلدان بەرى، اراداعا شارتقا سايكەس، قازاقستان ەۋروپادان ساتىپ العان مالدى باعۋعا جاردەمدەسىپ كەلەدى. 

قازىر ونىڭ سەمينارلارى اقمولا وبلىسىندا وتۋدە، ودان كەيىن پروفەسسور سەمەي قالاسىنا جول تارتادى. 

«قازاقستاننىڭ ورتالىق بولىگىندەگى، استانا، الماتى قالالارىنداعى فەرمەرلەر قىزىعۋشىلىق تانىتا قويمادى.  ياعني، ولار ءۇشىن شەتەلدىك ساراپشى كەلدى مە، كەتتى مە، ءبارىبىر.  ال وڭىرلەردە اۋىل شارۋاشىلىق ونىمدەرىن وندىرۋشىلەر مۇنى اسىعا كۇتەدى. سوندىقتان دا ءبىز سەمينارلاردى ەڭ شالعاي جاتقان وڭىرلەردە وتكىزەمىز.  ءبىر سەمينار ءتىپتى زايساندا وتەدى، ول جاققا بۇعان دەيىن بىردە-ءبىر ساراپشى بارعان ەمەس»، – دەيدى اگروبىلىكتىلىك ورتالىعىنىڭ باسقارۋشى ديرەكتورى بولات سەيسەنوۆ. 

ۆابرەنىڭ ايتۋىنشا، جاقىندا اقمولا وبلىسىندا وتكەن سەميناردا ءىرى قارا مالدىڭ رەپرودۋكتسياسى  تۋرالى ماسەلە ءسوز بولىپتى. 

 «نەگىزىنەن سۇراقتاردى جاعدايدى جاقسى بىلەتىن، وسى ماسەلەمەن بەتپە-بەت كەلگەن ادامدار قويدى.  سالىستىرۋ ءۇشىن فرانتسياداعى مال شارۋاشىلىعى تۋرالى سۇرادى.  مەنى جەرگىلىكتى مالشىلاردىڭ شەتەلدىك تۇقىمداردان بولەك، جەرگىلىكتى تۇقىمداردى دامىتۋعا ءمان بەرىپ وتىرعانى قىزىقتىردى»، – دەيدى ول. 

ونىڭ پىكىرىنشە، شەتەلدىك تۇقىمدار مەن جەرگىلىكتى تۇقىمداردى قاتار دامىتۋ قاجەت. 

ۆابرە، سونداي-اق، مال شارۋاشىلىعى بويىنشا قازاقستاندا دا، فرانتسيادا دا جالپى ماسەلەلەر، ياعني، مال تۇقىمدارى، اۋرۋلارى دا بىردەي ەكەنىن اتاپ ءوتتى.  

تەك ەلارالىق ەرەكشەلىكتەر مەن زاڭنامالىق ايىرماشىلىقتار بار. سەمينار بارىسىندا جانۋارلاردىڭ جەرگىلىكتى جاعدايعا بەيىمدەلۋ ماسەلەسى دە قاراستىرىلدى.