اۋدان اكىمى ب.كوشەرباي  شايان ەلدى مەكەنىن تۇرعىندارىمەن كەزدەستى.  كەزدەسۋگە قوعامدىق كەڭەستىڭ مۇشەلەرى، اۋىلدىق وكرۋگتەن سايلانعان ماسليحات دەپۋتاتتارى، ارداگەرلەر كەڭەسىنىڭ توراعاسى، اۋىل ءبيى، ەڭبەك ارداگەرلەرى، ورتالىقتاعى 56 كوشەنىڭ وكىلدەرى، ءبولىم، مەكەمە باسشىلارى، باق وكىلدەرى قاتىستى.  كەزدەسۋدىڭ ماقساتى اۋدان ورتالىعى  شايان ەلدى مەكەنىن كوركەيتۋ- اباتتاندىرۋ جۇمىستارىنا بايلانىستى  قوسىمشا ۇسىنىس پىكىر الماسۋ بولاتىن. 

اۋدان باسشىسى قازىرگى تاڭداعى اۋدان ورتالىعىنداعى  جۇرگىزىلىپ  جاتقان  جۇمىستارعا توقتالىپ، الداعى اتقارىلاتىن  جۇمىستارمەن تانىستىردى. كەزدەسۋدە 22 ازامات ءوز پىكىرلەرىن ءبىلدىرىپ، سۇراقتار قويدى.  جينالعان جۇرتتىڭ باسىم كوپشىلىگى  ورتالىقتا جۇرەتىن مارشرۋت اۆتوبۋسى قويىلسا، باعدارشامدار ورناتىلسا دەگەن وتىنىشتەرىن ايتتى.

اۋدان اكىمى ب.كوشەرباي ازاماتتاردىڭ ۇسىنىس پىكىرلەرىن تىڭداي كەلە،  بۇل ماسەلەلەر بويىنشا جان-جاقتى  زەردەلەپ شەشۋ جولدارىن قاراستىراتىنىن جەتكىزدى.

ايتا كەتەيىك، وسىعان دەيىن بايدىبەك اۋدانى اكىمى ب.كوشەرباي، شاياندىق كاسىپكەرلەرمەن كەزدەسۋ وتكىزگەن بولاتىن. وندا ەلدى مەكەن ىشىندەگى كاسىپكەرلىك باعىتتا پايدالانىلىپ جاتقان دۇنگىرشىكتەر مەن ساۋدا ورتالىقتارى، اپتەكا، شاشتاراز، مونشا سىندى جەكە مەنشىكتەگى قۇرىلىس نىساندارىنىڭ قاس-كەلبەتىن رەتكە كەلتىرۋ ماسەلەسى  بولاتىن.

اۋدان اكىمى جينالعان كاسىپكەرلەرگە قازىرگى تاڭدا اۋدان ورتالىعىنداعى كوشەلەر كەڭەيتىلىپ، اياق جولدار سالىنىپ، 10 گۇلزار، 10 اركا، 10 اۆتوتۇراقتىن سوگىلعانىن جانە دە بالالار وينايتىن الاڭنىن جۇمىستارى قارقىندى ءجۇرىپ جاتقاندىعىن ايتتى.  سول سەبەبتەن بارلىق كاسىپكەرلەر دە اتسالىسىپ ءوز مەنشىگىن رەتكە كەلتىرىپ سىرلاۋ، ارلەۋ جۇمىستارىن جۇرگىزسە دەپ پىكىرىن ءبىلدىردى.

Abai.kz