18 تامىز — شەكاراشىلار كۇنى. كەڭەس كەزىندە 29-مامىر كۇنى تويلاناتىن مەرەكە 2012 جىلدان باستاپ بۇگىنگى كۇنگە اۋىسقان. وتاندى قورعاپ، كۇنى-ءتۇنى كوز ىلمەيتىن شەكارا قىزمەتىنىڭ قيىندىقتارىن كەز كەلگەن جاننىڭ بىلە بەرمەسى انىق. 

شەكارا قىزمەتى جىلدامدىقتى تالاپ ەتەدى. مۇندا ءاربىر ءسات ساناۋلى. تەمىردەي اسكەري تارتىپكە ناعىز ەر ازامات قانا شىداي الادى. مۇندا «ىستەي المايمىن»، «قالامايمىن» دەگەن ءسوزدىڭ ءوزى جوق. «تارتىپكە باعىنعان قۇل بولمايدى» دەمەكشى، مۇنداعى ءاربىر بۇيرىق تالقىلانبايدى، مۇلتىكسىز ورىندالادى.

بۇل قىزمەتتە الىستاعى اتا-انانى ساعىنۋ مەن زەرىگۋگە مۇندا ۋاقىت جوق. قارۋ-جاراق، نۇسقاما، بۇيرىق جانە قايتا جاساققا بارۋ. شەكاراعا جاۋ شاپتى دەگەننەن مۇنداعى جاۋىنگەرلەر جاتپايدى. كۇنى-ءتۇنى ەل بەكىنىسىن قىزعىشتاي قورعايدى. 

قۇرمەتتى شەكاراشىلار! 
قىمباتتى ءبىزدىڭ ايبىندى وفيتسەرلەر مەن ساربازدار، شەكارا قىزمەتىنىڭ ارداگەرلەرى! سىزدەردى كاسىبي مەرەكەلەرىڭىز شەكاراشىلار كۇنىمەن شىن جۇرەكتەن قۇتتىقتايمىن!
ەلىمىزدىڭ ۇلتتىق قاۋىپسىزدىگىن قامتاماسىز ەتىپ، ۇلان-عايىر مەملەكەتتىك شەكارامىزدى قورعاۋداعى ەڭبەكتەرىڭىز وراسان.
سىزدەردىڭ قيىن دا ابىرويلى، جاۋاپكەرشىلىگى مول ىستەرىڭىزگە تابىس، مىقتى دەنساۋلىق، قاجىماس قايرات تىلەيمىز. جاۋاپتى قىزمەتتەرىڭىزدە قاشاندا تابىستان تابىسقا جەتە بەرىڭىزدەر! ەلىمىز امان، شەكارامىز تىنىش بولسىن!
مەرەكەلەرىڭىز قۇتتى بولسىن، شەكارا شەبىنىڭ ساربازدارى!

قۇرمەتپەن، 
وڭتۇستىك قازاقستان وبلىسىنىڭ اكىمى 
بەيبىت اتامقۇلوۆ

Abai.kz