«سىر مارجانى» سەرىكتەستەگى كۇرىشتى وڭتۇستىك كورەيالىق تەحنولوگيا بويىنشا وندىرەدى. الدىمەن ءداندى داقىل زاۋىتتا قابىلداۋ پروتسەسىنەن وتەدى، قۇرامىنداعى كراحمال مەن باسقا دا پايدالى زاتتار ساقتالا وتىرىپ وڭدەلەدى. ودان كەيىن كۇرىش جاقسىلاپ تازالانىپ، اعارتىلادى. قىزىلوردالىق كۇرىش «التىن ساپا» بايقاۋىنىڭ جۇلدەسىنەن دە ءۇمىتتى.   

قازالى اۋدانىنداعى شارۋاشىلىقتاردىڭ بىرىندە ءونىم ساپاسىن باقىلاۋ جانە مەنەجدمەنت جۇيەسى ەنگىزىلدى. 17 جىل بۇرىن بۇل فەرمادا العاش رەت 350 گەكتار جەرگە كۇرىش ەگىلگەن ەدى. بۇگىندە ەگىستىك كولەمى 4,5 مىڭ گەكتارعا جەتىپ جىعىلدى. ءونىمنىڭ جارتىسى كورشى ەلدەرگە ەكسپورتقا جىبەرىلەدى. وتكەن جىلدان بەرى مۇندا جەرگىلىكتى شارۋالارعا تۇقىم ساتىلا باستادى. 

شارۋاشىلىق ديرەكتورى مىناجادين وتتەەۆ: «مامانداردىڭ ايتۋىنشا، ءتۇسىم ءار گەكتاردان 5 تسەنتەردەن بولادى، دەمەك، ءبىز ءبىر مىڭ تونناداي جوعارى ساپالى تۇقىم جەتكىزە الامىز. بۇگىنگى تاڭدا وبلىستىڭ 20% تۇقىمى قىزىل ءدان. ءبىز جەتكىزەتىن تۇقىمنىڭ قۇرامىنداعى قىزىل ءدان 3%-دان اسپايدى. ءبىزدىڭ ونىمدەرىمىزدى ساتىپ الاتىن وزبەكستان، تاجىكستان، تۇركمەنستان سياقتى تمد ەلدەرى تۇقىم ساپاسىنا ىرزا، باسقا دا ءداندى-داقىلداردىڭ تۇقىمدارىن وندىرۋگە سۇرانىستار ءجيى تۇسەدى»، - دەيدى. 

2015 جىلدىڭ جەلتوقسانىندا سەرىكتەستىك 500 باس سيىردى بورداقىلاۋ ءۇشىن جەمدەۋ الاڭىن اشتى. بورداقىلانعان ءىرى قارا مال قىزىلوردا جانە بايقوڭىر قالالارىندا، اۋدان اۋماعىندا جوعارى سۇرانىسقا يە. بۇل ءىستى جاقسىلاپ مەڭگەرىپ العان سوڭ، كاسىپكەر كونسەرۆىلەنگەن بۇقتىرىلعان ەت، شۇجىق پەن سۇبە وندىرەتىن كومبينات اشۋدى جوسپارلاۋدا. 

شارۋاشىلىق ديرەكتورىنىڭ ايتۋىنشا: «قر ۇزدىك تاۋارى» اتالىمىن العان سوڭ ءبىزدىڭ ونىمىمىزگە دەگەن سۇرانىس ەسەلەپ ارتتى. ەگەر «التىن ساپا» سىيلىعىن يەمدەنە الساق، وندا جاۋاپكەرشىلىك ارتىپ، ءونىمنىڭ ەكىنشى ءتۇرىنىڭ ساپاسى دا ارتادى». 

ايتا كەتەرلىگى، «سىر مارجانى» سەرىكتەستىگى وندىرىستەن بولەك، الەۋمەتتىك جاۋاپكەرشىلىككە دە كوپ كوڭىل بولەدى. بۇگىندە وندىرۋشىلەر اۋىلدى ايماقتاردى كوركەيتۋگە ايتارلىقتاي قارجى بولۋدە.